وش قالوا لاند كروزر

[جمس قطعه 10]

بسم الله الرحمن الرحيم

السلام عليكم...

شباب مقارنه بين سيارتين كل وحده أفضل من الثانيه:

يوكون + لاند كروزر gxr طبعا كل السيارتين 2006





أفضل اليوكون والجمس مع تجربتي لسيارتين والاندكروزر



1-السعر. اليو كون أقل سعر من الاند كروزر مع تعدد ميزاته اليوكون

2-شاشة المعلومات الموجوده باليوكون مع 150 معلومه باللغه العربيه لاتوجد با gxr

3- سي دي وشريط , مكيف اكتروني , مع أزرار على الدريكسون مكتملة المعلومات.

4- أربع أربقات بالسياره مع ميزة عدم حساس بمرتبة الراكب الامامي عند عدم الجلوس فيه.

5- الدبل الاكتروني .

6-قوة المكينه الفارقه بالنسبه با v6 gxr 4500 أما اليوكن5300 v8

7-الراحه باليوكون أفضل بمئة مره من gxr.

8-- قوته في الطريق والبر
9- سعته الداخلية اوسع من gxr

10- ودعاسات البنزين والفرامل تتقدم وتترجع بزر

11- اللي يركب في المقاعد الخلفيه أسئله عن اليوكن وعن غيره, كنك راكبلك بيوك خص إذاصار جلد



12- اقتصادي بالبنزين اليوكون



ولو ابذكر مميزات اليوكن والجمس ماخلصت والواحد يفكر فيها براسه وش افضل اليوكن او الـ gxr ويمكن نقول : الـ vxr

اذا جاك اليوكن فل كامل

هو من ناحية القوه اقوى من الـ vxr وهذا شي ما احد ينكره
ولايصرف بنزين يعني بأمكانك تسافر فيه مسافة 800 كيلو وانت مرتاح لاصرت راكد بالسواقه



واللي يقوللك ان قطعه غير متوفر ذا غلطان مع احترامي له قطعه متوفر زيه زي الجمس

وبرخص التراب بعد الا الاشياء الحساسه بتكون غاليه اكيد وهذي بكل السيارات



والناس وما في راسها الى الاند كروزر و فيه مواتر كثيره جربوها الناس ونجحت معهم وماشيه زي الحلاوه

ومع كل هذا اليوكن مايتحمل زي التايوتا واخص بالتايوتا القديمات والا الجدد مامن تحمل بعد خاصة اذا كنت راعي جلد






ونصيحه دامك شاري شاري لاتاخذ الا دبل لان مافيه فرق بالارتفاع زيه زي العادي

والدبل ينفعك مايضرك لامن بغيت تطلع لك في محل فيه طعوس يزبنك ماتقعد تفرك يديك تحت والناس فوقك


انا اقولكم خذوه وتوكلو على الله موتر معروف واقرب واحد يسويله صيانه



(وأنا أقولكم اللي مايعرف الصقر يشويه)



وخلونا نشوف أرائكم وحتسيكم

معليش ياراعين مواتر التايوتا لكن هذا شئ واقع وحقيقه



ونأسف على الاطاله...

أخوكم: أبوخالد

[تلسكوب 1]

كلامك عين العقل اليوكن افضل بكثير لاكن متى يقتنع من يمدح التويوتا

[عـhddـاشق]

السلام عليكم ......

اخوي جمس قطعه فيه ملاحظه

انت ما عطيت الاندكروزر حقه انت ركزت على الفخامه لكن

من وجهت نظري ان الاند أزين

من ناحبة قطع الغيار رخيص

أخف من اليوكون

يمشي بالبر واخاصة النفود ازين من اليوكون

الشكل أفضل وكذلك يكفي أنه ياباني

واليوكون قطع غياره غااااالي المرايه بالوكاله فوق 2500 سعرغير معقول

............

والسلام عليكم ....,,,,,,,,,,,,,,,,

[جمس قطعه 10]

مشكله الي حاط براسه شئ ويصير عنيد انا انسان جربت السيارتين والله فرق السماء عن الارض جرب واحكم

[.أبوعبدالرحمن]

مشكله الي حاط براسه شئ ويصير عنيد


يا اخي قطعة 10 انا اشوف ان اخوي عشقي الهدد ما قال شيء غلط وانت وشفيك زعلت اذا كان هو صادق انا من الناس جربت اليوكن وجربت الـ GX-R





وما اعجبني اليوكن واعجبني الاند مافيها شيء


واليوكن عند البيع مايمسك سعره ولكن الاند عند البيع يمسك سعره واللي يقول انه مايمسك سعره اقول على الاقل انه احسن من اليوكن في مسكة السعر ويكفيني نظرة الاند كله نظرة ورسمي



وترى الاند ياااااااااااااااااابااااااااااااني

[محب النياق]

انااشوف انه حسب استخدامك وحاجتك للسياره تقدر تحدد.......

[المطرطع]

تم التصويت للاند

لانه يباني مهوب امريكي

والفرق بسعر البيع لصالح اللاند

[جمس قطعه 10]

طيب ماقلنا شئ نعطي الاندكرورزر ميزه واحده عن اليوكون وهي مسالة البيع بس والباقي
أخواني وانت اذا شريت بتشريه علشان تبيعه يعني فكر بالعقل
وأشوف ماء شاء الله اخوي المطرطع عطا التصويت الاند كرورز ياأخي شف الراي الثانين مب رايك انت بس
محب الباري هذا نظرتك انت بلحالك خلون نشوف نظرات الاخوان الثانين

[ابو عاذر]

أخوي جمس قطعه 10 تحية طيبة وبعد:-

قالوا في الامثال / لولا أختلاف الاذواق لبارت السلع وأن كنت من يعشق سيارات الامريكية GMC وبذات اليوكون فهذا أختيارك وأنت مخير ولست مسير ولا أحد يفرض عليك ما لا ترغبه وتهواه

والحق يقال أنك أخطأت في حق الجيب التويوتا فهو نعم الرفيق والصديق الوفي في بر وبلد في جبل وسهل الصبور الذي لايكل و لست الذي أنا الذي يمدحه كل سكان المملكة حاضرة وبادية توافقني ذلك وتأيده .

