الى اهل المكشات والربيع .. الرجاء الدخول

[ابو ضحوي]

السلام عليكم
اسعد الله مسـاء الجميع

ي اخوان والدي الله يطول ب عمره ، طلبني اليوم اوديه لـ حفر الباطن يشوف الربيع والفقع
وانتوا عارفين ان الناس ماشاء الله هبت ب الفقع ولاظنتي بقى منه شي ههههههه

وان شاء الله بكره ماشين عقب العصر يم حفر الباطن من الرياض - ولكن ابي فزعتكم
وين اودي الشايب لـ المكان اللي اخليه ينبسط ويستانس بالربيع فيه وفيه فرصه يكون به فقع لو حبه او حبتين عشـان خاطره
مثل ماانتوا عارفين هو كبير ب السن ، وماودي اتعبه ب كثرة اللفلفه .. ابي اطلع من الرياض لـ المكان اللي توصفون لي مباشره ..

والله يسعدكم وييسر اموركم .
واعذروني لو طولت عليكم ..
انتظر ردود النشـامااً

[ابو ضحوي]

افا
اكثر من 200 مشـاهده !
ولا احد رد

[شمالي و الهوا غربي]

الله يخليك لوادك ويرزقك من واسع فضله
لايهمك مهايط البعض ،والصور والمقاطع الخداعة ان فيه فقع بالبر المفتوح.

لم اتذكر مكان يسوئ توصيفه والعنوة ،

الا بعض الشبوك او المحميات ممكن ان تحصل بقايا شي

اما الربيع فياض الرياض اقرب واسهل لك.


موفق

[أبو شيري]

أذا بتضرب مشوار على شان تلقط فقع هذا شبه مستحيل وخصوصاً معك رجل كبير بالسن

اذا تمشيه بمناطق الربيع ومنها تمر سوق الزبيدي بالحفر هذا شي ثاني


لكن وجهة نظري أحد فياض الرياض القريبه ومنها تركز على بعض المحطات مثل العتش وغيرها
اللي ممكن تجد أحد باسط بكم كرتون فقع تأخذ منه حق الغداء كان أفضل

يكون عصفورين بحجر تمشيه وتذوق فقع


لأن الفقع اللي يلقط حالياً في ميادين الرمايه وفي الحدود وكلها ممنوعه وممكن تسلم وممكن ما تسلم

[ابو ضحوي]

بيض الله وجيهكم

ابي اطلع لـ شبك سلطان اللي يقولوا ب حفر الباطن
كم المسـافه من الريـاض له ..
وابي وصف دقيق له لاهنتوا ي النشـامااً

[أبو شيري]

بيض الله وجيهكم

ابي اطلع لـ شبك سلطان اللي يقولوا ب حفر الباطن
كم المسـافه من الريـاض له ..
وابي وصف دقيق له لاهنتوا ي النشـامااً



ما فيه شي أسمه شبك سلطان

هذي ميادين الرمايه الرئيسيه بالشماليه وهي منطقه عسكريه محظوره

مجرد ناس فوضويه دخلوا

الوصف هو شمال ساموده أو أذا مع حط الحفر رفحاء يكون جنوب هجرة الوجعان أو أم رضمه

[الدوسري2010]

فيه ربيع لكن ماهوب مرتفع عن الارض واجد من تطلع من الحفر الى الهباس الارض فيها خضار طيب لكن ماهوب مرتفع عن الارض اما شبك سلطان وصفه مثل ماقال ابو شيري والدخول له رجلي السياره ممكن يبلشونك عليها اذا بتدخل بالسياره وربيعه طيب بالحيل كبير السن خروجه من المدينه وزعاجها يسوا له الشي الكثير الفقع مر سوق الحفر وخذلك فلين قيمته ظ£ظ¥ظ× احسن لك وشكراً

[حنيف]

انصحك في واحد اسمه ((اماكن الفقع)) في تويتر عارض كل المحلات اللي يعرفها عن الفقع جزاه الله خير وكلن بياخذ رزقه
رح ووسع صدرك انت ووالدك الله يخليه لك ويخيلك له
وسو لنا تقرير اذا جيت ان شاء الله
وتوكيل على الواحد الاحد