وش أحسن نوعية لواير السحب في السيارة.....شاركوا بآرائكم يا أصحاب الخبرة

[نجر بن محماس]

أولاً:
بحثت في المنتدى في كلمات"واير"-"حبل" وما وجدت نتيجة
فقلت أطرح الاستفسار هنا عسى نطلع بنوعية ممتازة من الواير اللي له أنواع متعددة
فقد يأتي قماش كثيف ويأتي حبل معدن ويأتي سلسلة متينة من الحلقات....
القماش جربته مراراً وعيبه إنه ينقطع أحياناً من قوة الشد
وواحد من الربع قال فيه ماركات ماتنقطع وقوية...

وش رأيكم يالغالين

[الهلي 349]

اقول يا الطيب الغالي انحش من القلص الحديد زي ما تنحاش من الاسد الحديد مشكلته
لو انقطع وانت تسحب راح يرجع ويصك موترك ويلقط معه كم واحد من الي واقفين :d

خذ لك قماش بس من النوعية الزينة وادعلي

[دخينه]

لا يفوتك السيارات الكبيره(دينه)اللي بالخطوط تحمل العفش عندها وايرات اللي تشد العفش لا يطيح... بأستئذان .............

[أبوكلبشة]

الواير الحديد هج عنه بقوة

عندك وايرات تجي عراض ومتان مرة ويستخدمونهن اصحاب التريلات لسحب بعطهم
هذي مامثلة
ونستخمه حتى بالنتل

[نجر بن محماس]

أخوي الهلي:
الله يرضى عليك قل آمين....
وش هي النوعيات الزينة من واير القماش؟؟

[الرهدن]

السلام عليكم 00
الواير أو السلسلة عمرها ماتنقطع حتى بالنتل بشرط00
يكون أصلي ويباع بجميع المقاسات عند اللحيدان( محل معروف) في شارع الريل00
أما الحبل فهناك أنواع أوربية أصلية وتجدها بشارع الريل أيضآ ومن الذين يبيعونها العليان بعد المحطة على اليمين وأنت متجه للشرق00
ولاتأخذ أقل من 10 متر وخذ العرض وقوة السحب اللي تناسبك ( طن / 2 / 3 00
وكلما دبلت الحبل عند السحب تدبل القوة00


وغفر الله لك ولكل مسلم00


.

[أمير الصحراء]

الواير الهولندي ألأصلي ولنه برتقالي أو رمادي ويجي مقاسات وأحجام

[العقارب]

وانا اخوك لاتتعدى السلسله
في شارع الريل على اليمن وانت متجه شرق
وسأل مجرب ناتل انا موتر الين انعفط الشاصي الي ماسك الهوك حق الجيب.

[راجح]

أخوي ( الهلي ) ...
السلسلة أصلاً لو انقطعت ما تضرب زي الواير القماش أو غيره ..
إذا انقطعت مع شدة السحب تطيح بمكانه ... وانتم أبخص ,,,

تحياتي للجميع ...

[sameer_1798]

بالنسبة لي أنا ما عندي إلا السلسلة مقاس كبير ( بشرط تكون حديد صلب والحلقات ملحمة مع بعض) ميزتها قوة التحمل وما تخذ مكان كبير ( ماغير تلفها وتحطها بخيشة ) .
وجربت واير حديد عيبة مع النتل ينقطع .لكن السلسلة لاتعدها . أما القماش ما جربته .

[الهلي 349]

يا اخوان اذا انتم تتكلمون عن السلسلة الكبيرة ذات الحلقات الوسيعة فذي ما قد جربتها
لكن اللي ما هو زين القلص الحديد اللي يغلفة بلاستيك ذا ياما قد انقطع ورجعتعه تجي قويه على السيارة
أما القماش اللي يجي سميك وعريض ولونه زي ما تفضلوا اخواني برتقالي هو الزين
ولو نفترض انه انقطع هل بيرجع على السيارة زي القلص الحديد

واسلموا للهلي 349

[عيونك]

افضل شي السلسله الصلب ممتازة مرة واما القماش جربناه كثير وتقطع حتي سوينا لها خياط دبل مصفوط ولا نفعت

[عابد]

الأخ الفاضل نجر بن محماس

السلام عليكم ورحمة الله وبركاته

لأجيب على سؤالك وللمشاركة في موضوعك الهام قمت بالبحث عن موضوع كنت قد إطلعت عليه في أحد المنتديات المشابة لمكشات وأتيتك بهذه المشاركة المنقولة آملاً أن تكون مفيدة

