قير اوتمتك فتك 2002 لحس مخي ,,

[Bds]

السلام عليكم ورحمة الله وبركاته
ياخوان / عندي مشكلة بالقير ما يعشق الا نمرة واحد ولا يبدل بعدها أبد :(
وضغط الهواء يصل الى 3 ونص على نفس النمرة
رخت الوكالة فحص كمبيوتر قال حساس رحت ورشة ثانية قال طقم كلتشات وطقم وجية
رحلت رحت ورشه ثالثة قال غير الزيت اصلي غيرته ولا فيه فايدة رحة لورشة رابعة فيها واحد
سعودي مكنيكي يمدحونه الربع قال شوف لك جرابكس كامل احسن لك
افزعو لنا يالربع الي عنده حل تكفون الديرة مربعة وامطار وبلا جيب ماتسوى:f

[ابوسند9]

وعليكم السلام
طيب ,
هل مولعة عندك لمبة بالطبلون كا لمبة التشييك او لمبة المكينه؟
وهل عزم السيارة ميت , يعني يالله يشيل نفسه بنمرة 1؟ اذا كذلك جرب تبدل كتاوت الدعسة وكتاوت القير , اللي بجانب فلتر الهواء بالرفرف , البني للدعسة والازرق اللي بجانبة على طول هذا للقير
طيب تقول ما حصلت كتاوتات , البني جرب تطرقه طرق خفيف بمفك , والازرق بدله باي واحد من اللي بجانبه
كذلك جرب تفصل اصابع البطارية من شان البرمجة
وكذلك ,تاكد من فلتر الهواء لايكون متسخ
وكذلك شيك على حساس الهواء اللي با الفلتر من الداخل لايكون لاصق عليه قطعة بلاستيك او ماشابه

[Bds]

حياك الله اخي / ابوسند
وبارك الله وفيك
اولآ / لاتوجد اي لمبه والعه بالطبلون
ثانيآ / عزم السيارة وهي بالنمرة 1 عادي ماتحس به تغيير
والممشا عليها مايتعدآ 30 الى 40 واذا دعست شوي يزيد ضغط الهواء
بدون مايبدل القير
ثالثآ / غيرت الكتاوت الأزرق اول واحد من جهة السائق بس
رابعآ / فصلت اصبع البطارية لمدة 5 دقائق ورجعته جربت السيارة بعدها
شبك الــ 2 مره وحده وفصل !!
خامسآ / فلتر الهواء وحساس الهواء بكره ان شاء الله بشيك عليها وبشوف
سادسآ / سددك الله بيض الله وجهك ورزقك الله من حيث لا تحتسب

[مليك]

بدل كتاوت القير وراح تنحل المشكله والمجموعه كامله صارت معاي وبدلت كل الكتاوت وانحلت المشكله
طبعا كتاوت القير هو الثالث منهم من جهة السايق

[Bds]

السلام عليكم ،،
الله يعطيكم العافية وييسرلكم امركم
اخواني/ سند و مليك
غيرت طقم الكتاوتات الزرق كامل ولا فيه فايدة والفلاتر نظفناها كلها بس لا حظة ان الدعسة تغيرت للأحسن بس الى الأن مايغير نمرة ،،

[ابوسند9]

وعليكم السلام
طيب , الكتاوتات اللي بدلتها ما منها خسارة ان شاء الله وهي تعتبر قطع استهلاكيه
الحين ابغاك تفك خرطوش فلتر الهواء من جهة المكينة , ومنها شيك على اللهات هل هي حركتها سلسه اما لا؟
الشي الاخر شوف يمين اللهات ,اي الثرثول ,فيها 3 افياش شلبكة بالدعسه , فكها وشيك عليها تمام , فممكن احدى الافياش يتحرك وقيه نسبة ملاك وما يوصل كهرباء
اخر احتمال ,, وهذي نادرررر جدا تحدث , اذا البطارية ضعيفه تحدث هذه المشكله ويكون هناك نقص كهرباء للكمبيوتر , فلو تجرب حد معه نفس مقاس بطاريك وتركبها وتجرب , والفتك كلما كان امبير البطارية كبير افضل ,
اخيرا تاكد الصباح وافتح غطاء الاديتر وغطاء القربة وشيك على الماء اذا علية طبقة زيت ,بسبب مبرد القير
والله ييسر امرك

