الجيب الربع استنقا ص أو لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الساج]

موضوعي عبارة عن سؤالين :

السؤال الأول : هل الجيب الربع مناسب لراعي البر أولا ؟

السؤال الثاني : هل تستنقص من معه جيب ربع أولا ؟



#طرحت السؤالين لأني كل من قلت له أباخذ جيب ربع استغرب مدري ليييييييييش !!!!!!!!

[ابو خالد 2006]

السؤال الأول : هل الجيب الربع مناسب لراعي البر أولا ؟

والله هو الان يعتبر موتر كشخة خاصة للصغار , لكن لراعي البر أقول لا

السؤال الثاني : هل تستنقص من معه جيب ربع أولا ؟

نعم اذا كان عمره دون الـ 30

[أبو مسفر]

السؤال الأول : هل الجيب الربع مناسب لراعي البر أولا ؟

والله انا اظن بالنسبة لراعي البر واللي يبي يبطي بالبر كسيف ما ياخذ الا ثنين بعزبتهم
اما اللي يبي يتمشى هو وخويه لحالهم ما مثله عز الله انه ما هوب موهقهم ابد

السؤال الثاني : هل تستنقص من معه جيب ربع أولا ؟

اختلف مع الاخ ابو خالد لا للي عمره اقل من 30 سنة

[أبو مسفر]

السؤال الأول : هل الجيب الربع مناسب لراعي البر أولا ؟

والله انا اظن بالنسبة لراعي البر واللي يبي يبطي بالبر كسيف ما ياخذ الا ثنين بعزبتهم
اما اللي يبي يتمشى هو وخويه لحالهم ما مثله عز الله انه ما هوب موهقهم ابد

السؤال الثاني : هل تستنقص من معه جيب ربع أولا ؟

اختلف مع الاخ ابو خالد لا للي عمره اقل من 30 سنة

[الفهد11]

ج1:موتر بر ونشيط بالحيل
لاكن لو يجين اهداء مركبته.
ج2:احيانا استنقصه
وانا اقول فيه الباترول ازين من ناحيتي بألف مره من الربع.

[طخيمان]

السؤال الأول : هل الجيب الربع مناسب لراعي البر أولا ؟


والله شف يالغالي هو مناسب بس إذا جيت تشوف سعره تلقاه فوق التسعين ألف وبصراحة 90 ألف واجد عليه مررة يعني بـ 90 آخذ باث فايندر

وللا لاند مستعمل وللا باترول مستعمل


السؤال الثاني : هل تستنقص من معه جيب ربع أولا ؟


إيه والله لأنهم جابوا الشبه لأنفسهم وأعتقد المعنى واظح ما يحتاج توظيح

[فارس بريده]

ج1 اخي جيب الربع من افضل واقوى المواتر بالبر وهو مناسب فلا تجد مكان لا يستطيع الربع الوصول اليه

ج2 اما الاستنقاص فالصراحه نعم

[عمار السفينه]

السؤال الثاني : هل تستنقص من معه جيب ربع أولا ؟
!


معليش يااخوان أنا أعارض اللي يقول أنه يستنقص ربع التيوتا

وما يصلح أننا نحكم على سياره كامله بسبب تصرفات نتجة من واحد ساقها .
وخل عندك يااخوي الساج ثقه بنفسك

وأسال نفسك قبل لماذا يستنقص الربع ؟؟؟

أكيد تعرف ,, لكن هل أنت مثل بعض أصحاب التصرفات السئيه , أكيد لا

فاذا أنت تبي تاخذه لقوته في البر وما عندك مانع من حجمه الصغير

فانصحك به لانه مايحتاج ماشاء الله

وخل عندك قناعه .

[نجم السهاء]

1/ والله اتوقع ماتكفيه موتر بر لانه يتحمل ما يخرب واضافه ماسك سعره لو تفكه وكاله وانا مجرب

2/ ما استنقصه لانه اذا كان شد بلد وماهو راعي تلميع كفرات وغيره والسائق محترم شكله مو راعي حركات نص كم ما يلاحظ عليه شي ويكون عادي ..

[راعي المقانيص]

السؤال الأول : هل الجيب الربع مناسب لراعي البر أولا ؟

مناسب للبر ولكن ليس لأماكن بعيدة والسبب الرئيسي مافيه الا تانكي واحد ولا تقدر تاخذ معك احتياطي لانه مايشيل شي

السؤال الثاني : هل تستنقص من معه جيب ربع أولا ؟

نعم بكل صراحه أستنقصه لان الان ماعاد تشوفه الا مع ناس مايركبونه الا لـ ................................... الخ

واذا ملزم تبي الربع خذ الباترول زين وعملي ولا يستنقصك أحد فيه

[هاوي الله]

من ناحيتي أشوف إنه مهوب رزه وشخصيه واستنقصه مع صغار السن .

