ربيع لينة وطريقها

[رحالة الخبر]

السلام عليكم ورحمة الله وبركاته
1-يا اخوان هل لينة هي نفسها اعيوج لينة ام هناك فرق وان وجد فرق فما هو
2-وصف الطريق لاهنتم من الدمام الى لينة
3-هل بها ربيع يسوى العنوة او ما بعد تربّع

[رحالة الخبر]

افااا مهب هي يالربع 147 مشاهدة ولا رد
اجبروا خاطري لو بكلمة

[داري غالية]

صباح الخير اخوي رحالة الخبر / من عند تقاطع طريق قاعدة الملك خالد العسكرية مع طريق النعيرية الحفر خذ يسار 135 كم يجيك كبري القاعدة خذ يسار بعد محطة البطيحانية خذ يمين طريق ام عشر وسامودة ومنها الى لينة اما الربيع فالمعذرة ماجيتها هذا العام

[ابو شهد99]

وعليكم السلام ورحمة الله وبركاته
حياك ربي ياغالي
لينة قرية مستقلة وهي على طريق رفحا وأعيوج لينة قرية أخرى قريبة منها لكن لها طريق يفرع لها
وبالنسبة لربيع بيفيدونك الأخوان فيها بإذن الله

[منهومه 1]

الوصف متل ماقال اخوي داري غالية وبالنسبة للربيع فهو ممتاز جدا وانا رحت لاعيوج لينة وماحولها والربيع طيب جدا ويستاهل العنوة ورحلة موفقة لك واي استفسار انا حاضر

[خليل909]

بالنسبه السؤال الاول كلها قرى مستقله ولابينها فرق
الاجابه الثانيه عندك خيارين الاول وانت جاي مع طريق الدمام يجيك تقاطع معرج السوبان يمين الخفجي والسفانيه يسار مدينة الملك خالد العسكريه خذ يسار بعد مسافة 145كيلو يجيك كبري القاعدة منها البطيحانيه وتفرق مع طريق ام عشر وساموده
الخيار الثاني تكمل ألى حفرالباطن المدينه وتبتل بوجهك من كبري ابوقعر على طريق الشمال رفحاء ومنها الى لينه عن رفحاء 100كيلو أي الطريقين مختصر لاأعلم لان طريق ام عشر مامشيته ولاكن حسب ماسمعت ان طريق ام أعشر فيه فرق 60كيلو عن طريق حفرالباطن رفحاء ولاكن الابل فيه كثير يعني لو تمشي بليل انتبه
السؤال الثالث يقولون الربيع فيها طيب وانا ماجيته الايام هذي

لوحه تجيك بعد ماتفرق من عند معرج السوبان تبين المسافه الى كبري القاعد العسكريه
http://i.imgur.com/Y2OKIrN.jpg

[محتار]

اعيوج لينه ربيعة ممتاز والنبق بالسدر كثيف بشكل غريب ويوسع الصدر

[رحالة الخبر]

الله يبيض وجهك وماقصرت:good::heart:

[رحالة الخبر]

جزاك الله خيرا

[رحالة الخبر]

ماقصرتوا جميع الله يبيض وجيهكم ويكتب اجركم

[أبو شيري]

بما أنك قادم من الدمام واصل الى حفرالباطن وواصل مع الحفر سيدا الطريق الدولي لغاية ما توصل روضة الهباس
من تطلع من الهباس ترجع فوق تحت وتأخذ يمين بأتجاه أعيوج لينه [ وهو الطريق الجديد الذي يربط روضة الهباس ب أعيوج لينه ]

الفياض تشوفها على يسارك قريبه من الخط بعد ماتقطع 42 كيلو من الهباس ومنها فيضة الزعبيه وغيرها الكثير

والخط يتوقف قبل أعيوج لينه ب 2.800 لانه لازال تحت الأنشاء

عموما هناك خط أخر وهو قبل شعبة نصاب وهو طريق أم رضمه الى الحدقه والذي يربطك بالطريق القادم من البطيحانيه الى رفحاء
وكذلك خط الخشيبي بأتجاه لينه يربط بنفس الخط

أنصحك بالطريق الى الحفر ومن الحفر الى الهباس وهو يقطع الأرض المربعه من المنتصف في حالة ما تبي الدهناء


وأي أستفسار أنا حاضر

[رحالة الخبر]

بما أنك قادم من الدمام واصل الى حفرالباطن وواصل مع الحفر سيدا الطريق الدولي لغاية ما توصل روضة الهباس
من تطلع من الهباس ترجع فوق تحت وتأخذ يمين بأتجاه أعيوج لينه [ وهو الطريق الجديد الذي يربط روضة الهباس ب أعيوج لينه ]

الفياض تشوفها على يسارك قريبه من الخط بعد ماتقطع 42 كيلو من الهباس ومنها فيضة الزعبيه وغيرها الكثير

والخط يتوقف قبل أعيوج لينه ب 2.800 لانه لازال تحت الأنشاء

عموما هناك خط أخر وهو قبل شعبة نصاب وهو طريق أم رضمه الى الحدقه والذي يربطك بالطريق القادم من البطيحانيه الى رفحاء
وكذلك خط الخشيبي بأتجاه لينه يربط بنفس الخط

أنصحك بالطريق الى الحفر ومن الحفر الى الهباس وهو يقطع الأرض المربعه من المنتصف في حالة ما تبي الدهناء


وأي أستفسار أنا حاضر




ابيض وجه ابوشيري ماقصرت

[الدوسري2010]

ابو شيري ماقصر عطاك العلم والربيع طيب

[ريف النشاما]

ابو شيري ماقصر عطاك العلم والربيع طيب


وهناك مفرق اخر قبل مفرق الهباس يوديك الحدقة وربيعها ممتاز

وهبعد الهباس فيه مفرق يروح يسار من الخشيبي يوديك لينه وخابر باقي في وصلة ممهدة



ودامك من الدمام فعلا واصل مع حفر الباطن افضل بكثير


فياض الحدقة تتميز بالرائحة النفاثة للنفل

[أبو خالد 2005]

أعيوج لينة .. هذا الرابط لخرايط قوقل .. انصح الجميع بالتعمق والتعرف اكثر على خرائط قوقل فهي تحسب لك المسافة بالمتر وتعطيك اكثر من خيار للطريق والوقت المتوقع للوصول بدقة

https://goo.gl/maps/2uK5BDs7J3A2

[أبو خالد 2005]

لينه .. والمسافه بينها وبين اعيوج لينه 40 كيلو

طبعاً انصحك بالفياض اللي جنوب شرق اعيوج لينه لان اللي حول لينه مليانه الان ماء وطين بوجه العدو

اتمنى اني افدتك وافدت زوار الموضوع

https://goo.gl/maps/4JyyDS78aW72

[فتى اشيقر]

مشكور الله يوفقك