رايكم فتك 2016 اولاندكروزر 2016 بريمي

[راعي البيكال.]

السلام عليكم ورحمة الله وبركاته

وشلونكم يالنشاما
يالاخوان محتار بين الفتك 2016 تماتيك او لاندكروزر 2016
تماتيك
الي يقول لا ندكروزر 8V. او6V
وليش لاندكروزر وليش فتك

ارجوا منكم الافاده
وشكراً

[AL-OTAIBI]

و عليكم السلام و رحمة الله و بركاته

أهنيك على اختياراتك, بالنسبة للفتك و اللاند كلها مواتر ينشد فيها الظهر و اعتمادية.

مع اني راعي فتك لكن أنا اشور عليك تاخذ اللاندكروزر لعدة أسباب:

الاند شكل جديد و توه نازل و بيطول لين يتغير, الفتك سمعت انه بعد سنه او سنتين بينقطع.
الاند احس انه ينفع عائلي و شبابي لكن الفتك اتوقع ان شكله شبابي اكثر.

ما راح ادخل في موضوع الاعتمادية لأني اشوف ان الموترين حول بعض.

تحياتي

[باوزير]

الفتك 2016 اخر سنة له
الكروزر و النيسان الجديد التغير سنة 2018

الي يحكم هو عدد العايلة و الميزانية و الاستعمال

الكروزر 8 سلندر فوق 200 الف و الـ 6 سلندر قريب 175 الف

[حروف للكتابه]

الفتك اخر مواتر نيسان المحترمة ماعاد بقى شي لنيسان غيره

عموما تبيه بر فهو كفو:D

تبيه خط فهو كفو:D

تبيه ترهيم فهو كفو:D

كل شي فيه كفو:D:D:D:D:D:D



زي ماعودتنا نيسان قديما اما نيسان الحالي تبن والدليل جب مكسما 98 قدام 2016 وشف ايهم احسن


بالنهايه تبي كرررررررررررررررف وجلد مو صاحي خذ فتك تبي كذا موتر مدينه شوي بر علخفيف وينفطر قلبك لو انحك خذ مصخره الارض

[علم162]

انا والله مجربهن كلهن وعدة مواتر اللاند افخم من الفتك خاصه وارد اليحي ونش ودفلك لكن مارتحت تخاف على الموتر ويحسفونك الناس واذا جيت تبيع طاح من قيمته واجد والحقيقه ينفع للراهي اللي ماهمه اما الفتك فهو سنايدي خفه تفرق عن اللاند وقوة عزم وزين ممشى واقل قيمه الفرق بين ستاندر الفتك والاند فل 60000 هذا لموديل 15 لراعي البر ماانصح بغير الفتك اذا قورن مع اللاند يعيب الفتك شبهه على طول لبق والافيه خف نفس النيسان يشيوق في النهايه رغبتك وميزانيتك علمنا ان اللاند الاكثر يشخص به وعائلي عن الفتك

[HAS5SAN]

لاندكروزر 2016

[قادم من قريب]

فتك 2016

السبب / تبيه بر ينفع ، وخصوصا انه دفرنسات خلفيه و اماميه

تبيه خط ينفع

تبيه للديرة ينفع

تبيه للعائلة ينفع

[راعي البيكال.]

الله يسلمكم وماقصرتوا يالذيابه
بالنسبه للسعر بالسياره الزينه مافيه خلاف
والاستخدام بر ومدينه
والي يقول عائله بدري على الزواج :D
وشكراً لكم مره اخرى ولاهنتوا â‌¤ï¸ڈ

[قدر مكتوب]

حسب الميزانيه مع اني اشوف الفتك افضل لانه يبي ينقطع ثم تبي تشوف دبل الاسعار الحاليه ===> هذا طبع ربعنا يغلي الشي بعيونهم اذا انقطع

[طلال مكشاتي]

نيسان الفتك وبس بوديه خفيف وقوي

[المميـز]

تبي الفخامه والشكل جديد وملفت خذ لاند 16
ماتهمك الفخامه ولا الشكل ولا الرفاهيه خذ فتك
القرار لك على حسب ميولك الشخصي
الله يكتب لك اللي فيه الخير

[Anwar abdulla]

احسبك تقارن بين باترول بطل الدروب واللاند
اذا تقارن بين اللاند 8 سرندل وفتك اعتقد مافيه مقارنه
اللاند افضل بمراحل راحه وقوه واعتماديه

اما اذا فتك ولاند 6سرندل انا اقول الفتك احسن
الشكل من صالح اللاند

[فتى الرفيعه]

