أفيدونا عن الصمان

[Dongoan]

السلام عليكم ورحمة الله وبركاتة
مساكم الله بالخير يا وجيه الخير

أن شاء الله ناوين نكشت أنا و ربعي الأسبوع القادم إلى الصمان الخميس 21/01/2016
هل تنصحون في مكان معين؟
أو أحد عنده إحداثيات لإحد الفياض؟
وكيف الجو أن شاء الله؟

شاكر ومقدر لكم جميعاً..

[طبيب اللاند]

ما فيه ربيع توه ما طلع الا شئ بسيط في التنهاة
فيه فيضة العمانيه اقرب من الصمان .. لا دخلت رماح تمشي لحد ما تطلع من المحافظة تشوف الفود على يسارك امسك الخط مسار واحد ثالث عرق او رابع عرق انزل معه هناك مكان جدا مناسب

[كشته وشاهي]

بعد إذن اخوي طبيب اللاند
توي جاي من التنهات ومربع اولها بالحيل ويا زين الكشته فيها وهي افضل وحده شفتها الى الان
خريم هي اللي توي جاي منها وربيعها خفيف

[الدوسري2010]

الخير واجد والربيع طيب الفياض مربعه التنهات وخريم واذا بتروحون شمال بتلقون الفياض جميعها مربعه وبالتوفيق

[عادل بن عميرة]

السلام عليكم

ابشركم الصماان ربيعه طيب بالحيل ويستاهل العنوووه ...اقصد الصمان الشرقي الي ورا شوويه... الي حاب يتاكد يدخل هالرابط

http://www.mekshat.com/vb/showthread.php?705721-%D1%C8%ED%DA-%C7%E1%D5%E3%C7%E4-%C7%E1%D4%D1%DE%ED-%C8%ED%E4-%D4%E6%ED%E5-%E6%E3%DA%DE%E1%C7-1437-3-15

[عادل بن عميرة]

وهذا هو ربيع روضة المسعودي

http://i.imgur.com/ulXMrps.jpg

http://i.imgur.com/MhZluHk.jpg

وهذا الاحداثي حقها

http://i.imgur.com/WidL3jc.jpg

وهذا ربيع روضة ام قطا

http://i.imgur.com/TtJo6By.jpg

http://i.imgur.com/uhIuYNY.jpg

وهذا الاحداثي حقها

http://i.imgur.com/4WEuzqX.jpg

وهذا بعض من اعلوم الربيع في نجد وترا المسعودي وام قطا قريبه من روضة خريم

وسلامتكم

[maftoon]

قبل شهر كنت في جو ساقان ربيع وخير ومليان بأهل الإبل أمسيت اول ليله فيه وثاني ليله أمسيت في حسناء السبق مربعه ما شاء الله وفيها ميزه الكشاته نوادر وحولها ب ظ£ كيلو ثلاث فياض اسمها فيضه السدر مربعه بس حسنا افضل منهم

[عادل بن عميرة]

قبل شهر كنت في جو ساقان ربيع وخير ومليان بأهل الإبل أمسيت اول ليله فيه وثاني ليله أمسيت في حسناء السبق مربعه ما شاء الله وفيها ميزه الكشاته نوادر وحولها ب ظ£ كيلو ثلاث فياض اسمها فيضه السدر مربعه بس حسنا افضل منهم


اخوووي انا جيت حسنا السبق والي حولها فيضة نورة ودليل قبل شهر ......ربيعها مايشجع وخفيف مررره ونورة ودليل مابها شي ممحله.

يوم جيتها انت امس كيف ربيعها باالله

وش كثر العشب ...هل تستاهل العنوه

[Al3rands]

السنه هذي الصمان ربيعها طيب

[صمان1]

للعلم والإحاطة انا مريت فياض الصمان الشمالي يوم الجمعة 15يناير2016 والفياض اللي مريتها هي ((ابن زريبان وام مسجد ورديفة الحاج والخمه وما حولها لا يوجد بها ربيع مقحطة تماما لا يوجد إلا الباذر وصغير على التلال
واللي يبي الربيع ويستانس ويكون عنده لا يقل عن 3 ايام يلقاه من الصداوي والحماطيات والدبدبة وحتى رفحاء كل هذه المساحة ربيع ممتاز واراضي ونيسه ...... والي يبي فقع طيب وربيع لا يروح لتلك الأماكن إلا في فبراير والله الموفق
اللهم اغثنا يارحمن يارحيم