قرص جمر000نظيف00وشكل ثاني

[almojaly]

الأخوان 00 تحية طيبة وبعد/
الكل يعرف00 أو يسمع بطريقة قرص الجمر00 القديمة والتي يتم وضع القرص في الملة00
ولكن هناك طريقة أسهل00 وأنظف من الطريقة الأولى00 ( أعرف أن الكثير يعرفها00 ولكن زيادة في الفائدة)00 وهي/

*- شب لك ضو وخلها إلين تجمر0000
*- أعجن عجينتك00 ( يفضل دقيق البر00 والكمية على حسب الأشخاص ( ممكن ثلاثة كيسان00 لخمسة أشخاص )
إضافات حديثة إذا بغيت شغل كأنه كليجا القصيم بس قرص جمر ( أحتفظ بحق الإختراع00) ولو أنها حديثة لكن تطلعه على كيفك وهي عدد بيضتان + ملعقة كبيرة باكنق بودر + علبتين حليب السعودية صغير + ملعقة صغيرة مطحون ناعم هيل + بيالة زيت زيتون أو زيت نباتي ( ممكن إضافة فنجالين سكر) + كأس ونصف ماء* أخلط يا طويل العمر جميع ماسبق خلط جيد وطالع العجينة لاتكون لينة مرة ولا قاسية إذا شفتها قاسية مرة زدها شوي ماء ( ملاحظة خل تحريكك إتجاه واحد يعني لا تحرك في إتجاهين علشان العجينة ما يدخلها هواء وبعدين ياطويل العمر ما تستوي عدل00 على قولتهم وتتشقق)
*- بعدين الخطوة المهمة شف لك قدر ويكون ناشف وأقلبه على الجمر إلين يحتمي شوي ( يعني إلذع وسطه بالنار) وبعدين خذ عجينك وحطها بوسط القدر وشوي تبي تواسا بوسط القدر ( أنت طبعاً مواسين جمرك ) أقلب القدر على الجمر يعني غط الجمر بالقدر والعجينة تبي تنشب بالقدر لاتخاف عليها ويا طويل العمر سكر جوانب القدر بالملة ولا يجي تنسيم للجمر المغطى بالقدر علشان ما يولع ثانية ويحرق قرصك 00 إنتظر حوالي النصف ساعة أو أقل حسب جمرك وملتك00
إرفع القدر عن الجمر وبطرف السكين خلص القرص من حوايف القدر ويجيك قرصك 00 إفركه وفتتة ( إذا أنت با الإستراحة عليك بالخلاط أخلطه وفتته) وبعد ما تفتته إذا بغيت تضيف عليه سمن وعسل فهو الدواء00وإلا أضف عليه عسل 00 بس أو سمن أو سكر 0000 وبالهنا والعافية000
أرجو من الجميع المعذرة إذا كان هناك أي قصور
دائماً وأبداً 000 المحاولة الثانية أحسن من الأولى والرابعة أحسن من الثالثة000 يعني جرب وحاول إلين تنجح0000

[أيمن]

الله يعطيك العافية ..
قضية وضع العجين في القدر ثم وضعه على النار!! .. الحقيقة ما اتضحت لي !!

ياليت تتكرم بالإسهاب عنها نوعًا ما، وشاكر مقدمًا ..

[almojaly]

الأخ أيمن000 لو تلاحظ إني قلت سخن القدر وهو فاضي يعني خله يحتمي شوي00 علشان يمسك العجينة أول ما تحطها بوسطه0000ولا تطيح إذا قلبت القدر على الجمر00
*- قدر فاضي000 والعجينة في إناء ثاني00 جب العجينة وحطها بوسط القدر اللي أنت محمية شوي تبي تمسك العجينة بأسف القدر 000 خذ القدر والعجينة بوسطة 00 وأقلبه على الجمر وأحكم جوانبه بالملة علشان الجمر اللي الآن أنت مغطيه بالقدر ما يولع ثانية00 أرجو أن تكون الأمور إتضحت الآن000يعني أصبحت العجينة متعلقة بأعلى القدر والقدر مقلوب على الجمر وصالي الجمر ورائحة الجمر بقرصك000وإذا كانت عجينتك لينة شوي خذ لك شوي مله وشوي جمر وحطها فوق أعلى القدر وأنت قالبه شوي00 ( عموماً الزمن00 يخضع لسمك القرص00 ولكمية الجمر000 ويمكن إنك بعد ما تطلعه وتأخذ لك نتفه منه وتتأكد من إنه إستوى وإلا رجعه مرة ثانية)
*- هذه الطريقة تصلح إيضاً000بفرن المزاحمية00 00 أو فرن البيت000 لكن لاتقلب القدر ولا شي00
وممكن تستخدم الأواني الحديثة مثل الصياني إلي على شكل مقلى ( التيفال)000وشكراً
أرجو أن يكون الإيضاح تام000حفظك الله