[ابوسند9]

شلبكة =شابكة
ملاك= املاح

[Bds]

اخوي / ابوسند
رايتك بيضا يا ذيبان والله يكثر من امثالك
بسوي الي قلت عليه قبل لا اودي السيارة لنديم المكنيكي
موعده السبت الصباح يفك الجرابكس وعلى قولته يشيك على
الحسسات والكلتشات ،،
والله يقدم الي فيه الخير

[Bds]

اخوي / ابوسند ولا يهون باقي الأعضاء
مساكم الله بالخيرجميعآ
يا جماعة ودي استشيركم :
قبل شوي كلمني واحد من الزملاء موصية يدور لي على جرابكس
من القصيم قالي حصلت لك جرابكس 2004 طبعآ اوتمتيك من التشليح بقيمة 5000 ريال
احتمال تنقص شوي .. كلمت صاحبي قال ابد ان بغيت جبته لك وتركبة بينبع والا ترسل السيارة
للتشليح ينزلون لك الجرابكس القديم ويركبون لك الجديد ولرجيع لهم ,,
وش الأفضل برايكم
الشي الثاني :
موضع صاحبنا نديم المكنيكي وكلامه عن فك الجرابكس والكشف علية وتصليح الخراب
مع العلم بأنه قالي اذا الشغلة حساسات بتكلفك حدود 1500 ريال واذا توضيب كلتشات
بتدخلها بــ 5000 الى 6000 ريال
ارجو منكم الا تبخلوا علي بمشورتكم لأني قليل خبرة بأعطال السيارات ..
والله يجمل حالكم جميعآ
وسامحونا على الأطالة

[مليك]

مشكلتك كهرب اقرب مالها

[ابوسند9]

انا اقول لا تستعجل بفك او استبدال القير,اللى بعد ما تستنفذ جميع التجارب , لاني اشك ان المشكلة كهرباء
الشي الاخر , التوظيب ما انصحك فيه لاني اخاف تغير وتغير وما تنحل المشكله , ومع هذا احتمال كبير فيه قطع ما راح تحصلها , والتوضيب يالله هات وهات ويغير الكويس وغير الكويس , والتكلفه راح تكون كبيره
انا لو بمكانك
اشحن السيارة للقصيم ,بريدة , وبتشاليح بريدة يوجد ورشة محمد الخضير , وليس يوسف الخضير , وهو متخصص بالفتك , وركز با اسم الورشة تمام!! هنا اخلية يفحص السيارة فممكن يحصل العطل وبكذا تفتك من مسئلة القير ووفرت على نفسك , ولا تقوله ان السيارة تحتاج قير
واذا قال القير مضروب , هنا الخيار لك , وبكذا تاكدت ان القير مضروب ,
اما انك تركب القير في ينبع , فممكن ان المشكلة ما تنحل , وبكذا يالله رجع ولا ترجع , فا انا اشوف ان التركيب بالقصيم افضل واضمن من ناحية الضمان والتجربة وحل المشكله بحيث لو طلع القير مضروب يبدلوه بقير اخر
حاجة اخيره حاول برضو تتاكد من اسلاك وافياش القير من الاسفل

[Bds]

الله يعطيكم العافية يا اخوان ماقصرتوا جميع
وودي ابلغكم بأنه تم الكشف على الجاربكس ووجد
الرايش بالكرتير وهو علامة م€½ التخبيط ��
والأن ابشركم تم تغيير الجاربكس بالكامل بقيمة 5500 ريال
مع التركيب والضمان لمدة شهر ،،
والحمد لله من قبل ومن بعد ،،