لكن أشهد بالله إنه يصلح لراعي المقانيص ( أنت وخويك فقط ) خاصه إذا جاك ديف لوك أمامي وخلفي + ونش

والله معاد يرده شي , بر وجبل &

لكن مدري هو يجي 2 تانكي بنزين ولأ لا ؟

[دغيم]

السلام عليكم

هلا فيك أخوي الساج .
1 ) - نعم مناسب حسب احتياجة - سيارة قوية ويعتمد عليها .
2 ) - لا ارى انه استنقاص - فما يعيب الرجل سيارة يملكها الكثير وسيارة شعبية - دام انه محترم نفسة وغيره .
مع تقديري لجميع الآراء - فلا بد ان نحترم الرأي الآخر .
تقبل تحياتي

[المدمرة]

جيب الربع ممتاز ولكن يعاب عليه ان بعض البزران يركبونه وسلامتكم

[فتى شنه]

الساج اسئلتك لا تنطبق الى على ااهل القصيم من ناحيه من يشريه او من يركبه يكون معرض للشبهه وانتم ابخص

اما لو تذهب للحجاز عموما فتحصله مرغوب بشكل قوي خاصه العشه والنوع الجديد لان مناطقهم وعره وجبال ولا يحبون يقنصون اللى عليه

[firstclass]

السلام

اخي الساج

اقل من جيب ليكزس 470 لا تقبل

وشو نص وريع

فخامة وراحه على الخط ثلاجة بينك وبين خويك حق الببس

جارمن شد بلاده

تحياتي

فيرست كلاس

[HAMAD554]

اخوي العزيز اولا السيارة ماتمثل صاحبها والرجال مخابر ماهم مناظر
ثانيا الجيب الربع اخير منللي جدايلة مثل دايل اختة ولابس جنز حتى ان الوحد يستحي من الوقفة في جنبة لو في محطة للبترول هذا اللي ينقد علية ماهوب السيارة وتراها وسيلة نقل سواء اللي عنده قطاااااااار والا يمشي حافي قدم

[ابوشنآر]

انا انصحك بالهدد افضل من الربع بكثير وتراه هو الموتر للبر مايخلي مكان ما ياصلة انت فكر في المكان وهو ينفذ لانة خفيف وزن وقوي جداً ويشيلك انت واخوياك والعزبة بالراحة

ج 1 = الجيب طيب ولاكن الهدد افضل

ج 2 = انا اعتقد بان ليس بعيب على الواحد ان يركب اي سيارة يفضل ابداً سواء كان عمرة صغير او كبير هذي هواية شخصية وليس فيها نقصان ولاشي


وفقكم الله

[نجم حفرالباطن]

بصراحه انا من الناس الذين يعشقون الربع وممن يقدرونه
ولكن يبقى من الذي يركبه هل هو صاحب الشباب بمعنى اعمارهم بالعشرين وادون
ام الشيبان
اعتقد انه لشباب يعني الشيبان الله يخلف عليهم عندهم الفكسار وغيره

[أبوأحمد98]

بالنسبه للبر كل شخص وله استخدام ومن وجهة نظري مثله مثل الباترول الربع

وبالنسبه للاستنقاص بالعكس اشوفه مثل اي سيارة اذا كان تشوف بعض الي معهم جيوب ربع عليهم تصرفات مهب مظبوطه هذا مايعني ان اي واحد معه ربع انه مثل هالاطفال

اغلب اخوياي معهم جيوب وهم والله رجال شرواكم

[برق شقراء]

والله يا أخوي ما أدري وش أقولك
شف الربع موتر بر ما عليه كلام بس مثل ما قالوا الشباب ما يوديك بعيد لأنه تانكي واحد
أما أستنقاص راعيه فأنا بصراحة يمكن أستنقصه
لا يجيني واحد يقول انت عندك قناعتك أجل ما عليك من الناس
بس أقول يا أخي الناس وش تبي تقول؟؟؟؟
والصراحة ما ادري وش حاد الواحد على ربع التايوتا!!!
يا عزيزي فيه الباترول (إن كانك تبي ربع) أأمن وأريح ونفس القوة والسمعة حلو ولا عليه أي إشكال!!!
وأنا أقول للي يبي يشتري ربع بدامك واصل هالمواصيل طق لك هدد أزينلك بوااااااااااااااجد