[almojaly]

كما أن هناك طريقة أخرى0000
وهي أن البعض يستخدم القصدير ويضع العجينة بوسط القصدير ويحط بين العجينة والقصدير دقيق ناشف علشان ما يمسك القرص00 بعدين فتح الملة ( الجمر والرمل) ويحط القصدير الل بوسطة العجينة بوسط المله ويغطيه بالمله والجمر بعد ما يخليه على شكل قرص على شأن يستوي ( يعني ما يخليه على شكل كورة00) بعدما يستوي يطلعه وبلهنى والعافية
كما أن البعض يضيف عندما يفركه000 يضيف له قطع بصل صغار ( يعني ممكن إضافة عدة أشياء مثل ما ذكرنا سابقاً 00 عسل00سكر سمن000أو بدون على حسب الرغبة000)

[أيمن]

الله يرضى عليك ويرفع قدرك عند مولاك ..
عز الله إنك كفيت ووفيت، وطريقة القدر حلوة مرة أول مرة أسمع عنها .. :)

تحيتي

[عبدالعزيز الدباسي]

تسلم اخوي almojaly على هالوصفة اللي كلها ملح

والحقيقة انها طريقة جديدة وتفيد انك تستلم قرصك نظيف وبدون رماد ولا تربات .

وعندي سؤال طال عمرك ، اذا حميت القدر و وضعت عليه العجينة اكيد راح تمسك العجينة بالقدر ، لكن اذا صاغيت القدر وخليت وجهه لم الجمر هل تستمر بالالتصاق ام سوف (((تتمعط)) ((تنسلح)) = تطيح

والامر الثاني اذا ما طاحت كيف يكون حال اسفل العجينة هل تنقشع معي كلها ، ام يبقى بعضها ملتصق .

ومرة ثانية مشكور على هالمشاركة .

[خالد الدلوع9999]

والله طريقة حلوة وجربتها

[almojaly]

الأخوان الشقردي000 وخالد راعي خورفكان
تحية طيبة وبعد/ شكراً على متابعتكــم للموضوع/
بالنسبة للعجينة00 إذا كانت لينة وخفتا عليها على كلامك (تمعط) يعني تطيح على الجمر 00 سخنها شوي وهي في القدر يعني خلها تنشف شوي من صالي النار ثم أقلبها00بالنسبة لأسفل القدر تبي لك ملعقة وبكل سهولة ينضف وعلى حسب لذعة النار اللي جايتن القرص أول ما حطيت العجينة يبي يمسك قرصك00وشكراً0

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8667) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[البازار]

السلام عليكم

ياخوي ترى حنا في جدة لا بران ولاهم يحزنون وكل شوي طالع لنا بطبخة كل وحدة احلى من الثانية

أخاف اهج للديرة بسرعة

ما اقول إلا الله يسلمك ويعطيك العافية

لكن تكفون نبي صور مع الشرح

هل تنفع الطريقة في المكرويف

وشكرا

[almojaly]

البازار000
تسلم يالغالي00
وآسف على تأخير الرد لظروف خاصة000
شكراً على مداعباتك يالغالي000وروحك المرحة000سلمت وغنمت
____________
المشرف الغالي أمن شكراً على التثبيت 00

[ابن هالأرض]