سيارات اليوكون سيارات أمريكية والامريكي معروف بعيوبه التالية التي لا أحد ينكرها ممستخدميه وهي
1) أعطال الكهرباء
2) أعطال طرمبة البنزين
3) أرتفاع درجة حرارته
4) ثقل السيارة الكبير ما تغطيه ( قوة الماكينة وحجمها )

أخوي أنت تقول أن اليوكون حق بر وجلد هذا غير صحيح اليوكون وفره للخطوط الزفلت وطلعات البر القريبة اليوكون ما يصلح كالسيارة بر لعدة امور من أهمها :-
1) ثقل السيارة الكبير وأذا سقط وغرس ما يطلع ألا بشق الانفس
2) الدبل ألأكتروني أزرار ( بعكس التويوتا دبل عصا قير + أزرار تفريغ الهوائي ليس ألكتروني ) وهذا أعطاله كثيرة وورشة الجميح تشهد بذلك نتيجة لعطل في الحساسات الالكترونية وغيرها .
3) أذا تعطل عليك بالبر ما عرفت تصلحه والسبب عدم تمكنك من معرفة وين الخلل عند فتح كبوت السيارة ونظرت للماكينة ( من كثر الاسلاك التي كأنها كيابل هذا خارج وذلك داخل وأشبه بأنه محطة كهرباء ) بعكس التويوتا سهلة ومبسطة وواضحة ألي فتحت الكبوت كأن مكينته عبارة عن حبة أناناس في صحن تباسي كبير .
4) أرتفاع درجة حرارته بدرجة ملحوظة بشكل كبير وأنت في الزحام فكيف بالبر وفي عز الصيف .

وأخيراً اليوكون تميز بحاجة واحدة وهي راحة الركوب وغيرها ما يقدر يجاري الجيب بشيء الامريكيون يحبون أن تكون سياراتهم مريحة وأمنة بعكس اليابانيون تهمهم معايير الجودة والقوة والصلابة و الصبر الشديد في تحمل ظروف القيادة في الاماكن الوعرة ووسائل السلامة الضرورية ( الحامي هو الله سبحانه وتعالى ) والجيوب الجديدة أفضل من الجيوب القديمة في تحملها وقوتها وصبرها على الجلد الشديد بر وبلد ركوباً وأستخداماً وبشهادة الجميع .

مع تحيات اخوك ابو عاذر

[جمس قطعه 10]

مشكور ين على مروركم بالنسبه لكلام أبو عاذر مشكلة الكهرباء غير صحيحه أبدا من موديل 2000 فوق مافيه هناك مشاكل بالكهرباء بتاتا مع الجلد والمجلاد اما مشكلة الطرمبه هذي في مقاس 2500 فقط والحل ذكروه أحد من أخوان مكشات عند ورشة محمد المشعل بالرياض
اما بالنسبه ارتفاع درجه الحراره هذا خبرك قديم في الموديلات القديمه تحت 2000 ثقل السياره انا معك بها النقطه لكن مكينته توفي وزياده وأنا اخبر واحد من أخوياي معه يوكون أسمع الكلام اللي قاله بالحرف الواحد معي يوكون 2002 .دبل......ولولا وجود التزامات واولويات في حياتي كان بعته واشتريت 2005
....... رحت عليه الصمان وقطعته من شماله لجنوبة ولا اروع وما قرقع ولا شي

موتر رائع وما يخلو من العيوب

يعني هذي تجربه عن حقيقه
(أسال مجرب ولاتسأل طبيب )

[خااالد]

اخوي جمس


انت طارح الموضوع تبي تقنعنا بأن اليوكون افضل من اللاند كروزر ؟؟
او طارح الموضوع تبي اراء الشباب من وجهة نظرهم ؟؟


إذا انت طارحه عشان تقنعنا فراح اقول لك من الصعب تقنع احد بمجرد تجربتك ..

وإذا انت طارحه عشان تبي اراء الشباب فراح اقول لك بخست حق اللاند كروزر حتى لو كان هدد اذا قارنته باليوكون ..

مع احترامي لجميع سيارات الدفع الرباعي الامريكيه بداية باليوكون ونهاية باللونكن او بجيب الكاديلاك من الصعب تقارنها بالجيوب اليابانيه اطلاقا..

اذا بغيت تسوي مقارنه بالجيوب اليابانيه حاول انك تقارنها بالجيوب الاوربيه وبالذات الالمانيه مثل الاكس فايف او جيوب المرسيدس ..


والشمس ما تتغطى بغربال يالغالي ..


ادخل السوق وشف العرض والطلب وبتعرف وش السبب بغض النظر عن تجربتك المتواضعه ..


انا جربت اللاند كروزر لمدة 5 سنوات من بعد تجربتي للسيارات الالمانيه الفخمه
وعرفت وش معنى الياباني .
ويوم جيت اغير اللاند كروزر غيّرته بجيب لكزس وهو اخو اللاند كروزر في كل شي ..


بالنسبه لليوكون موجود عند اخوي من 5 سنوات تقريباً موديل 2002 ماخذه من الجميح وكاله واقسم بالله العظيم انه ما يمّر شهرين بدون ما يروح للورشه للمعلوميه ماشي للحين 120 الف يعني لا تقول مكروف ..وجته عقده نفسيه من شي اسمه طرمبة بنزين وشي ثاني اسمه مفاتيح الزجاج اللي دايم ما تخرب..لدرجة ان صار في جواله ارقام لاصحاب سطحات نقل سيارات من كثر ما توقف عليه ..ولا تقول مركز المشعل ما مركز المشعل لانه راح له وما نفع ماغير سوالف ونهب فلوس ..