أولاً رابط الصور
اضغط على اللنك او الرابط :
http://www.alganasah.com/upload/uplo...11361386341620 (http://www.alganasah.com/upload/upload.php?aa=11361386341620)

http://www.alganasah.com/upload/uplo...11361388664839 (http://www.alganasah.com/upload/upload.php?aa=11361388664839)

http://www.alganasah.com/upload/uplo...11361389524538 (http://www.alganasah.com/upload/upload.php?aa=11361389524538)


والآن إلى مشاركة الأخ الراكد في موقع القناصة أنقله بالنص
( ياخواني تعبت من كثر ما اشتري السبت لسحب واللي تنقطع بسرعه وكلها صيني

فابما اني اشتغل بشركة ويجينا سبت الرفع بالرافعات زرت الشركة المصنعه لها بدمام

واعجبني الوضع لانها بالعمل ومجربينها ومره قووية

عاد سويت لي سبتة سحب والمواصفات كتالي:

الطول : 5 متر
العرض: 2 انش ويوجد 3 و4 انش وفيه احجام كبيره ولكن لسحب السفن
الحمولة : 3 طن ولكن ماتنقطع الى اذا سحبت عليها 12 طن لان هالشركات تتعامل بمعايير عالمية
الجهتين : eye ...ياخواني بترجمها حرفيا يعني عيون ولكن اخذت معها شاكلز لان الهوك ما يركب
لاني مدبل السبته 3 مرات

وباذن الواحد احد يوم الاحد بالكثير راح انزل الصورة

السعر كلفني 200 ريال ولكن لك ولزمان )

آمل أن يكون النقل مفيد للجميع

أخوكم في الله عابد

[المكحل/ابو]

ياحبيبي
عليك بالسلسلة
مثل ما ذكر بعض الاعضاء
انا عندي سلسلة لة خمسة عشر سنة
اجر بها واماتل فيها
حط لة قفزان بالاطراف الى تربط بمسمار
خل طولها اربع امتار من النوع الكبير الملحم صلب
ضعها في كبي تكون وذفة
تحياتي للجميع
ابو فهد / المكحل

[الابرق1]

عليك بالسلسلة 10 ملي مثل ما قالو الاخوان المانية الصنع او يابانية وترا سعرها غالي مع طقم هوك اصلي.وفق الله الجميع للخير.

[علي الشهري]

الواير الهولندي ألأصلي ولنه برتقالي أو رمادي ويجي مقاسات وأحجام
أخوي أسير الصحراء:
وين يباع فيه الهولندي؟؟؟؟

والمعذرة أخوي نجر على اللقافة.......لكن ودي والله بالمعلومة

[مرقاب]

لاتنسى يكون للشنكار تأمين قفل -رداد -حتى ماينفك الواير اذكر وايري انفك وانطلق ياجماعة الخير مثل الرصاصه الشنكار و ضرب القزاز الخلفي ودخل الى القزاز الامامي وطبعا كسرهن والضربه بالجيب الساحب ربع لاندكروزر وربك ستر ان مافيه بالجيب الا السواق لانها ضربه مميته وكان الواير قماش عريض قوي ومطاطي وهي ميزه وعيب بنفس الوقت وكان الشنكار غير مؤمن من سرعة الواير اني حسبت كسر القزاز الخلفي بس وهو كسر الثنتين .

[خالد777]

مثل ماقال اخوي عابد مامثل سبتة الرافعات حقات العماير تجي صفرا ورصاصية وبرتقالية سعره من المية والخمسين وحول

[alburkan]

عليك بالسبته الامريكيه اصفر او ازرق اللون نوعيه ممتازه

[هويدي]

يعطيك العافيه اخوي على طرح الموضوع


عندي هالواير استخدمه من ثلاث سنوات تقريباً وماشي زي الالف ولله الحمد

ومع الايام اثبت انه عملي وقوي وخفيف موب زي السلسله :mad:

ولقيت واحد مشابه له بس اسخف عند الرمايه قيمته بحدود 150كاني مانيب واهم <= الكبر شين

http://vibr.jeeran.com/واير.jpg

[Hand Some]

اخوي اذا تبي نصيحتي


عليك بالسلسله ولو حدك الدين :d :d

اسال مجرب صلب الماني من شارع الريل او بالاخص محل ضيف الله

ارجو اني افدتك

[ساري15]

باشارك معاكم ويكون رايي غير حسب التجربه ....