السلام عليكم ورحمة الله وبركاته

اولا اشكركم على هالموضوع

وثانيا اود ان ادلو بدلوي فيه حيث انه يخص افضل شيء اسويه في البر

من ناحية استعمال القصدير فهو طريقة دأبنا على استعمالها ولكني وجدت فيها مشكلة تمزق القصدير او نشوبه في القرص واجلس قشع في هالقصدير لين يبرد وتروح لذة الاستمتاع بالقرص

ولكن جربت استخدام الصينية الالومينيوم (( اللي يحطون مطاعم المثلوثه الطلبات فيها)) حيث احضر العجين وافرده فيها واطوي الجوانب على العجين وبعد ذلك يتبقى مساحة صغيرة لم تتغطى اجيب القصدير و ألفه على الصينية كأني ألف دروسي ايام الثانوي في السجادة وبعد ان يستوي ما عليك الا ان تفل الدروس اقصد الصينية من القصدير وتفك الصينية من حول القرص ولا تستغرق هذه العملية ولا ثواني وبالهنا والعافية

[البدائع]

مشكور أخي

[مرحبا]

السلام عليكم ورحمة الله وبركاته

لدي بعض الحلول لمن يخاف ان العجين يطيح على الجمر او قل بعض التعديلات اذا سمح اخونا صاحب النموضوع.

1 ـ خذ صاج مدور وضعه على الجمراو النار حتى يحتمي .
2 ـ ضع عليه العجين .
3 ـ ضع فوق العجين صحن على مقاس ارتفاع العجين . على شكل صحون المثلوثة .

ثم ضع على الصحن جمر ورماد واتركه ما يقارب الساعه حسب قوة النار وكثر العجين .
هذه الطريقة موجوده في جنوب المملكه وتسمى (( الخبزة )) .

عليكم بالسمن والعسل مع البر فهو مسامير الركب .

[majed]

السلام عليكم
طريقه جيده وجديده

لكن ماعنا وعنا قريصنا العادي .

[دنهوش نت]

الاخ almojaly

مشكور على هذا الطرح المتميز والذي يناسب اذواقنا برك الله فيك



اخوك دنهوش نت

[((( الحر)))]

اخوي almojaly ...!!!
الف تحيه وتقدير على الطريقه الجديده والله يعطك العافيه لاني اطلعت على مشاركتك الاسبوع الماضي وطبقتها يوم الخميس الماضي والصراحه والله انها افضل مما تصورة ... والتجربه خير برهان...!!!
موضوع مميز وقيم وجزاك الله خير على المعلومه المفيده...!!!

موضوع يستاهل ومن المواضيع المميزه...!!!

تحياتي...................اخوك.................((( الحر)))

[عريدان]

السلام عليكم ورحمة الله وبركاته
والله من الزين بها القرص . بس من هالايام وطالع ما يصلح إلا بعسل فقط قم تشرب مهه لبينة بويرده.

[سنـــــــــام]

لاهـــنت يــ almojaly ومامن قصور والله أنها طريقة مبتكرة منك :)
وأنشاءالله فى طور التنفيذ عنــدى وأبشوف وش يصير معاى وأعلمك ... تحيــاتى وسلامى للكل .

[وجيه 11]

طريقة القدر جديدة الله يعافيك يا almojaly صراحة شهويتنا

وبالنسبة لبقية الأخوان الي أدلوا بدلائهم في الموضوع : انا أشوف ان المسألة بر وعدة واغراض واجدة ولو تاخذ

معك زود أغراض ما لقيت لك مكان في السيارة ولا لباقي الربع ، لكن قدر الطبخ إذا كان فاضي وما عنده شغل ما

فيه مشكلة انك تستفيد منه بدل ما هو قاعد يسولف مع الصحون والملاعق :D

طريقة مختصرة وواضحة أخوي almojaly

[تأبط سهما]

الله يعطيك العافية راح اقولك وش اللي حصل

انا يمال الغنيمة

صليت المغرب
وازهم على المرة قلت انزلي بنروح مشيوير

والله ما كذبت خبر وتحول


واطلع البر وافرش وانزل الزهاب واشب الضو

واسوي القهوة والشاهي والحليبة على الضو

واعجن العجين

واحمي القدر

واحط العجين بالقدر واقلبةوكتمت نفسه

المهم المرة تقول وش ذا واقول لها بتشوفين الاختراعات كيف (ما تدري عن اللطش من المنتدى) ;)