هذا مثال واحد والمثال الاخر شخص اعرفه جيداً معه يوكون موديل 2001 ويشتكي من ارتفاع الحراره وطرمبة البنزين كذلك ..


ياعزيزي الخلاصه

لا تقارن الجيوب اليابانيه مع الامريكيه ابدا ابدا ابدا حتى لو كان سفاري فهو لا يقارن باليوكون فما بالك بشيخ سيارات الدفع الرباعي ((اللاند كرووووووووووووووووزر))

واتمنى انك ما تزعل من كلامي لاني شفتك زعلت من كلام الشباب اللي سبقوني ...





اسلم وسلّم

[الدحبول]

تم التصويت ليوكن لانه عند الوالد سوبربان 1500 موديل 2003 عادي موهوب دبل ماشي 160 الف ولاغير الاقطع استهلكية واذكر غير البواجي وشداد سير وسيور كله قطع استهلكية

وطرمبة ماتخرب كان عند الوالد كابرس بكس 1996 وكان يمشي 180 وولعت لمبة البنزين ولم يعره اهتمام وطفت السيارة ولا شتغلات الا بعد ماعبينه بنزين و ختربت طرمبة البزين وعوامة

انصح كل واحد ما يخلي السيارة تطفي عليه أول ماتولع المبة يعبها

وسلامتكم

[hamad_alsaad]

الناس تمدح الاسهم وتبيع بيوتها واستراحاتها وغيرة من الممتلكات من اجل شراء الاسهم لأن معظم الناس تمدح الاسهم تثني على الاسهم.والبعض اخذ قرض من البنك لشراء اسهم. انا قمت ببناء استراحه وابتعدت عن الاسهم. انا اخذت قرض من البنك لشراء فلة. الناس تتحدث عن اليوكن عن الاند كروزر . انا شريت باجيرو والله والله والله مافيه مقارنة بينهم القوة قطع الغيار وغيره. لكن الناس ترفع قيمة سلعة ماهي كفو. مثل رفع الناس لاسهم ماهي كفو.الخلاصة انا اذهب في اتجاة مخالف للناس بعد التاني وليس كلام الناس. لم ارى باجيرو متعطل في الخط او مغرز. اذا قطع غيار باجيرو غالية فأن ذلك بسبب انها اصلية وتعمر. اذهب للورش لن تجد باجيرو حتى الموديلات القديمة مقارنة بغيرة.اذهب الى التشليح لن تجد باجيرو مقارنة بغيرة. والقائمة لاتنتهي. انا عندي عائلة متوسطة واحب البر شريت باجيرو. لو عائلة كبيرة اشتري صالون. واذا راعي ابل اشتري جيب تايوتا. يجب ان تعرف ماذا تريد من السيارة وتجاهل راي الناس. اذا انا اريد شراء سيارة فلن ادفع اكثر من قيمتها الدفترية سواء كانت لاند كروزر او غيرة. واذا بتشتري سيارة اشتر للاستعمال ولا يكون في حسابك انك سوف تبيعها.صراحة ربعنا ما وهكهم سوى اشاعاتهم. مثل اشعب الذي قال ان عند فلان عزيمة وهو يكذب بعد ذلك ذهب بنفسة

[جمس قطعه 10]

أولاً أبي رايي أخواني اللي في مكشات

ادخل السوق وشف العرض والطلب وبتعرف وش السبب ..

السوق اللي يحكمها الزبائن من خلال الزبائن بأمكانهم رفع سعر اي سياره كانت لو سيكل

طيب اخوي خالد يقول برده ان أخوه معه يوكون يشكي من الخربات

اقولك هذا يوكون مع عمي موديل 2000 مايشكي من أي شئ مع كشتاته المتنوعه في كل مكان ماعدا الاشياء
الاستهلكيه

وصلته لسفاري مايقارن باليوكون ياأخي ليه الاستحقار هذا انا ماشي معي زي العسل و مع ناس كثيرين

يارجال كلها سيارات واي واحد السياره التي تعجبه لانها كنها طولت السالفه وهي ماتستاهل

[ابو عاذر]

....... رحت عليه الصمان وقطعته من شماله لجنوبة ولا اروعوما قرقع ولا شي



أخوي جمس قطعه10 كلام جميل هذا أمريكي ومجرب ومعروف أبشر به خلال سنة ونص ولد وبعدها حط في البوك كرتين كرت للسطحة وكرت للورشة أنت تقول أنك رحت عليه الصمان وقطعته من شماله لجنوبة ولا اروع أحب أن أوضحلك داتسون او هايلكس 83 عند راعي غنم من بدو الصمان يكرفها ليل ونهار متجولاً بها في الصمان من أقصى شماله إلى أقصى جنوبه ومن شرقه إلى غربه ولا هي مشوار يوم أو أسبوع سنوات على هذا الحال ما أشتكت من شيء وأن تعطلت عليه قدر يصلحها مو أمريكي ألي برك ما عاد يقوم معندك سواة غير سطحة تشيله وعلى ورشة الجميح توديه هذه سيارات خراباتها كثيرة وهي جديدة ما كملت سنتها الاولى فكيف أثق فيها وأنا في بر للحالي ما عندي أحد وبشهادة الجميع

ياخوي العرض والطلب دائما لأفضل ( التويوتا / النيسان ) لأنها سيارات تثق فيها وتعتمد عليها أعتماد كبير بر وبلد صيانتها بسيطة وسهلة ولاتحتاج لصيانة دورية متكررة ركز على زيته وماه وتوكل على الله الصديق الوفي إلي ما يغدر بخويه أما الامريكي فدائماً فاتحاً فمه يطلب قطع وهو جديد فكيف إلي صار ماضي عليه أكثر من 5 سنوات و الصيانة الدورية المتكررة كل مرة تطلع عليك التكاليف بذيك الحكاية .

