ماهو افضل موقع في حائل ....؟

[turki315]

السلام عليكم ورحمة الله وبركاته

اخواني الأعزاء


لاشك ان منطقة حائل بها الكثير من المواقع المشهوره

والجميله التي يقصدها أهل حائل وزوارها للخروج للبر

فنأمل من الأعضاء ترشيح المواقع المميزه والجميلة وخاصة النفود

[بن بليهد]

نفود الجفر 60 كم من حايل ورا الخطه

او امسك طريق الجوف وكل الي حواليك طعوس وان بغيت الحطب حق الرحله ادخل 20 كيلو

[داير11]

حايل كلها حلوه تحتار وين تروح
تجمع كل التضاريس سهال وجبال واوديه وشعبان ونفود
يعني طب وتخير

[الحصبيات]

النفود اللي وراء الخطة نظافة وحطب وسعة صدر

[الوطواط]

وعليكم السلام ،،،
من اروع الاماكن في السعودية ( للمكاشيت ) حايل، و من كثر الاماكن الي تستاهل اذكر لك على حسب الافضلية :
1- منطقة توارن في جبال اجا / منطقة جو في جبال اجا.
2- جبة / طعوس + قرية زراعية ومتحف النايف.
3- جبال سلمى / طابا والجحفة و النعي+ فوه البركان الهتيمي.

تحياتي

[محتار]

نفود جبه ربيعه ممتاز