لاندكروز بشرط ابعد عن البريمي وابوجميل لسبب البريمي يلعب في الكهرباء والبدي بمعنى ليست شد مصنع ابوجميل بدون اكسسوارات نهائياً هو من يركبها صيني عليك بالاتي 1- اليحي او 2- القطري(عبدالغني) او 3- الكويتي(الساير) او 4- البحريني (كانو) ممتازه والاهم المواصفات تتاكد بنفسك منها مثل 8 ايرباق والدفلك للجي اكس ار v8 والفي اكس ارا نظام الزحف والانعطاف والمنحدرات ونظام التعليق كدس المكينه افضل 5.7 للجي اكس ار و الفي اكس ار.
السوق منتشر فيها سيارات مصدرها مجهول ويقولك اماراتي انتبه من هذي النقطه

الفتك طيب وكلها عمليه

[ابو ايمن]

احترم كل راي وكل شخص له ميوله وتجربته

لكن الحقيقة . لاحظ أهل الصيد والقنص والمحلات البعيدة استخدامهم للنيسان اكثر

وعن تجربة للنيسان الباترول .. ينشد فيه الظهر وين مارحت

اذا استخدامك للبر فهو رفيق درب .

واذا اغلب سفراتك ومع عائلة . فهذا شيء ثاني بالنسبة للسيارات الثانية

انا لااستطيع اعطاء رأي في اللاند لاني صراحة ماجربته

ولكن على مااسمع وحسب ربعي اللي يخاووني اشوف انه ثقيل معهم مايمشي ممشى النيسان

تحياتي ودعواتي لك بالتوفيق والله يرزقك

[احمد الصالحي]

انا مثلك معي جي اكس ار8 سرندل 2010 ومشغŒ الحين حوالي 300 الف
ذبخن بصدماته مخوش بالشعبان او تلقغŒ راجع علغŒ شي لازم توقفه يومين بالسمكره يرش ويعدل اليوم رحت للمعارض اهوجس أخذ لي جي ال فتك 2016 قير عادي هو حق مكده وجديد سعره 136 الف ذهبي دفلك ثلاجة اما الهدد 6 سرندل 2015 ب170 و8 سرندل حوالي 200 الف

[احمد الصالحي]

عيب الفتك مايجي ونش بلد فقط لا غير

[جنيفاوي 503]

السلام عليكم
ياشباب صدق ان الفتك بينقطع

[ابن عكاش]

ماشفت احد يمدح الفتك مثل منتدى مكشات
اللي يقول اللاند ثقيل واللي يقول مايمشي ممشى النيسان واللي يقول بديه خفيف وقوي حلها
لاتحقر نفسك اذا دراهمك شويه خذ نيسان وكانك تقدر على لاندكروزر ثماني سرندرل خذه وتوكل على الله

[XRAY MAN]

سلامتك وسلامة الي يقرون

الاندكروزر والله إني شريته وكاله وبعته ماكمل 14 ألف كيلو طبعاً أخذت الهدد أبو 6 سرندل وأسمحوا لي يالربع الموتر سيء وخساره فيه الدراهم فيه ثقل جاب لي المر وإذا غرز مايطلع لين ينشف ريقك تحس الموتر يالله يشيل عمره

أنا ماجربت الفتك لكن تبي نصيحتي إذا بتاخذ لاندكروزر خذ 8 سرندل ولا لا تقربه تراك بتحسف

ولا خذ فتك وأنت مغمض

[ساري التويجري]

انا اقوول الفتك لانه اول ششي ارخص ثاني شي يجي معك ديره خط بر ويجي ل العايله وفخامه وكل شي وتحمل و الاند الناس ياخذونه عشان سمعته وهو شائع كثير هالايام ولكنه ماعجبني لن فخمامه الداخلي ماهي ذاك الزود على سعره

[كراي]

اذا متنازل عن فقرات الظهر و الرقبة بعد كم سنة .. اركب تويوتا في البر
الفتك خفيف و يعطيك امان و جودة الياباني و نعومة الامريكي و قوة الالماني ( مع الفارق البسيط )

[كومبو]

السلام عليكم
ياشباب صدق ان الفتك بينقطع

وعليكم السلام
نعم 2016 آخر موديل

[folhm]

لاندكروز بشرط ابعد عن البريمي وابوجميل لسبب البريمي يلعب في الكهرباء والبدي بمعنى ليست شد مصنع ابوجميل بدون اكسسوارات نهائياً هو من يركبها صيني عليك بالاتي 1- اليحي او 2- القطري(عبدالغني) او 3- الكويتي(الساير) او 4- البحريني (كانو) ممتازه والاهم المواصفات تتاكد بنفسك منها مثل 8 ايرباق والدفلك للجي اكس ار v8 والفي اكس ارا نظام الزحف والانعطاف والمنحدرات ونظام التعليق كدس المكينه افضل 5.7 للجي اكس ار و الفي اكس ار.
السوق منتشر فيها سيارات مصدرها مجهول ويقولك اماراتي انتبه من هذي النقطه

الفتك طيب وكلها عمليه

كلام طيب بارك الله فيك