تعظيم تحية و سلام على وارد اليابان( تويوتا / نيسان / مستوبيشي / أيسوزو ،،،، إلخ) أما وارد الامريكي فشطب عليه ( يوكون / همر / أسكاليد ،،،، إلخ ))

مع تحيات اخوك ابوعاذر

[كاشت شمال]

اليوكن ياولد ديرتي موتر ديرة وتمشي فقط بالبر يعني تندح :) خبرك شفت يوكن جاه جور مثل مايجورون على الـ في اكس آر والباترول ويعتق؟! ماظن :)

وعمرك شفت احد توهق وجربة في الرملة؟! بالربع الخالي ماأظن !!

اليوكن بالديرة والخطوط مافية كلام اما بالبر غير اللاند والباترول لاتدور وانا خوك.

تحياتي ,,

[المطيريm]

مشكور اخوي وانا افضل تويوتا علي الجمس

[هاوي الله]

Gxr = الأمان مع الله سبحانه ( وأي مكان في المملكه بروح له وأنا مرتاح ولاني شايل هم الأعطال )

يوكن = غير أاااامن ( وإذا جيت بروح منا ولأ منا بتردد ألف مره وإذا رحت بشيل هم الأعطال يعني غير مرتاح نفسياُ )

[ابوفيصل200]

اخوي جمس


انت طارح الموضوع تبي تقنعنا بأن اليوكون افضل من اللاند كروزر ؟؟
او طارح الموضوع تبي اراء الشباب من وجهة نظرهم ؟؟


إذا انت طارحه عشان تقنعنا فراح اقول لك من الصعب تقنع احد بمجرد تجربتك ..

وإذا انت طارحه عشان تبي اراء الشباب فراح اقول لك بخست حق اللاند كروزر حتى لو كان هدد اذا قارنته باليوكون ..

مع احترامي لجميع سيارات الدفع الرباعي الامريكيه بداية باليوكون ونهاية باللونكن او بجيب الكاديلاك من الصعب تقارنها بالجيوب اليابانيه اطلاقا..

اذا بغيت تسوي مقارنه بالجيوب اليابانيه حاول انك تقارنها بالجيوب الاوربيه وبالذات الالمانيه مثل الاكس فايف او جيوب المرسيدس ..


والشمس ما تتغطى بغربال يالغالي ..


ادخل السوق وشف العرض والطلب وبتعرف وش السبب بغض النظر عن تجربتك المتواضعه ..


انا جربت اللاند كروزر لمدة 5 سنوات من بعد تجربتي للسيارات الالمانيه الفخمه
وعرفت وش معنى الياباني .
ويوم جيت اغير اللاند كروزر غيّرته بجيب لكزس وهو اخو اللاند كروزر في كل شي ..


بالنسبه لليوكون موجود عند اخوي من 5 سنوات تقريباً موديل 2002 ماخذه من الجميح وكاله واقسم بالله العظيم انه ما يمّر شهرين بدون ما يروح للورشه للمعلوميه ماشي للحين 120 الف يعني لا تقول مكروف ..وجته عقده نفسيه من شي اسمه طرمبة بنزين وشي ثاني اسمه مفاتيح الزجاج اللي دايم ما تخرب..لدرجة ان صار في جواله ارقام لاصحاب سطحات نقل سيارات من كثر ما توقف عليه ..ولا تقول مركز المشعل ما مركز المشعل لانه راح له وما نفع ماغير سوالف ونهب فلوس ..


هذا مثال واحد والمثال الاخر شخص اعرفه جيداً معه يوكون موديل 2001 ويشتكي من ارتفاع الحراره وطرمبة البنزين كذلك ..


ياعزيزي الخلاصه

لا تقارن الجيوب اليابانيه مع الامريكيه ابدا ابدا ابدا حتى لو كان سفاري فهو لا يقارن باليوكون فما بالك بشيخ سيارات الدفع الرباعي ((اللاند كرووووووووووووووووزر))

واتمنى انك ما تزعل من كلامي لاني شفتك زعلت من كلام الشباب اللي سبقوني ...





اسلم وسلّم


كلامك جميل وفي الصميم اعجبني كثيرا لا فض فوك

[SilverSniper]

اللاند موتر سمعه لا أكثر ولا أقل..
الجمس أقوى منه بكثير.. وأصبر منه .. وأفخم منه.. وأريح منه.. وفوق كذا أرخص منه..
ما فيه وجه مقارنة بين مكينة 4700 الثمانية اللي بستمها نفس سعة بستم السته.. وبين مكينة Ls1 الثمانية حقت اليوكن اللي تدخل يدك كلها في السلندر من وسعه.. ولا في الراحة والفخامة اللي مشهود للأمريكي فيها.... أما بالنسبة للوزن.. الفكسار ثقيل ومكينته ضعيفة.. والكل يعرف هالشي.. ومع كذا يشترونه ... لكن يكون معي موثر ثقيل ومكينته قوية أتوقع أفضل..
الصبر بالنسبة للاند شيء وهمي وهذا شفته بصفتي ضحية سابقة للاندكروزر.. اذا خرب فيه شي.. جاك جميع.. ما تدري تصلح ايش والا ايش.. يخرب القير والدفرنس وراس المكينة والهوبات والقماشات والعكوس مرة وحدة ؟؟؟؟....؟؟؟؟
التاهو أخو اليوكن.. قوة التاهو 355 حصان.. قوة اللاندكروزر في اكس آر (وخر عن دربه ) 250 حصان..
الوكلاء.. الجميح والعيسى.. ربما عليهم قصور.. ربما عليهم مشاكل... لكن على الأقل يبيعك السيارة كما هي مهوب مثل لطوفي ( عبداللطيف جميل ) وأعتقد قصة اللاندكروزر جكسار جي وقصة المكيفات والمسجلات الكل يعرفها..
صح اللاند فيه ميزة وحده بس... يمسك سعره.. عشان سمعته اللي كأنها فقاعة صابون.. بس
والله ما شفت الراحة الا بعد ما بعت الزفت اللاند وشريت التاهو..
أمريكي وبس........ Gm...........

