أول محصول من الفقع ـ مع صورة

[نوض البرق]

قمت بالأمس بجولة للبحث عن الفقع والله وفق ولقينا ماشاء الله الأرض كلها رقرورق والأرض مفقعه فقع الهوابر وبكثرة ولقينا كم خلاصي وكم يباة أنا وخوي هو عشرة وانا سبعة
ولله الحمد..لكن ابيض أو الزبيدي مالقيناه هو عادة يظهر بعد الخلاصي واليبا . وهاذي صورة المحصول..
http://www.mekshat.com/pix/upload/images25/mk37532_dsc00132.jpg

[ابونايف الروقي]

الاخ نوض البرق
تسلم على الموضوع والصور بس وين لقيته ؟

[grdan]

الله يبشرك بالخير وان شاء الله يكثر في الايام القادمة

[نوض البرق]

لقيناه في بر قطر وماقدر
اقول وين علشان ماتدوسه السياير .

[زمان العجايب]

بارك الله فيك

[شد حزامك]

الله يعطيك العافية

[جبل عمر]

اسكتو عن المهبل لايخربونه ويدسونه قولو لهم بالربع الخالي الفقع

[قناص الحبارى]

اسكتو عن المهبل لايخربونه ويدسونه قولو لهم بالربع الخالي الفقع

[ابو درع]

مشاء الله تبارك الله

[نا صح]

بارك الله فيك ولا تعلم احد وين لقيته لكن لا تكذب مثل ما طلب الاخ السابق "لان الكذب حرام"

[الضاري]

مشاء الله

الله يزيدكم من فضله

[بنت الوادي]

اليوم لقوا زبيدي بس توه صغير الحروة ينبت الفقع بالمملكة بعد الخير الي جاهم يمكن بعد اسبوع الله كريم فقع المملكة يشبع الاولي والتالي الارض بها سعة ما شا الله

[نوض البرق]

اختي بنت الوادي هل تقصدين لقوا أبيض

[بنت الوادي]

أيه ذكروا مكانه يقولون الجريان الي خلف الصناعية

[نوض البرق]

ليش خبرتي عن المكان ثراهم بيدوسونه بالسياير وبيعفسون المكان

[اشهب]

اخواني ارجو انه ماحد يعلم وين مكان الفقع من باب حماية الحياة الفطريه
واذا فيه عزيز عليك بالمنتدى ارسل له خاص وعلمه
ياليت اي واحد يرسل لس خاص يعلمني<===نذل اشهب

[عاشق VXR]

الله يعطيك العافية ..,

[نوض البرق]

صحيح يجب ان نحافظ على بيئتنا من التدمير ونبث الوعي بين إخوانا الكشاته

[مسافر1]

ماشاء الله ..
نسأل الله أن تكون تلك السنة سنة خير ..
وكما ترون الفقع في بداياته
وبقي عليه عدة أيام حتى يكثر ويكبر .
نسأل أن يسقي الأرض ..
تشكر أخي الكريم ..

[قناص بغداد1]

مشاء الله
الله يكثره

[الشــامخ]

مشاء الله تبارك الله بالهنا والعافيه وشكراُ لك على الخبر السعيد

[الغريب2003]

يعطيك العافية

[دغيم]

السلام عليكم

يعطيك العافية أخوي .

الخير بأوله وان شاء الله يكون هذا العام عام خير وبركة على الجميع .
( كل سر جاوز الإثنين شاع )

تقبل تحياتي ........... دغيم

.

[عجمي]

مشاء الله تبارك الله

[نجم حفرالباطن]

تسلم اخوي بس وين حصلته باي مكان

[قناص سدير 999]

الله يبشرك بالخير

[سنار 2007]

مشاء الله تبارك الله

[قناص نجد 20]

شكرا لك لاكن من وين لقيته هل هو من خارج المملكة ام داخل:director: :j :alarm: :light: :D

[قناص نجد 20]

:good: وين لقيته:dance: :good2: :D :j :confused: :D :eek:

[OTHMAN65]

قال صلى الله عليه وسلم ( لايأمن احدكم حتى يحب لاخيه مايحب لنفسه )

[الفاخر]

ماشاء الله تبارك الله
مبرووووووك عليكم الفقع ياأهل قطر
عقبال ديار الخليج

[OTHMAN65]

وبعدين ممكن صوره للارزه

[المموه]

ظنيت المكان بالسعوديه . عموما انا استغرب من انانية بعض الناس سبحان الله . قضينا من الفياض والاماكن الزينه طحنا بالفقع . ليش ما تخلون الناس تنبسط وتدعي لكم . يعني كل الناس مهبل . اذا طلعت انت واهلك وطقيتوا الخيام والشيبان والحريم والبزارين لقطوا فقع وانبسطوا وضحكوا وتمشوا يضرك هي مزرعتك . ياناس هالخضره والجو عندنا مؤقت وبعده عججا ولواهيب وجرد . رحت مره رحله لمكان فقع شرق شويه لمدة اربعة ايام عام 1421هـ ويوم جيت ما بقا الا اكتب بالجرايد عن الموقع كل من شفته علمته وعطيته الاحداثيه راحوا ولقطوا وانبسطوا ودعو لي وبعد الربيع والفقع مريت المكان رايح لبعارين هناك سبحان الله ما كن صار فيه عود خضر . راح كله والارض غبره تجيب الهم . يعني ربيعنا مؤقت وقت وينتهي ليش تنبسط لحالك حتى لو كان فيه مهبل ومخربين ما راح يضر الارض الفقعه طالعه طالعه بإذن الله والبر وسيع . اتمنى من الاخوه ان يقتدوا بالمشرفين وغيرهم من الاعضاء اذا شاف صور زينه او مكان زين نزله احد الاعضاء يقول ما شاء الله ويدعي لصاحبه فقط ولا يقول لا تذكر وين المكان .