المساعد الشخصي الرقمي

مشاهدة النسخة كاملة : طلب مشوره من اهل الخبره


fars77
21/02/2016, 09:37 PM
السلام عليكم ورحمة الله وبركاته
وبعد:سيارتي جيب لاند كروزرGX1999ولاحظت تهريب في الدودة والقطعة جديده غاليه شوي والإصلاح اسمع انه مايضبط واريد مرئياتكم وهل ممكن طلبها من خارج المملكه وسلامتكم
hassan-55
21/02/2016, 10:46 PM
الله يعينك عليهم حقين الهيدروليك غاليين و لا في ذمه وضمير
سبق رحت كثير عندهم للأسف الغش والخداع بدمهم كان عندي تهريب وصوت بالدركسون قال لي العلبه وغيرها بمبلغ وقدره
رجعت ثاني يوم قالي اشيك على الدوده افكها وانظفها وجلس الموتر يوم ثاني
رجعت قال جرب رجعت له ثاني يوم مازال التهريب والصوت!!!
اخر شي طلع من اللي يهرب زيت والعلبه والدوده سليمه !!
قلت له انت اخذت علي مبلغ وقدره حق العلبه والدوده قال لي (لا) العلبه والدوده لقينا فيها خلل وتهريب وعالجناه !!
اقسم بالله كذب وخداع حسبي الله عليهم ما يخافون الله
تأكد اخوي قبل تروح لهم ولا ودي اذكر أسمائهم عشان اسوي لهم دعايه على الفاضي ومعروفين بالسرقه
تأكد من الليات غسل الليات والدوده والعلبه بمسدس غسيل السيارات واتركه ينشف وتابع التهريب والخلل
واذا انت بالرياض اعطيك جهازي حق الغسيل تستخدمه وترجعه مجرد خدمه لوجه الله ما ابي منك شي
او مر مغاسل السيارات وغسلها
بس للاحتياط افصل البطاريه شيلها برا واتركها بدون بطاريه يوم كامل احتياط لا قدر الله يلتمس شيء
وغلف الدينمو بكيس عشان ما يدخله ماء
اسف على الاطاله وبالتوفيق ان شاء الله تعالى..
fars77
21/02/2016, 11:10 PM
اشكرك ابو محمد على سرعة الرد والإفاده وعلى عرض الجهاز وهذا من كرمك وطيب معدنك بارك الله فيك واحسن إليك
hassan-55
22/02/2016, 02:19 AM
اشكرك ابو محمد على سرعة الرد والإفاده وعلى عرض الجهاز وهذا من كرمك وطيب معدنك بارك الله فيك واحسن إليك

بارك الله فيك ، احنا اخوان واتشرف وافرح كثير لخدمتك وخدمة غيرك اذا احتجت الجهاز ارسل لي رقمك واجيبه لحد بيتك بس عساك قريب مني :)
fars77
22/02/2016, 04:17 AM
تسلم الله يبارك فيك
انا لست من الرياض
اكرر شكري وتقديري