[عجمي]

أخوي جمس قطعه 10 تحية طيبة وبعد:-

قالوا في الامثال / لولا أختلاف الاذواق لبارت السلع وأن كنت من يعشق سيارات الامريكية GMC وبذات اليوكون فهذا أختيارك وأنت مخير ولست مسير ولا أحد يفرض عليك ما لا ترغبه وتهواه

والحق يقال أنك أخطأت في حق الجيب التويوتا فهو نعم الرفيق والصديق الوفي في بر وبلد في جبل وسهل الصبور الذي لايكل و لست الذي أنا الذي يمدحه كل سكان المملكة حاضرة وبادية توافقني ذلك وتأيده .

سيارات اليوكون سيارات أمريكية والامريكي معروف بعيوبه التالية التي لا أحد ينكرها ممستخدميه وهي
1) أعطال الكهرباء
2) أعطال طرمبة البنزين
3) أرتفاع درجة حرارته
4) ثقل السيارة الكبير ما تغطيه ( قوة الماكينة وحجمها )

أخوي أنت تقول أن اليوكون حق بر وجلد هذا غير صحيح اليوكون وفره للخطوط الزفلت وطلعات البر القريبة اليوكون ما يصلح كالسيارة بر لعدة امور من أهمها :-
1) ثقل السيارة الكبير وأذا سقط وغرس ما يطلع ألا بشق الانفس
2) الدبل ألأكتروني أزرار ( بعكس التويوتا دبل عصا قير + أزرار تفريغ الهوائي ليس ألكتروني ) وهذا أعطاله كثيرة وورشة الجميح تشهد بذلك نتيجة لعطل في الحساسات الالكترونية وغيرها .
3) أذا تعطل عليك بالبر ما عرفت تصلحه والسبب عدم تمكنك من معرفة وين الخلل عند فتح كبوت السيارة ونظرت للماكينة ( من كثر الاسلاك التي كأنها كيابل هذا خارج وذلك داخل وأشبه بأنه محطة كهرباء ) بعكس التويوتا سهلة ومبسطة وواضحة ألي فتحت الكبوت كأن مكينته عبارة عن حبة أناناس في صحن تباسي كبير .
4) أرتفاع درجة حرارته بدرجة ملحوظة بشكل كبير وأنت في الزحام فكيف بالبر وفي عز الصيف .

وأخيراً اليوكون تميز بحاجة واحدة وهي راحة الركوب وغيرها ما يقدر يجاري الجيب بشيء الامريكيون يحبون أن تكون سياراتهم مريحة وأمنة بعكس اليابانيون تهمهم معايير الجودة والقوة والصلابة و الصبر الشديد في تحمل ظروف القيادة في الاماكن الوعرة ووسائل السلامة الضرورية ( الحامي هو الله سبحانه وتعالى ) والجيوب الجديدة أفضل من الجيوب القديمة في تحملها وقوتها وصبرها على الجلد الشديد بر وبلد ركوباً وأستخداماً وبشهادة الجميع .

مع تحيات اخوك ابو عاذر


نقس الرأي مع اخوي ابو عاذر

[مجموعه]

يقول المثل عط الخباز خبزه ولو كل نصفه

اليوكن ليس مخصص للبر مثل الجيب ولكن يمشي نفسه أما اذا غرز تتعب يطلع :no2: معروف الامريكي ...


يالغالي ما في مقارنه بين اليكون Gxr

يوكن الميزه الوحديه هي ممتاز في الخطوط والوسع

عندي لك شيء يكفي الثلاجه في الجيب ويكفي اسمه ويكفي بعد عمر طويل اذا بتبيع تبيعه بسعر ممتاز


ولا يوجد شبه بين الثرى والثريه
تحياتي لك

[من السليل]

أخوي جمس قطعه 10 تحية طيبة وبعد:-

قالوا في الامثال / لولا أختلاف الاذواق لبارت السلع وأن كنت من يعشق سيارات الامريكية GMC وبذات اليوكون فهذا أختيارك وأنت مخير ولست مسير ولا أحد يفرض عليك ما لا ترغبه وتهواه

والحق يقال أنك أخطأت في حق الجيب التويوتا فهو نعم الرفيق والصديق الوفي في بر وبلد في جبل وسهل الصبور الذي لايكل و لست الذي أنا الذي يمدحه كل سكان المملكة حاضرة وبادية توافقني ذلك وتأيده .

سيارات اليوكون سيارات أمريكية والامريكي معروف بعيوبه التالية التي لا أحد ينكرها ممستخدميه وهي
1) أعطال الكهرباء
2) أعطال طرمبة البنزين
3) أرتفاع درجة حرارته
4) ثقل السيارة الكبير ما تغطيه ( قوة الماكينة وحجمها )

أخوي أنت تقول أن اليوكون حق بر وجلد هذا غير صحيح اليوكون وفره للخطوط الزفلت وطلعات البر القريبة اليوكون ما يصلح كالسيارة بر لعدة امور من أهمها :-
1) ثقل السيارة الكبير وأذا سقط وغرس ما يطلع ألا بشق الانفس
2) الدبل ألأكتروني أزرار ( بعكس التويوتا دبل عصا قير + أزرار تفريغ الهوائي ليس ألكتروني ) وهذا أعطاله كثيرة وورشة الجميح تشهد بذلك نتيجة لعطل في الحساسات الالكترونية وغيرها .
3) أذا تعطل عليك بالبر ما عرفت تصلحه والسبب عدم تمكنك من معرفة وين الخلل عند فتح كبوت السيارة ونظرت للماكينة ( من كثر الاسلاك التي كأنها كيابل هذا خارج وذلك داخل وأشبه بأنه محطة كهرباء ) بعكس التويوتا سهلة ومبسطة وواضحة ألي فتحت الكبوت كأن مكينته عبارة عن حبة أناناس في صحن تباسي كبير .
4) أرتفاع درجة حرارته بدرجة ملحوظة بشكل كبير وأنت في الزحام فكيف بالبر وفي عز الصيف .