جربت جميع أنواع الوايرات ماعدا السلسلة ماجربتها لأنها ثقيله شوي ... ولا لي خلق على شيلها

الواير القماش مجربه قبل خمس سنوات إلى يومك ...

كان معاي واحد شاريه بــ 60 ريال قعد معاي ثلاث سنوات أسحب به كل شي مناتل وسحب وجر وكل شي ..

والله ياخوان ملقيت أقوى منه والله القوي ...

ربطته بواير حديد كانت سيارتي المغرزه بنفود ومتعلقة ... الكفرات الربع تدور ... المهم ...

تخيل إنقطع واير الحديد وهو مانقطع وفعلاً كسر القزاز الخلفي وطار قدام السيارة حوالي 15 متر من قو النتل

وعيا ينفك من واير الحديد وجدعته معاه


وشريت واحد جديد وللحين معاي وساحب به جمس حوض ممليان أغراض البر بشروكي صالون مسافة

30 كم أقرب هجره لنا وكان الخط أغلبه نفود قسماً بالله العظيم ... ولا جاه ولا حاااااااااااجه


وتلتلت به شاص خربان قيره بالنفود اللي جنوب ساموده مع الخط الجديد اللي يطلع من قبه الى ساموده قبل يقطعونه النفود والله ياجماعه إني إليا قربت للطعس حطيت الموتر بالثاني وزريته قسم بالله مادري كيف طلع من طعس لطعس حوالي كيلوين كلها مرتفعات وهويات والله يحول السواق بس متعوتل بالدركسون ومع الخط الظاهر إنه تملع كل مفصل يوجعه ... تجربه أنا بطلها بلا فخر للمعلوميه كانت سيارتي جمس 94 حوض قير عادي وخفت إن الشاص ينعوج من كثر السحب لكن ولله الحمد ماجاه شي .... وإنتبه تطب النفود ولا معك واير سحب .....

وللحين وهو معااااااااي عملي جداً لأبعد الحدود .... وسعره الآن بحدود 40 ريال
بتقول وش صناعته ماتصدقون ياخواااااان صناعه صينية .... ودائماً خذ اللي بدون شناكير حديد

وجرب ... وأحكم بنفسك ...

والمعذره على الإطاااااااااااله

[الشيروكي]

ساري 15 ممكن تعطينا صوره للواير او المحل اللي يبيعه او نوعه وتقبل تحياتي

[salehhd]

السلام عليكم

اخبر في ساكو انواع طيبة من القماش وبعضها تشتريها بالمتر وتركبها عندهم وواحد من الربع يمدحة بالحيل والقماش من الحرير

[كادر]

تحية طيبة
السلسة شارينها المتر من 15 سنة بخمسين ريال وكل حبة مطبوع عايها الماني وصلب
ومع ذلك نتلنا سيارة مغرزة وانغطعت وستر ربك وعملت علامة قويةفي كيوت السيارة
انصح الجميع بالحذر منها
تحياتي

[ساري15]

أخوي الشيروكي ...

راح اصور اللي عندي وانزله باقرب وقت

ويباع عند اغلب المحلات اللي تبيع الوايرات وأدوات الزينه

وعند المحطات الكبيره اللي على الخطوط السريعه ...

[الفيافي]

السلام عليكم / خذ هالعلم وانا اللي مجربه وما اقول يقولونه روح لمحلات الخيام واذا كنت بالمدينة روح لمحلات عبدالله صلاح وأسأل عن حبل مصنوع من الحرير قووووووووووي ماينقطع فيه مقاسات أنا اخذت الوسط والله يفيه قوة ماينقطع ابد بعدين لين لليد ويرنبط وتولف له خطافات مع الجهتين وينشال تحت المقعدة طيب جدا جدا جدا أنا جربته وما اراح ابدله سحبت به سيارات من الرمال وقرم وغيلره عجيب خذه وراح تدعيلي وسعر المتر اظن من 3 الى خمسة ريالات يزيد أو ينقص شي قليل بس خذه ولاتشاور الله يوفقك

[ساري15]

هذا هو ... جربه وعطنا رايك ...

http://www.mekshat.com/pix/upload/images26/mk15234_20070126405.jpg

http://www.mekshat.com/pix/upload/images26/mk15234_20070126407.jpg

[الشيروكي]

مشكوووووووور اخوي ساري 15

[ممتر البران]

الوارير الله يسلمك هو السلسله وخل عنك شف حقين التريلات ما يستخدمون الا هي
لا تنقطم ولا شي اهم شي ما تكون سلسله كربون
خذ السلاسل الصدز
والسلاام خير الختام