ناوي اكشت بكرة ونبي الشور ...

[أبو سرهد]

يالربع ناوي اطلع بكرة من الصباح إلى آخر النهار ومادري والله وين أروحله

هل أروح للوسيع أو نورة أو أو (كل شي اللا خريم) ما أبيها

الله الله بالردورد يالربع

المكان الريـــاض

[دغيم]

السلام عليكم

نعم أخوي .. روضة نوره .. روضة أم القطا .... روضة الخفس ...

جميع هذه الروضة جيدة ......
رحلة موفقة
تحياتي

[أبو سرهد]

روضة أم القطا ....

مشكور اخوي على الرد بس الله لا يهيننك روضة أم القطا هل هي قريبة ولالا وشو وصفها اللله لا يهينك

[أبو سرهد]

للرفع للفائدة

[دغيم]

السلام عليكم .
نعم قريبة - عند مخرج الوسيع تتجه شمال الى مضخات شركة ارامكو - يجيك حرف تي خذ يمين - يجيك تقاطع خذ يسار - تجيك المضخات في الوجه وحرف تي - خذ يسار - اسلك الطريق حتى ينتهي في كسارة قديمة ( شعيب ) - اسلك الطريق الترابي - يجيك مفترق طريق يمين ويسار - خذ اليمين - اسلك الطريق - يجيك مفترق طريق يمين و يسار - خذ اليمين
الطريق يرتفع قليلا وتشاهد ( شحنة ، زبارة ) صغيرة يمين وشمال - اسلك الطريق بينهم - واتبع هذه الشحن الترابية ( اكرمك الله ) - سوف يتوقف في روضة ام القطا - المسافة ليست بعيدة .

تقبل تحياتي اخوك ....... دغيم

[أبو سرهد]

مشكور اخوي على الوصف

ولكن هل الروظة مربعة وتستاهل الروحة

والله لا يهينك الاحداثية إذا ما عليك كلافة

[قناص سدير 999]

شعيب الحيسيه في العيينه طلح وشجر وسعه صدر وقريبه من الرياض

[الضاري]

وش رايك لو تكتبه خيره وتضربها نوووومه

لأن اليوم اللي بنشرات الاحوال الجويه وجيههم متصفقه شوي

يقولون بكرا فيه موجه برد ومتوقعين اغلب المناطق تحت الصفر

طبعا العلم عند الله

[دغيم]

السلام عليكم

نعم الروضة مربعة لكن باول الربيع وجايها سيل زين . وبجوارها روضة المسعودي - ومحير الماء - والدهنا - المنطقة جميلة .
أم القطا : N 25 14 080
E 047 25 340

المسعودي :
N 25 12 000
E 047 27 000

تقبل تحياتي . دغيم

[أبو سرهد]

بارك الله فيك اخوي بربك دغيم وماقصرت الله يطول بعمرك