كفرات الباثفايندر ..... سؤال

[الفرعاوي]

السلام عليكم و رحمة الله و بركاتة

رحت امس الى محلات الكفرات اسأل عن كفرات للباثفايندر بحيث تكون اعرض من اللي شد بلادة (245)


لقيت 275 شكلة مناسب من عدة شركات ( دنلوب و شاهين ... الخ)

لكن فيه من قال انها تركب و بدون مشكلة وقالي احد البنشرية انها تحك (بضم التاء و الحاء :D )

وشرايكم ؟؟

و إذا هي ما تحك (بضم التاء و الحاء :D ) ، و النوع ؟؟

و شكرا

[الخبير]

السلام عليكم
كلام البنشري صحيح الكفر يبي يصير يحك.
أفضل طريقة بالنسبة لك شف كفرات اقل عرض من ال 275 خذ مثلاً 265 ولا تاخذ ارتفاع اكثر من 70 لأنه يبي يصير يحك في الرفرف.

[الفرعاوي]

مشكووووور اخوي الخبير ,, ابا احاول و ارد لك

[ابوقاسم]

هذي نصيحة من واحد حاس الين قال بس (بفتح الباء والسين )من الدوارة على مقاس يناسب الباثفايندر ولا يحك (بضم الياء و الحاء) واختر مقاس اعرضولكن اقل ارتفاعا ووجدته عند شركة بيرللي وهو المقاس التالي:
275/60-16 وتراه اقل ارتفاعا من الاصلي بحوالي 1سم ولكنه اعرض منه وهنا الفرق.
:cool:
:cool:
:cool:
:cool:
:cool:
ولك التحية واخبرنا عن النتيجة اللي تصير معاك وبكم الكفر عندهم.

[الفرعاوي]

أخوي الغضى ،
جزاك الله خير على النصيحة

و المقاس بصراحة يبصير مسكت من حيث العرض و الارتفاع .. و دورت في الغرابي على شركة بيرللي وهو المقاس التالي:275/60-16

لكن
أولا لم أجد المقاس من هالشركة أو غيرها في الغرابي !
ثانيا يقال أن الشركة مالها وكيل !!
ثالثا بصراحة حتى لو لقيت المقاس ، اذا ماهو متوفر و دارج ، ممكن يسبب لي مشكلة في المستقبل (على الخطوط) !!

بالنسبة للمقاسات الاخرى وجدت التالي :-

(وضعت الاسعار فقط للعلم حيث أن لها فائدة مهمة لإتخاذ القرار بالإضافة الى أنها مرجع للأخوة خارج منطقة الرياض) :-

265/70/16 (المقاس الخاص بالباترول) :-
بريجستون بقيمة 350 ريال
دنلوب بقيمة 320 ريال
ميشلان 460 ريال
يوكوهاما 335
شاهين 270
تويو 330

255/70/16 (أعتقد المقاس الخاص بالجمس؟؟) :-
ميشلان 460
يوكوهاما 330
هانكوك 260
دنلوب (قار+رمل) 320

235/60/16 ((حق الشبح ؟؟) :-

فالكور 275

و سوف انشاء اللة أزودكم بآخر الاخبار !!

و شكرا

أخيكم / الفرعاوي






مرة أخرى شكرا

[اسير الصمان]

اخوي قرعاوي انا معي باثفندر وبصراحة دورة زيك كثثثثثييييير لين استقريت علي اليوكهاما بصراحة لين وحلو ومرتاح فيه مره له الحين سنة ونصف ولسه فيه عمر
مع اني كاده شعبان وبران وعر وبرضه ماشي بس لا تاخذ اي كفر تشريه الا من وكيله عشان يكون الكفر الربل حقه طازه مهوب قديم من حقات الغرابي وبرضه شف التاريخ يكون جديد .

[بـــدر]

حبيت اسأل عن إاستخدام الباثفايندر وكيفه من ناحيه صرفيه الوقود مع انه البنزين بدى يضعف قوته ماهو زي اول، وبعدين كيف عزمه خاصه الموديل الحديث 2003 ياليت تفيدوني لان على وشك اشتري بس متردد ولكم جزيل الشكر.
بالنسبه للكفرات حسب علمي يوكوهاما افضب شي لينه مره ما تفكك البودي وزينه برمل ما تغرس حسب استخدامي.