فزعتكم يا اهل المكاشيت والشاصات

[شيخ السوالف]

السلام عليكم ورحمة الله وبركاته يا جماعه معي شاص نيسان شد بللد ما فيه شي

اول شي ودي اركب شد وين تنصحون
ثاني شي ودي افصل توانك احطه عالاطراف واحد يمين واحد يسار وين تنصحون
ثالث شي ابي افصل درج للحوض وين تنصحون
واللي عنده اضافات او اذا ركبت الشد كم ارفع من ورا وكم ارفع من قدام
لاني بركب صدام وونش بعد

واهم نقطه محيرنني بالحيل اخلي الشد مرتفع ينقعد به ولا على حد التنده ينام به بس


وودي استغل الحوض بكل ما يحتويه افكاركم يالربع

[أبو شيري]

الجلسه فوق ما أشوف لها داعي ولا عمري شفت أحد جلس فوق
كثير يفصلونه ولا يجلسون فيه وأساسا ما تنفع الجلسه مهما عملت من تصميم

فنصيحتي لك يكون مساوي للتنده أجمل منظر ولا يصد الهواء ويطلع صوت

كذلك الأدراج غير مهمه فقط خساره ع الفاضي لأنها تأخذ المساحه وتلغي الصندوق السفلي

لذلك شد وتوانك جانبيه وبينهم طبق كافي

بخصوص الصدام غير ضروري وحتى منظره فاشل وعديم الفائده لايمكن تستفيد منه نهائي في حياتك
الا اذا أنت ناوي تصدم تنتف السيارات يعني مجرد يثقل على السياره ع الفاضي وخساير
كذلك الونش ماهي الفائده منه لك أنت ياصاحب السياره لن تستفيد منه نهائي
%99 من سيارات البر وخصوصاً الأمريكي والياباني مافيها ونش والأمور ماشيه وأقل مشاكل
الونش اذا جاء شد بلد نقول الحمد لله واذا ماجاء لا تبحث عنه

أحرص على الأمور التي تستفيد منها وتستخدمها بأستمرار


وبالتوفيق

[AZ WAEL]

عليكم السلام اخوي بالنسبه لشد خله ينفتح مع الجوانب ولا ترفعه اعلى من التنده والتوانك ركب الفيبر

حق الوطني كويس يجي منه 200 لتر ولا فصل ألمنيوم بس خله بقفا الغماره لا تحط على الاجناب مهو

زين والصدام حط دعاميه اللي فيهاعده فاس ومسحات ومعلاق ذبيحه ومطرقه ترها مممتازه جداً وتنفعك كثير

والونش احرص عليه بيجي لك يوم تقول ليتني ركبته وبطاريه احتياطيه تلزمك والصدام خله على البلد ماعليه

[الشيخ الظريف]

الشد له فوائد حيث تستغني عن الخيمه ولكن ان رفعته ارتحت ولكن يضعف عزم السياره ويشوه المنظر وأن نزل لم تستفد منه بالجلوس وبشكل عام منظره غير مقبول وأستغرب لماذا لم ينفذ بشكل انيق من الفيبر ويكون ارخص وشكرا