برق شقراء

[وسيع البال]

بالنسبه للسؤال الاول
ممتاز لراعي البر موتر ينشد فيه الظهر ماتخاف منه بإذن الله ونشيط وينزل منازل في النفود ماينزلها الجيب (اربع ابواب)
ويكفي اربع اشخاص بالراحه مع اغراضهم وعزبتهم إذا فصلت له شبك فوق عشان أذا زاد شي من اغراضكم تحطونها فوق.....
اما بالنسبه للسؤال الثاني
ما اعتبره استنقاص أبداً موتر بر ممتاز ... والرجال مايعيبه شي...

[سكّين]

فتى شنه : ما ادري ليش تخص القصيم بالذات

الربع معروف خرابيط راعيه في الشرقيه والرياض والجوف وحايل

فجزاك الله خير لاتتهم احد ولاتشمل ان كل راعي ربع وقصيمي فهو [...] وأنت أفهم

------------------------------------------

وبالنسبه للسؤال

فا والله لو يحصلي دراهم لا أطق لي أخر موديل وكلام الناس ماهمن

[جمران]

عذراً سيتم نقل الموضوع إلى خيمة السيارات وتجهيزاتها
حيث مكانها المناسب

[عاشق سفر]

والله اذا تبون الصراحة انا من الغربية والجيب الربع عندنا معروف غالبا انه للمباحث خصوصا الابيض والله اني لا طلعت بالليل من البيت وكان الربع يلف في الحي انك ماتلقى ولا مراهق في الحي كلهم يشردون لبيوتهم وخصوصا لا كان عليه اريل...

على فكرة يا اهل الرياض والشمال والقصيم عندنا بالغربية((جدة الطائف مكة)) الربع ((الأبيض)) يهابونه الناس لانهم يحسبونه للبحث لأنه نادر واللي يستخدمونه يكونون خارج داخل القرى...

أما عن اللي يقول ان راعيه راعي خرابيط فأنا اقول ممكن عندكم هالشيء بس عندنا لا...

وعلى فكرة لكل القرااااااااااء ياليتكم تتذكرون ان راعي اللف والدوران تلقاه بأي موتر سواء ربع او غيره انشاء الله على رجوله والا بسيكل...

لاتعممون على موتر معين لاني والله اعاني من هالشيء لان موتري كامري والكامري معروفة بالغربية اغلب من يلف ويدور تلقى معه كامري طبعا مو للدرجة اللي توصفون فيها الربع لااااا هو هالشيء موجود ولاننكر وجوده بس مو بشكل كبير


تحياتي للجميع

[الساج]

الى كل من افادنا بإجابته ابعث له خالص شكري وامتناني

[راعي المقانيص]

من ناحيتي أشوف إنه مهوب رزه وشخصيه واستنقصه مع صغار السن .

لكن أشهد بالله إنه يصلح لراعي المقانيص ( أنت وخويك فقط ) خاصه إذا جاك ديف لوك أمامي وخلفي + ونش

والله معاد يرده شي , بر وجبل &

لكن مدري هو يجي 2 تانكي بنزين ولأ لا ؟

ممكن تفيدني ياغالي ليش خصيتني انا بالذات ؟ ؟ ؟

[مجتهد***]

عليك بالي ينفعك وينفع أهلك

لاتفكر بنفسك بس .

[cruise]

الجديد2007 يجي اربع بيبان يمكن يكون احسن.................

[elyas_a]

يا الأخ الساج

الجيب الربع التويوتا

والله ما يركبه (عقبهم) صاخر اللحية

[الساج]

مجتهد

(عليك بالي ينفعك وينفع أهلك
لاتفكر بنفسك بس)

مشكور اخوي وما قصرت

(cruise
الجديد2007 يجي اربع بيبان يمكن يكون احسن.................)

لك شكري على إفادتك وماقصرت

(elyas_a
يا الأخ الساج

الجيب الربع التويوتا

والله ما يركبه (عقبهم) صاخر اللحية)

كلام في الصميم وما قصرت

[راعي الرسميه]

لكلشيي يصلح

[هاوي الله]

ممكن تفيدني ياغالي ليش خصيتني انا بالذات ؟ ؟ ؟

لا جعلك تسلم أقصد أهل المقانيص واللي يحبون المقانيص ماقصدتك أنت بالذات لحالك