وأخيراً اليوكون تميز بحاجة واحدة وهي راحة الركوب وغيرها ما يقدر يجاري الجيب بشيء الامريكيون يحبون أن تكون سياراتهم مريحة وأمنة بعكس اليابانيون تهمهم معايير الجودة والقوة والصلابة و الصبر الشديد في تحمل ظروف القيادة في الاماكن الوعرة ووسائل السلامة الضرورية ( الحامي هو الله سبحانه وتعالى ) والجيوب الجديدة أفضل من الجيوب القديمة في تحملها وقوتها وصبرها على الجلد الشديد بر وبلد ركوباً وأستخداماً وبشهادة الجميع .

مع تحيات اخوك ابو عاذر

نفس الكلام اللي ودي أقوله واضيف من واقع تجربة
كان معي 2005 gxr وبعد فترة والكلام عن اليوكن ومواصفاته وتحمله بعت اللاندكروزر وشريت يوكون 2006
وبعد ستة أشهر حسيت أنه بيتهرقل مع الوقت ونا راعي بران فبعته وشريت vxr 2004 والحمدلله اللاندكروزر لايعلى عليه وخاصة الـ vxr ولكم تحياتي 0

[هوى نسري]

السيارات كلهن دارجات بالسوق ومع الناس ،،،،
اليوكن يمتاز عن الاند كروزر بالوسع وبعض المميزات الكمالية اللي مايحتاجة اهل الكشتات .
اما الاند كروزر الصالون من موديلات 98 وحتى 2007 خاصة الفكس ار التماتيك،،، ان اشهد ان اليابان قامو بصنع سيارة يعتمد عليها في السفر والدروب الوعرة وتحمل المشاق والصعاب واللي يقول ان اليوكن اريح من الفكس ار اقول له قد غالطت الحقيقة فأنا جربت السيارتين ووجدت الفرق الشاسع بينهم بمعنى ان الفكس ار مابعده سيارة ولاقبله سيارة ،،، سيارة متعددة الاغراض .
والمثل يقول اشتر للسوق ولاتشتري لنفسك بمعنى اذا بغيت تشتري وتبيع شف الناس ويش تريد فزبون الاندكروزر اكثر من 90% بينما السيارات الاخرى اقل من ذلك بكثير،،، واخص سيارات اخونا حمد اللي يمدح الباجيرو فمع احترامي لرأبه فزبونه لايتعدى 1% عند البيع والشراء.

http://www.mekshat.com/pix/upload/sign/images/mk42973.gif

[بواسامه]

لم ترى ان السيف ينقص قدره00000 اذا قيل ان السيف امضى من العصى

وش جاب لجاب

[البرحه]

السلام عليكم

الظاهر الموضوع من غير هدف لكن ...

ما فيه مجال تقارن بينهم ابد .... مع اني اشوف اللاند غالي غلا فاحش بس ولو .. ما تقارنه باليوكن

يشيخ قد شفت لاند راكب سطحه ؟؟ انا اراهن لو ينقطع الامريكي تنقرض السطحات

ولا الفخامه ياخي الكابرس اس اس مديل 95 الي يقاله فخامه متناهيه فيه جحر ما لامه سنع

يتجمع فيه الغبار والوصخ ولا يتنظف وحاله صعبه .... ياخي هايلكس 81 ما فيه مثل هالعيب

لولا اختلاف الاذواق لبارت السلع

[الحفولي]

اخوي قطعه 10 انت من جدك والا تمزح؟؟

اليوكون سياره فاشله والجي ام سي الجديد كله فاشل حتى لو حطوا له ثلاث دفرنسات,التويوتا مايعلى عليها في التغاريز والأماكن الصعبه

اليوكون اذا ماتشغل الدبل قبل تطلع من الخط والا بتوهق .. لأنه اذا غرز مايشبك الدبل الا بالعافيه

بعدين انت شف سيارات البدو اللي مع ابلهم في البر على طول وش سياراتهم؟؟

وإذا اليوكون اقوى من الاندكروزر ليش مااشتروه مع انه ارخص

خاطب العاقل بما يعقل:good:

وتم التصويت للجي اكس آر من واقع تجربه طويله جدا من موديلات الثمانينات وجاي:D

نتائج التصويت حتى الآن:

يوكن = 19.40%
جي اكس آر= 80.60%

[غالي]

