سؤال عن الرفيعة لو تكرمتو

[صليب الراي]

السلام عليكم ورحمة الله وبركاته

الاخوه الكرام الله يصبحكم بالخير والمسرات

عندي استفسار

افضل طريق من الرفيعة الى التنهات ؟ وكم مسافته ان امكن

وياليت اسماء افضل الفياض حاليا الي حول الرفيعة .

الفكره اني باخذ شقه لي ولعيالي في الرفيعة وكل صبح انتمشى في الفياض الي حولها الين العشا هم نرجع نبيت في الشقه .


مع الشكر للجميع

[bandara4u]

تجربة تجربة تجربة
http://www.mekshat.com/v2/mobile_pic/747001451505252.jpg

[ريف النشاما]

بداية طريق التنهات


27° 0.167'شمال

47° 1.803'شرق

المسافة حوالي 145 كيلوا

[ريف النشاما]

حولك فياض الصمان والدحول لكن مدري عن ربيعها

[صليب الراي]

اخو ريف الشمال
جزاك الله خير وما قصرت

وما زلت انتظر الاخوه يزودوني بأسماء للفياض الزينه الي حول الرفيعة ..

[ابو عبدالله 911]

]عندك فيضة الضلما قريبه من الخط حوالي 7 كيلو تعتبر جيده ]

[صليب الراي]

حياك الله اخوي ابوعبدالله

هل تقصد فيضة ضلماء الي عند ام عشر.. ان كانك تقصدها فالمسافه بينها وبين الرفيعة بعيده جدا حول 300 كيلو

انا بغيت قريب من الرفيعة حوله حواليها 60 كيلو 80 كيلو

مع كامل الشكر لك لمداخلتك

اخوك

[جموول]

عندك مفرق الرفيعه مع الصمان حول 120 كيلو لين دوار العتش قريب لروضة التنهات

[الدوسري2010]

والله ياخوك ماخبرت حول الرفيعه فياض مربعه غير التنهات والتنهات اكثر اللي بها شباب ان كانك تبي تستانس رح لفياض الاعيوج لينه وشكراً

[مكسر الشداد]

حسب الاخبار والتقارير الي مرت علي ان ربيع تلك المنطقه مامن زود اقترح انك تبدل الوجهه الى الحفر او الذيبيه وتشوف الفياض الي حولهن

[مكسر الشداد]

مثلا لو تدخل من عند الهباس وتشوف الي حولها

[ريف النشاما]

أنا أقترح عليك تغيير الوجهة بقوة
والرحلة وحدة تراك مارايح تفرق معك سواء في رماح أو رفحاء

عندك




2- لينه // مدري عنها هي فيها شقق ولا لا

كان فيها شقق عزالله الدوا

بين النفود والحجرة تفله صح
والعالم حولك كلها مربعه ومقبله على ربيع والناس تراهم محيلين للشمال والنفود

2- رفحاء فياض الحجرة كوم وكلها مربعه





2 - حايل = مناطق خلابه والجنوب الشرقي ربيع




---------------------

3- رماح __ اللي حولها مربع الخريم والتنهات والصياهد حقت الحفنه
ورماااح مرشح بقوة ولا تدور غيره كان ماتقدر تروح بعيد




4- المجمعة او سدير او تمير




---------------

[رعد الحياء]

السلام عليكم اخوي عندك فيضة الضلماء عن مغاطية العودة وام قرين فياضىاسمها الخمة والضلماء تمسك طريق التنها 100كيلو تروح يسار 3كيلو تجيك الضلماء من 10الى 15 مغاطية العودة وبع بمسافة ام قرين ربيع يقال وسط

[صليب الراي]

الاخوه الكرام

جموول
الدوسري 2010
مكسر الشدايد
ريف النشاما
رعد الحياء

بيض الله وجيهكم والله يجزاكم عني خير

[صليب الراي]

بالنسبة لعيوج لينه لو دخلت عليها من روضة هباس

كم كيلو الين اوصل

وهل الطريق اسفلت ولا جلد

وهل فيه احداثيات لاحد الفياض

مع الشكر للجميع

[asd20009]

ماهوب بعيد حوالي 47 كيلو ...صحراء لكن هل فيه مزفلت لااعتقد

[الاقبال]

اخي اسعد الله انت والعائلة الكريمة ورحلة موفقة باذن الله بس دامك رايح ورايك تمشية ربيعيه عليك بديار الربيع الزين حسب ماوصلني عليك بالحفر والقيصومه رح اسكن هنا في الحفر والفياض من حيث ماتروح حوالي 10 كيلو محيطة بالحفر افضل من الرفيعه والصمان مافيها ربيع حسب ماوصلني ولا عليك بلينه ورفحاء ولكن انا اشير عليك راي طيب خله بعد أسبوع بتطلع المربعانية وبعد كذا تدفاء الأرض يعني النبات بيطلع كله باذن خلال أسبوعين بتشوف شي بيعجبك كل الأراضي الممطوره من الوسم بتطلع وبتربع يمكن الرياض يصير ربيع وتجلس في بيتك ولكن عليك بالمكان الامن والحرص من البرد خاصة للي معه عيال صغار الله يرحصهم

[مكسر الشداد]

اعيوج لينه تجيه من عند البطيحانيه ساموده
والله ان اشوف ربيع الفياض الي حول الرياض يفي بالغرض كان دعواك بس ربيع الا تغيير جو مثل ماقلتلك
بالحفر وشف الفياض الكبار الي تجيه مع طريق رفحا وبعضهن قريب للزفلت حسب الخريطه خل وجهك

[الحصبيات]

الربيع وانا اخوك من الحفر وانت طالع

[فتى اشيقر]

المهم لا تكون سيارة واحدة