المهم وتقول لي ترا اشم ريحة حراق

واقعد اضحك ههههههههههه منتي بصاحية الظاهر مزكمة

انتظري بس نص ساعة وتاكلين اصابعك

المهم عقب نص ساعة رفعت القدر واكززه بالكشاف



7
7
7
7
7
7
7
7
7
7
7
7
7
7
7
7
7
7
7
7
7
7المهم ما لقيت فيه ولا خبز ولاعجين؟!؟!؟!؟!؟؟!؟!؟!؟!؟!؟؟!

واكز الجمر بالكشاف لقيت العجين على الجمر ومحترق :what: :what:

طبعا اكيد الخطا مني

ليش؟

لان الشباب جربو وضبطت معهم

اكيد انا اللي خربتها

لكن الليلة اسويها مرة ثانية واعلمكم بكره ان شاء الله

مع العلم اني يالله لحقت بوفيه البارح اخذ منها شاورما بدل قرص الجمر

تحياتي للجميع

[ابو خالد 2006]

بارك الله فيك اخوي الفاضل

[نجم حفرالباطن]

والله اني احب القرصان وخاصه القصمان يضبطونها

[كويشيت]

مشكوووور والله يعطيك العافيه

[سحابه صيف]

الله يعطيك العافيه على المجهود
بصراحه صدق اخوي البازار ان اهل جده مايعرفون العلومه هذه الحلوه والله انى ادخل لكشتات اتحصر احيان اقول بلاش ادخل
لكن نفسي ماتقوا الا تشوف العلوم الزينه صراحه اهنيكم بهذه الوناسه الله لايضركم

تحياتى

[عريدان]

والله شغلة قرص الجمر هذي (نوع من الفن العله) يعني اللي يضبطه قليلين مره مره والدليل إني كنت بطلعه خفافيه مع شباب وإلى ذيك الليله برد الله يكافي وبنفد يم جهات جلعوده وإلى الشباب ما معهم إلا قهوة وشاهي وتمر لا قدور ولا عيشة وإلى صاحبنا راعي القهوه جادع له كيسة بر بطرف الشنطه مع التمر وإلى حنا جوعا ونبي شي نهلمه مع هالتمر والقهوه والشاهي ومير يقوم ذيبان وخمس دقايق إلا والعجينه جاهزه وإقرصها وطقها في ذيك الملة اللي تنببر الله يجيرنا وياكم من العذاب وإرجع وإدفنها بتالي الملة اللي هو أبعدها من أول. ويوم خذنا 20 دقيقه إلا وهو يبحك عن الجمر ويطبل بالملقاط وإلينه يدبدب ثم وخر عنه الجمر ورفع القرص بالملقاط وحطه على قطعة شراع ومحطه بغصين الأرطاة ويقلب به وهو عجل ثم شلخه بيننا كلت من مع التمر والقهوه وكلت منه مع الشاهي والله إن له طعم وريحه ومقمر تقمير كأنه سحر . لا قدور ولا قصدير ولا فرامات لا بهارات لا نكهات، لكن الله الوهاب وبس؟؟؟!!!سبحانه.;)

[مشار حايل]

اخوي المجلي ،، عندي طلعة للصمان الأربعاء بإذن الله ووعدت خوياي أصلح لهم طريقتك

أحد الشباب عنده دقيق بر بدون كيماوي - بعل - وعنده سمن بري ونبي نسوي طريقتك عسى ما أتفشل معهم

مدري ليش عندي احساس ان العجينة تبي تلبط على الجمر :(

[واحد اثنين]

شكرا عالموضوع

بس خبز الجمر حلاته على اصوله .. من غير اضافات ,,, ولا طلع كيكه ههههههههههههههه حليب وبيض وبيكغ بودر

[السنونو]

الله مير يسلمك ويعافيك
مشكووووووووووور وماقصرت

[فزاع الصمان]

مشكور

http://www.mekshat.com/pix/upload/images29/mk19671_362.jpg