والله مشكله ياخوي :)
هالحين تبي تقارن بين السيارتين وطارح مميزات اليوكون ولاطرحت مميزات الاند؟؟؟
لاتزعل لكن الي فهمت من كلامك انك غير منصف وبداخلك شيء تعرفه عن الاند ومتقيصد ماتذكره :)
هل ذكرت الهزاز في الاند؟
هل ذكرت وجود الونش في الاند؟
من قالك الاند مافيه سيديات؟؟ فيه ابشرك 6 وواحد بالمسجل ... بس مع احترامي لك شكلك ماركبت الاند :( ولاتعرف عنه شيء
ـــــــــــــــــــــــــــــــ
ثم جيت وقارنته بالفي اكس ار
وبرضو ماذكرت نظام الملاحه
ولاذكرت نظام البلوتوث
ولاذكرت بإمكانك تاخذ استبنتين
ولاذكرت بإمكانك تاخذ استبنه علاقي .... او استبنتين وتفك الي تحت وتفصل تانكي تحت بمكانها بدون ماتفك قاعدة الاستبنه تحت
ولا ذكرت نظام الماء في الشمعات الاماميه للتنظيف في حالة قدامك سياره في طين
والله ياشباب هذي اخدمتني خدمه غير طبيعيه
اما السياره الي كانت معنا مافيها رشاش مويه للشمعات الاماميه وكلما مرت علينا سياره ماطلعت لسيارته انوار لان الشارع كله طين وكل ساعه واقف وينظف ويرش عليها مويه
هل اليوكون فيه هالميزه؟
ـــــــــــــــــــــــــــــــ
اتمنى اتمنى اتمنى تمسك يوكون جديد من الوكاله وتمشي كل يوم لمدة شهر بمطناج
وتمسك لاندكروزر مستعمل وتمشيء بنفس الشيء بمطناج
وتناديني اسمع الاصوات الي فيهم :(
اليوكون طال عمرك مكينه مااقول شيء قويه ماشاء الله
باعتقادي مابه خرابات بذاك الزود الا مثل ماتفضل احد الاخوان الدرايش يمكن والحراره الي مايعتني فيه
ــــــــــــــــــــــــــــــــــــــ
اخيرا وليس اخرا
ابيك تجرب تطلع يوكون مغرز برمل
وتجرب لاند مغرز برمل
بتلاحظ الثقل في الامريكي ويحفر
واذا جيت للفي اكس ار
فيه الهيدروليك الي بامكانك انك ترفع السياره فيه وتبرح للدفرنسات
ـــــــــــــــــــــــــــــــــــــــــــــ
بإمانه ماكنت ابرد عليك الصراحه
لان كل سياره لها محبينها
لكن
لو انك انصفت ان كان مارديت
بس انت جبت مميزات اليوكون ولاجبت الا الشيء الي مو في الاند
وهذي ماتسمى مقارنه مع احترامي
تسمى حقران او تبي تحقر الاند
وراجع اول مشاركه لك وبتلاحظ :)
اتمنى لك التوفيق مع اليوكون ........ وهي سياره جميله ورائعه فعلا

[ملك الجمس]

انا افضل اليوكن لعدة اسباب

[الهـ911ـدد]

هههههههههههآي واللـه مشكلة بس عشآن مآ يزعل اخونا اللي طرح الموضوع
انا راح اقول ونعم والله باليوكون والله انها سياره <-- اعرف اجامل ولا شلون
بعدين انا دخلت الموضوع على بالي فيه ديموقراطيه يعني مو يجي واحد يمدح اللاند ويزعل راعي الموضوع هههههههاي والله حاله
المهم
ودي اجامل وامدح اليوكون بس نتيجه التصويت وسمعت اللاند وتجربتي له وتربت غيري بعد تمنعني يالغالي
( الخـلاف لا يفسـد للود قضيـه )

[الطعس الذهبي]

يأخوي انا ابتكلم بالظاهر الان اليوكن من الممكن انك تلقى يسوقه اما الاندكروزر فنادرا انك تشوفه مع سواق

ثاني شي انت شف اكثر الناس الي معه يوكن كله اهل ديره اليوكن ممكن نقول انه مريح وممكن نقول انه مواصفات افضل لاكن يبقى انه امريكي وهذي تحمل الكثر الكثير من الكلام



وبعدين انت تمدح اليوكن وشف نتيجة التصويت لصالح الاندكروزر

[برقان]

بسم الله وخر انت واياه واللي براسه حرش يورينا عرض كاتافو

اولا صبحكم الله بالخير اخوننا كشاتة هالموضوع

بالنسبة للجيب واليوكون

انا مجري الثنين لا جيب الا الاند ولا مركب الا اليوكن
اما بالنسبة للخرابات
فاليوكن وجة بن فهرة <----- ما يستحي
خراباته اكبر من حجمة قبل كم شهر مصلح لاحظ مصلح المكيف لموديل 2002 ب 4000 رياااال هبااال الشغلة
لمبة الاصطب الخلفي ب 99 ريال
عسا بس ما كيف الحال

مروور عابر واتمنى ان اكون اضفت شي

والسلالالام

[الكونترولCONTROL]

و الله اللاند كروزر بأقل مواصفاته من الظلم مقارنته بسيارات امريكية مهما كان نوعها
حتى لو تقطع المستوي عرض !!!!!!!!!!!!!!!!!!!!!!!!!!!!!!!!
تبطــــــــــــــــــــــــــــــــــــــــون لا جمسكم و لا فوردكم و لا حتى همركم !!!!!!!!!!!
نجيب جي اكس موديل 91 ماشي 600000 كم ثم نسمح تقارنونه بيوكن 2009 !!!!!!!
=================================================
مقارنة معروف اجاباتها قبل طرحها لا فائدة منها !!!!!!!!!!
و السلام عليكم !!!!!

[ماجد_الزلفي]

لو اليوكن ممتاز ماكان كل الشوارع مليانه لاندكروز (سؤال في احد يتجرى بأي سياره يقارنها بالاندكروز) شف البازعي كم وصل سعره جي اكس أر فل فل 170 الف وناس يبونه ومطاقق عليه ليه عباطه هي من قوته من تحمله من رساوته ومن ومن ويعيش معك سنين وسنين ومايقول ابي اما الجمس اطلع من البر اول شي تلقاه مرتخي

[وقيان]

خذ اليوكن حقك و شف لك محل بالبر فيه ربــاض... انا بنتظرك في الجهة الثانية.. اذا توصلني.. بشتري اليوكن حقك بالسعر اللي تبيه.... و ش قلت ؟؟؟؟

[خير العشوى]

انا كان عندي يوكن بعته وشريت جي اكس ار والسبب لان اليوكن وجهة نازل ومافيه شجرة إلى ما شمخت الصدام . وصدامه نازل ولا يسوى وبعته وشريت الجي اكس ار . على بوارد التويوتا ولا بلاش .

