ابي فزعتكم يارجال بمكان للكشته

[ابوحصه القصيم]

السلام عليكم ورحمة الله وبركاتة
الله يجزاكم خير يارجال تكفوون فزعتكم انا بالرياض وماعرف الا روضة خريم وضرما فقط
وابي اكشت واجلس لي يومين وابي شي حول الرياض ب150كيلو مع الوصف
تكفووون ابي مكان لا صليت دعيت لمن ذكرلي المكان تكفون ومن شارك بالموضوع

اذكر ابي مع الوصف كامل ومابي غراز وترانا انا واخوي بس

[نوماس/ابوخالد]

السلام عليكم ورحمة الله وبركاتة
الله يجزاكم خير يارجال تكفوون فزعتكم انا بالرياض وماعرف الا روضة خريم وضرما فقط
وابي اكشت واجلس لي يومين وابي شي حول الرياض ب150كيلو مع الوصف
تكفووون ابي مكان لا صليت دعيت لمن ذكرلي المكان تكفون ومن شارك بالموضوع

اذكر ابي مع الوصف كامل ومابي غراز وترانا انا واخوي بس
1- روضة المسعودي .. طريق الدمام ... 100كم كوبري سعد .. دوران كنك راجع للرياض ومن ثم تمسك طريق يتفرع من نفس الكوبري بتجاه الشمال .. تمشي بتجاه المصفاة الوسيع والروضة بالجهة الشمالية الغربية من المصفاة .
2- شعيب خشم العان (( الحرس الوطني )) تمسك شارع استنبول بتجاه الجنوب ..يوقف حرف T اتجاه يسار المستودعات على يسارك وورشة القطار على يمينك بتجاه الشرق ثم حرف T خذ اليمين امشي مع الطريق حتى تصادف كوبري الدائري الجديد ادخل من السفل الكوبري وامسك الطريق سيد واح (( خطير جدآ )) لين يطلع فيك جبل خشم العان خليك مستمر مع الطريق حتى يوقف الطريق ثم ادخل الطريق ترابي ويكون الشعيب امامك ..
3- روضة الخفس طريق الثمامة بتجاه الشمال تمشي تقريبا 100 كم تجيك على يدك اليمين ..

[ابوخالد2004]

السلام عليكم ورحمة الله وبركاتة
الله يجزاكم خير يارجال تكفوون فزعتكم انا بالرياض وماعرف الا روضة خريم وضرما فقط
وابي اكشت واجلس لي يومين وابي شي حول الرياض ب150كيلو مع الوصف
تكفووون ابي مكان لا صليت دعيت لمن ذكرلي المكان تكفون ومن شارك بالموضوع

اذكر ابي مع الوصف كامل ومابي غراز وترانا انا واخوي بس


جنوب الرياض على طريق الخرج استمر مع الطريق حتى ياتيك مفرق وادي الدواسر افرق معه فيه عقم على يمينك دور فتحه ودخل داخل العقم تحصل ربيع بحياتك ماشفت مثله

[جني صغير]

عندك روضة نوره
تمسك خط القصيم جديد وتتعدا تفتيش صلبوخ وتتعدا كبري الحسي ثمن يجيك مفرق جمال او كبري جمال تتعدا يجيك كبري ترقاء معه واطلع يسار وتمشي 25 كيلو وتجيك الروضة على يمينك

روضة ام الشقوق
تمسك خط القصيم القديم متجه شمال وتدخل بوسط حريملاء وتتعداها وتمشي اللين يجيك دوار محافظة الرغبه اطلع مع الدوار يسار وامش كم كيلو وتجيك على اليمين

[الطير الازرق]

حياك الله يالغالي والجميع
والله انا رحت لروضة الخفيسة هذا الاسبوع وهي جميلة جدا وفي منطقة سدير بالقرب من قرية الشحمة (شمال غرب عن المدينة )
وربيعها طيب بالحيل
وصفها بعد الشحمة 8 كم او اقل وانت متجة للشمال للقاعية تلف يسار وتمشي حوالى 10 كم وتلقاها تحت الجبل ... وكذلك فيه دحل شمال عنها بالقرب من روضة النظيم ( كلها شجر ) بعد ما تطلع منها تلقاه فوق الجبل من شرق مقابل مكان مراح للغنم والبعارين ووخيمة للراعي ولك بعض الصور ان حبيت
الدحل هذا يطلع هواء بارد جدا وفي المساء العكس على حسب رواية احد الزملاء لكن اللى شاهدته انه يطلع منه هواء بارد

صورة من ربيع روضة الخفيسة
http://up.albrari.com/uploads/14567358952.jpg (http://up.albrari.com/)

صورة الدحل الموجود على اعلى الجبل
http://up.albrari.com/uploads/14567358951.jpg (http://up.albrari.com/)
لك التحية والتوفيق للجميع ...
ابو حمد،،