بطارية إضافية

[الشرح الممتع]

السلام عليكم
هل يوجد مشكلة بتركيب بطارية إضافية لاند كروزر 2012 وهل احد جرب

[saadd966]

ركبت عني في لاند كروزر2015 بطارية اضافية مع ماطور هواء + محول كهرباء الى 220فولت قوة 600 واط + اربع لمبات لد داخل الكبوت + ارع لمبات لد خلفق في باب الشنطة + افياش كهرباء امامي وخلفي + سلك ثلاجة في الشنطة والامور ولله الحمد ممتازة

[ابو ايمن]

اخي الكريم حياك الله

لايوجد مشكلة في البطارية الاضافية

بشرط يكون الكهربائي ممتاز وتوصيل الاسلاك بطريقة فنية وبشكل قوي وسليم .

بالتوفيق

[الشرح الممتع]

saadd966 (http://www.mekshat.com/vb/member.php?231754-saadd966)

أبوأيمن
جزاكم الله خير
بالنسبة لماطور الهواء شريت كبير وتوهقت به ماله مكان بالكبوت

[حمودالخمبقاني]

هلا أخوي الشرح الممتع

ابد يابعدي لا يوجد أي مشكلة بتركيب بطارية إضافية

لأن البطارية الإضافية لها ظفيرة مستقلة عن الظفيرة الأساسية للسيارة

ويفصل بينهن (دقمة أو منظم) بعد الفيوز

فـ لا تشيل همها وبالعكس وجودها من أهم الأشياء للكشاته

تفك أزمة وتنقل كل شغلك الإضافي عليها (لمبات، كنود، محول، ثلاجة، ولاعات)

وبالنسبة لماطور الهواء تقدر تركبه في الصدام بس يبي لك حداد كويس يركب لك القاعدة ويضبط لك المداخل والمخارج

واذا ما حصلت أنا بخدمتك تواصل معي وأبشر

أبو فهد

[مخبط القشع]

عليكم السلام
ركب وانت مرتاح
واذا تبي الراي وشي لك وللزمن بنصحك بحاجتين عن تجربه
1- بطارية اوبتيما 55 امبير
2-منظم رفيق الدرب
والله يكتب لك اللي فيه الخير

[الشرح الممتع]

ابو فهد مشكور وراعي فزعة وماهي غريبة عليك
مخبط القشع الله يريحك
وماقصرتوا جميعا تسلمون

[هاوي الجكس]

حياك الله

انا معي لاند 2015 ومركب عليه بطاريه اضافيه وافياش ولمبات وتمديد للكنود والثلاجه والامور طيبه

في الرياض عندك الصبي وفن المقناص

القصيم عندك فنون الكهرباء

وشغلهم مجرب وممتاز

بالتوفيق

[الشرح الممتع]

ماقصرت اخوي هاوي الجكس
والف شكر يالغالي

[دكتور زمانه]

أفادوك الشباب . أنا جيت اركب ماطور هواء في الكبوت وكان كبير
فسويت له عند الحداد كرسي حديد وثبته فوقه ويارب لك الحمد . الله يسهل أمرك