تحياتي

[الحر123]

لاند وبسسسسسسسسسسسسسسسسسسسسسسسسسسسسسسسسسسسسسسسسسسسسسسسس سسسسسسسسسسسس
(بدون تعليق)

[الجماجمي]

لا تقارن السيف بالعصى اللاند وريح نفسك واتمنى لك دوام السعادة وفقك الله

[خااالد]

ياسااااااااااااااااااااتر

والله ما تسوى عليك ياراعي الجمس هالموضوع


خلاص يالربع كافي
الرجّال ماعاد رد على موضوعه
صدق حنّا مهبّل اللاند كروزر
بس والله سياره تستاهل

ويالغالي اليوكون والله سياره جميله وقويه

وربي يوفقك ويسعدك
ويعطيك خيرها ويكفيك شرها


واهم شي رايك طال عمرك

وكلن بعقله راضي

[أكيف بمزاجي]

الاند افضل على الاطلاق خط وبر وديره وفخامه وكشخه وشكل وفايده ومميزات وخفه وعزم ونشاط وهيبه وصبر وتحمل وقطع غيار تلقاها بأي مكان وسهولة تصليحه وسهولة معرفة الخلل ومسكة سعر وياباني وتويوتا والكثير الكثير من الذي لا تجده في اليوكن والسيارات الامريكيه ...

مع احترامي الكلام هذا قلته لغيرك كثير , اليوكن والسيارات الامريكيه زينه هناك في امريكا لان ماعندهم مثلنا كرف وبران وفلة , وبعدين كل ورشهم متعوده على سياراتهم ,,, لكن عندنا التويوتا والياباني تصلحه بأي ورشه ولكن غالب السيارات الامريكيه لها ورشات متخصصه ونادره واسعارهم غاليه ... وجربنا وعرفنا وعشنا مع اصحاب السيارات اليابانيه واصحاب السيارات الامريكيه ولاحضنا الفرق الشاسع ....

وتقبل تحياتي

اكيف بمزاجي

[الاتصال السريع]

مثل ما قال اخوي خااالد

ياعزيزي الخلاصه

لا تقارن الجيوب اليابانيه مع الامريكيه ابدا ابدا ابدا حتى لو كان سفاري فهو لا يقارن باليوكون فما بالك بشيخ سيارات الدفع الرباعي ((اللاند كرووووووووووووووووزر))

واتمنى انك ما تزعل من كلامي لاني شفتك زعلت من كلام الشباب اللي سبقوني ...





اسلم وسلّم

[نيتروجين xp]

جمس قطعة 10



ما فيه كلام ما قالوه الأخوان والمعركة انتهت وشوف نتائج التصويت والله فرق بين وبين !!





ياااخي شف هالمملوح بتوقيعي والله وقفت عــــز الله يخليه لي





اسلم وسلم







.

[نيتروجين xp]

هذا توقيعي :::





http://www.l22l.com/l22l-up-1/41402b26cf.jpg

[راعي ساموده]

اللاند كروزر ( مايدخل في مقارنات من الأصل )

يعني حط اي سيارتين من اللي تبي وماعندنا مشكله نعطيك راينا بس تجيب لاند كروزر وتحطه بمقارنه اكيد راح يكتسح بدون منافسه

[قسوره2006]

اخي الكريم :


الشي الي انت مقتنع منه سوه والسيارة التي تميل لها وتحبها وترغبها وفي راسك اشرهاء ولا عليك من حد متع نفسك واطرب روحك

وان بغيت مشورتي ورايي


والله ثم والله ثم والله
ما احط بالامريكي ريال واحد اذا انا ابيه للبر واذ قصدك للقار والديره والعائله انا معك
ويا بعدي يا التويوتا تويوتا وبس

[غريب في داره]

بإختصار

الامريكي جير ومكينة :good: وخله للعايلة والمدينة
والياباني هيبة وقيمة واحذر لاتفكر تبيعه
------------------------------------------
ومافيه مقارنة بين 6سلندر و8سلندر

قارن الفكسار باليوكن،، وشوف الانتصارالكاسح للفكسار
-----------------------------------------
لاتزعل ياخوي من حب الناس للياباني،، العالم ماحبت هاموتر الا لاشياء كثيرة
اجيال ورى اجيال حبهم مستمر ل الاند
والامريكي رخيص ومريح
انا اشهد انه الجير والمكينة الامريكية مافيه مثلها، لكن التحمل والعمر مافيه مثل الياباني
--------------------------------------------------------
انا عجبني راعي الباجيرو مقتنع في سيارته ولا عليه من كلام الناس
-----------------------------------------------------------
الله يبارك لك فاليوكن ويعطيك من خيره ويكفيك شره ومشاكله،، وعساه يارب ما يخرب ولا يتعلل
مع جزيل الشكر والاحترام لك، ولجميع من شارك في هالموضوع

[.أبوعبدالرحمن]

الصراحة كلامك كله غلط لاكنني أفضل اللاند كلوزر على الجمس واليوكون

[بو مشعوفان]

اللاندكروز ما قصر ويانا حنا اهل الخليج العربي في الديرة و البر يكفي ويمشي معك كنه حصان

[ابو راجي]

تبي الصدق يا رجال الامريكي اذا فكيت كبوته وانت في البر خفت
لو يخرب عليك ويش تسوي به اسلاك وبلاوي سود متجمعه والله ما تعرف منها الا البطارية
بعدين ثقيل طينه وعلة نحر مثل اللي عنده ولد بس انه دب مره شغله اذا ارسله وشغله اذا تركه
الياباني بوجه عام اخف واحسن

[مكشاتي غير]

الاند ابدع في صنعه الياباني

والله يبارك لك اخويه فسيارتك اليوكن

فديت ملك التوياتا

[جي إكس آر]

0مشكور يا جمس قطعة 10

على الموضوع الجـــمـــــيل

[أبونواف42]

السلام عليكم أخوي انا كان معي يوكون 2003 4*4 ولا أحسن منه وممتاز في البر ولكن مع الوقت أحس انه بدى يهرقل لأني أجوره في البر وكن جربت الاندكروزر الصراحه انا من وجهة نظري الاندكروزر أحلى سواقه من اليوكون وبعته وان شاء الله ناوي اشتري ياباني وهذا رأيي ودمتم.