تكفون فزعتكم تانكي المويه جنني

[بارق االوسم]

السلام عليكم يسعد مساكم / صباحكم
عندي مشكله بالتانكي حق الماء ركبته من عند الوادي بالرس يطلع طعم بالماء طبعا 200 لتر. مركبه ع موتري جمس الالمنيوم التانكي. ذبحني جنني ماادري وش اسوي له له طعم زي الكلور. والمشكله عبيته 100 مره ومياه من اماكن مختلفه .. عطوني حل الله يبيض وجيهكم. غسلته بفيري ماانفع بعدين اللي البريق او الدله يطعم فيهاا وش الحل الله يرحم والديكم اللي عنده خبره يفزع

[بارق االوسم]

تكفون احد عنده خبره يررد 55 مشاهده ��

[AZ WAEL]

عليكم السلام اخوي ارجع للي سواه لك او كلمه وقله عن المشكله اللي فيه

[baaasss]

غير اللي
احيانا الطعم من اللي مثل ما صار معي

[حايلي يابعدي]

وعليكم السلام
بالنسبة للطعم على حسب خبرتي بورشتي لتفصيل التوانك سابقا يوجد ثلاثة حلول :
اولا (الاسهل ) بدل الهوز والافضل لي غاز احمر ايطالي
ثانيا (متوسط ) اشتر 4علبة سفن اب العايله وفض التانكي من الماء حتى ينشف ثم اسكب علب السفن اب بالتانكي واغلق التانكي ورج التانكي اذا كان متنقل واذا كان مثبت بالسيارة تحرك رح وتعال مدة 3 ايام وبعدها فرغ التانكي وعبه ماء وجرب اذا نفع تمام اذا مانفع كرر التجربة مرتين اذا مانفعوننتقل للحل الاخير
ثالثا : (الاصعب ) نوع اللحام المستخدم باللحام اذا لم يكن اصلي ماراح ينفع معك الحل الاول ولا الثاني الا تستخدم الحل الثالث وهو بفك اللحام كامل واعادة خياطته من جديد بلحام جودة عاليه

[خالد النتيفي]

هلا بك أخوي أنا صار لي نفس المشكلة وغيرت اللي (الهوز) والحين مضبوط الحمد لله

[عابر الموج]

انتبه للي الذي تعبي منه التانكي احيانا يكون خربان ويطلع طعم من خلاله

[بارق االوسم]

بيض الله وجيهكم جميعاا وشكرا للصاحب الخبره حايلي ياابعد حيي مااقصرت وانا خايف انه من اللحام المستخدم لكن بجرب حلولك لعلها تنفع

[مطر البادية]

السلام عليكم ورحمة الله وبركاته

أخوي ولا يهون من جميع القراء السالفه سهلة بإذن الله مثل ماقال بعض الشباب غير اللي واحسن انك تركب لي غاز ايطالي احمر

[Bader-M]

وعليكم السلام

اتفق مع ماذكره الاخوان

غير الي وتزين امورك باذن الله