ناوي ترهيم ابي المساعدة طالبكم محتاار مرة

[iExPLoRz]

السلام عليكم ورحمة الله وبركاتةاسعد الله صباحكم ومسأكم بكل خير ومودةطبعا ي شباب عندي لقيت باثفندر 2005 بخبط بدي نظيف وكل شىء نظيف قير عادي وناوي اخذة وارهمة بحكم عشقي للباثفندر الجيل القديم وخفتة وسعرة المناسب والرخيص جداالمهم ابي وش احتاج عشان ارهمة ومحاكيكم عليمي طبعا ابي وش افضل مكينة علية للاستخدام اليومي وبالنفود يقلون الافضل 1uz اتوقع اللي هي لكزس 400 تفرعت بالموضوع واستفسرت وبحثتلقيت انة يحتاج تعديل كلتش وماعندي مشكلة وانا ناويبة كل الشغل من مكينة وبرمجة وهدرز وقزوز وماعندي مشكلة افصل طبعا شفت بعض الناس يقول حطلة قير شروكي ومن هالكلام هو صحيح افضل قير شروكي ؟وبعضهم يقول حط صحن كلتش وحذاف ومدري وشو طبعا ابي رايكم وش افضل ورشات الترهيم وارخصها سمعت بالفوزان انة يعطيك اشياء مجانية مع الترهيم ورخيص ومضمون وسمعت بالسويدان وسمعت بتركي الفضل وهو مختص باثفندر وعندة باثفندر مرهم ابي تفضل الورش لاهنتم وابيية نفسة نفس المرهمات لا خرابت والا اضرار اخيرا هل يحتاج لة قص وماقص ولا لا والسلام خير الختام السلام عليكم ورحمة الله وبركاتة

[Anwar abdulla]

لو سقطت له مكينة 400 عزالله ماتبي غيره
بس هنا اسعارهم فوق غاليه بالحيل الله يعينك

[المميـز]

الباثفندر 2005 ماشاءالله نشيط بدون ترهيم
مالك ومال الخساير
ركب عليه هدرز ومروحه وفلتر افضلك
والقرار لك والله يكتب لك اللي فيه الخير

[قدر مكتوب]

1-اخوي تبي ترهم جرب الباترول افضل من الباثفندر بالترهيم.
2-ان نويت ترهم فحط ببالك تبي تصير لقمه سائغه (واسمح لي في هالتعبير) لمبزرة الورش اللي يتعلمون علينا .
3- اذا نويت ترهم لابد على اقل تقدير يصير عندك علم في الفك والربط بحيث لو تعطل عليك الموتر تدبر عمرك وتخارج نفسك .
4- ان مازلت مصر على الموضوع وودك تجرب حط في بالك ميزانية لاتقل عن 25 الف بسبب اسعار الترهيم.
5- تاكد ان السيارة ماصصمت لمثل هالقوه المفرطة وكم دعسه وبعدها راجع الورشة .
6- قير الشيروكي لازم معه دبله لانه مايركب على دبل موترك ومعني ان تغير القير والدبل لابد تغيير الدفرنسات ونظام التعليق وهذا بحد ذاته موضوع كبير , الا اذا تبي الموتر بدون دبل فهذا موضوع ثاني
7- لازم تصير صبور لانك تبي تتلعوز بالورش والمطامر تصور سيارة فيها مكينه ترهيم والله اعلم وش ببطن المكينه مثلا مكينه منتجه عام 1997 وش تتوقع تبي تعطيك واغلب وارد دبي مكتوب عليها rebuilt يعني معاد تركيبها وكل قطعها الداخلية مجمعها ابو بنقال بالامارات يعني شغل خرابيط الا مارحم ربي عاد انت وحظك او انت فعلا تطيح بمكينه نظيفة , بعد المكينه تبي تحويلة بين المكينه والقير او بليته وهذي تفصيل مخارط عندنا وتبي كمبيوتر (هالتك او موتك ) وتبي هديرز تفصيل وهذا خذ من لمصقه ربعنا قومه وقعده كل واحد يجيب مكينه تعفيط مواصير ويصير كابتن وعنده مصنع هديرز وتبي دبة يوكن وتبي تعديل على الكلتش وتبي رديتر اكبر ومراوح كهرباء ..... وتبي شغلات كثير على حسب الشغل ونظافته
8- نصيحة اخ تبي تتحمس وتشتغل ثم عاد بعد اول طلعتين ودوستين بالموتر تبي تقول وبعدين وش هالخساير عليه ؟ وبعدها يبي يطيب خاطرك من كثر ماتراجع الورش وبعدها تبي تعرض موترك بحراج مرهم للبيع ويجيك واحد يسومه منك بنصف سعر التكلفه وانت تتشفق احد يسومه وتبي تبيعه واخرتها تبي تروح تشتري باثفندر من دون ترهيم فانت اختصر الموضوع وبلا لك هاللفه
9- اذا انت ميكانيكي وراعي فك وربط وعندك ورشة خذ هالمشورع سعه صدر لك مو مشكلة لانك راعي صنعه بس مستهلك نصيحة لا , السيارات وانا اخوك ماسلمت من الخراب وهي شد بلد عيوب مصنعيه ومشاكل وصرف زيت وحرارة وتعليق تبي تسلم سيارات ملعون ابو جدفه ثم عاد مرهمه عند مبزرة هالاستراحات اللي يسرقون خلق الله الا من رحم ربي

اخيرا بالتوفيق

[جموول]

انا مثلك نويت اركب لكززس لاكن واحد كان يعدل قبل مانصحني يقولي الكراسي والتحويله ماتتحميل مع الوقت لان التجليس للمكينه غير مريح لقوتها يعني قابل للكسر والكراسي بعد تنكسر معك لاكن يقالي انه يضمن لك التحويله والكراسي ماتنكسر والله يكتب الي فيه الخير

[You Like Me]

وعليكم السلام ورحمه الله

حط في بالك اي مشروع ترهيم يبي له ميزانيه وصبر في البدايه بتواجهك نكسات وبتتعب لحد ما يضبط شغلك
يوجد موضوع قديم لـ أحد الأعضاء مجلس مكينة دينالي 6 لتر على باثفيندر نفس اللي معك
لعلك تبحث عن الموضوع في قوقل مكشات وتتواصل معاه يعطيك التفاصيل

بالتوفيق لك في مشروعك

[Anwar abdulla]

انا ضد الترهيم بسبب ارتفاع التكلفه
دامه قير عادي صقط له مكينه يابانيه
ثم راجع موضوعي يمكن العيب منا مو من مكينته
http://www.mekshat.com/vb/showthread.php?704909-%E5%E1-%E4%CD%E4-%C7%E1%D3%C8%C8-%DD%ED-%E4%DE%D5-%D2%ED%CA-%C8%C7%CB%DD%E4%CF%D1-%26%231634%3B%26%231632%3B%26%231632%3B%26%231635% 3B-%26%231634%3B%26%231632%3B%26%231632%3B%26%231637% 3B-3-5L