كيف تتصرف عند أنجار أحد ألأطارات

[عاشق الفيضة]

كثيرا ما نشاهد حوادث على الطرق السريعه وذالك بسبب السرعة الزائدة التي لا تتحملها الأطارات ثم بعد ذالك تنفجر وأدخل في صلب الموضوع على النحو التالي :
أعلم أن التوكل على الله له أسباب منها التأني والحذر..
1-تذكرقراءة الأذكار ودعاء السفر
2-إذا حدث أنجار لللأطار أحتفظ بهدوئك ما أمكن
3-أرفع قدمك عن دواسة البنزين فورا
4-أمسك الدركسون بيديك بقوة لكي تسيطر على مسارها
5-لالالالا تمسك فرامل أذا كانت سرعة السيارة عا لية
6-أعطى للقير نمره تدرجية
وسوف أن شاء الله تتمكن من السيارة عند أتباعك هذه الطرق وكفانا الله وأياكم شر الحوادث
وأرجو من الجميع المشاركة حتى تعم الفائده والسلام عليكم ورحمة الله وبركاتة

[(أبوزيـــــد)]

جزاك الله خير أخوي عاشق الفيضه على ها المعلومات...

[شاهد عيان]

فيه ملاحظة بسيطة على الموضوع وهي :

إذا حدث لك هذا فلا تنسى أن تقوم بإبعاد ( بقايا الكفر ) عن الاسفلت حتى لا تحدث ضرر للآخرين .

[محمد بن ناصر الثبيتي]

شكراً اخوي عاشق الفيضه وعسى الله يكفينا جميعاً شر الحوادث واما من ناحية انفجار اطار السياره ودي احكي لكم عن قصة الحادث اللي حصلي فهذا حصل لي من اكثر من عشر سنوات ولانفع معه الحذر وكنت حاط في بالي ان السياره تبي تبنشر لان السياره الله يعافيكم ددسن ومحمل عليه حمل كثير والكفرات والله انها مهيب اللي تبي والزبده اني متوقع ان يحصل بنشر وحاط في بالي اني ابي امسك الدركسون بقوه وابي ارفع رجلي عن البنزين وابي اعشق السياره على طول وتدرون وش سويت يوم ضرب الكفر ماسويت اي شي من اللي انا حاطه في بالي يعني ماينفع الحذر لاجا القدر المهم انحرفت السياره 90 درجه وضربت حاجز رملي وتقلبت اكثر من ثلاث مرات ولاحسيت الا ان واقف في السياره والسياره على جنب ولم يصيبني والحمدلله اي شي ونزلت من السياره والله مدري وشلون نزلت ولادريت الاانا على الخط ... والاستفاده من هذا الحادث اني عرفت ان ماينفك حذرك مهما كان اذا الله مااراد ... وتمنياتي لكم جميعاً بالسلامه وتكفون تجنبوا السرعه وتوكلوا على الله........................


اخوكم ابوناصر

[السنع كله]

لا تشتري الا الكفر الاصلي وانتبه للهواء لا ينخفض ابدا ولا تتهاون في تغيير الكفر حتى لو كان الشكل الخارجي نظيفا مادام اكمل سنتين او سبيعين الفا ايهما اسبق والا تسرع والله الحافظ وحده

[طخيمان]

مشكور أخوي على الموضوع والله يجزاك خير

بس بصراحة إذا جاك مثل هالوضع ما تقدر تسوي اللي كنت مخطط انك بتسويه يعني يمكن من دون ما تحس تضرب فرامل ويحدث اللي ما ودك يحدث

والله يكفينا وايياكم شر الحوادث

[الحفولي]

شكرا لك اخي عاشق الفيضه على النصيحه المهمه

كفانا الله واياكم شرور الطريق

[برق تميم]

مشكور وجزاك الله خير والله يكفينا واياكم الشر وحوادث السيارات

[جمس قطعه 10]

جزاك الله خير

[عاشق الفيضة]

أبو زيد و جمس قطعه 10 وأنتم كذالك

شاهد عيان مشكور غلى الملاحظه
أبو ناصر حمدا لله على سلامتك
السنع كله شكرا
أبو الطواري إن شاء الله يقدر كل واحد
الحفولي وبرق تميم شكرا

يا شباب نريد بعض النصائح ( وينكم)