دهنا , صمان, دهنا , صمان , دهنا , صمان

[راعي ساموده]

السلام عليكم ورحمة الله ..

سؤال ؟؟:confused:



الحين ماعندنا الا الدهنا والصمان نكشت له ؟؟ مع انها اجمل مايرى الانسان عندنا :cool: بس ودك الواحد يغير,,,,,,,,,,,,,,, يعني الاراضي اللي ورا الخرج ,الافلاج ,الحوطه زينه ولا لا ؟؟واذا كانت زينه وين الاماكن اللي يمدحونها هناك ووصفها :redcar::)

[دغيم]

السلام عليكم
هلا فيك اخوي ... وكل عام وانت بخير ..
كلامك صحيح ... بس الوقت مايسمح انك تترك الربيع وتروح لأماكن مافيها شيء .
بالنسبة للحوطة ومابعدها .. فلا يوجد بها سوى شعبان وشجر وحطب . ورجال كرام .( شرواك ) .وذلك لعدم هطول أمطار خلال الفترة الماضية .
اما بالنسبة لمنطقة الخرج : فقد كتب احد الأخوة عن منطقة الحنية . عند مفرق الرفيعة وارفق صور رائعة وجميلة للربيع هناك .( هنا في المنتدى )
ايضا المناطق كثيرة غير الصمان والدهنا ... وهي مناطق سدير .. وغرب المستوي .. وروضة الشعلانية بجوار هجرة رغوة .. بالقرب من لينة .
ومناطق وسط نجد .. ام القطا ... المسعودي ... خريم ... التنهات ... الخفس ... نوره .. محارق ..
ومناطق القصيم ...
والمنطقة الشرقية .. الحفر .. النعيرية ..
وغيرها
تقبل تحياتي ....... دغيم

[ابو خطاب]

المناطق البكر ..الي يمر عليك اليومين ماتشوف الكشاته.. حتى الحلال والرعيان مامن كثر... ويعلم الله اننا طوينا الارض طوي.. ماشفنا تكرمون زبايل الكشاته وبقاياهم ...مغير قوطي واحد مصدي الظاهر له فوق 6 شهور.. ماحولك احد هناك ..وبين شجرة السمره والسمرة جذوع سمر يابس (ولا تقرب من الحطب الا اليابس).. وترمي ..وتنيشن مايمك احد ..ووقت النزل والطيور تعين خير هناك.. ان بغيت شعبان وجبال وعروق نفد .. والموسوم مربع ..والله يجيب التبع.

المكان جنوب غرب طريق الرياض مكه السريع والوصف ما عقب القارمن وصف.

لكن نصيحتي.. اقطع جرك ولا يبقى لك اثر هناك .. الا خير.. واقصد اترك المكان افضل مما كان .

[ولـد الدوادمي]

طيب عندك علوم عن ساموده وين اجيها معه وانا جاي من الدمام

[بركان]

كلامك صحيح
يجب التخفيف على الصمان
وين رايح .... رايح للصمان
من وين جاي..... جاي من الصمان

شاهد هذه الصور للربيع شمال الخرج. انها افضل من ربيع الصمان الحالي في نظري. ربيع طيب يسر العين.

http://www.mekshat.com/vb/showthread.php?t=70904

[الملهي]

الوعد تبوك ياراعي سامودة تنسيك امك وابوك ولا لا وشلون كشتت ام حزم تولم يوم الاثنين ........

[فنجال]

هلا اخواني
صراحه الموضوع اجبرني ان اقول اللي في خاطري رغم ان البعض بيزعل علي بس هذا طبيعي لاختلاف رغبات الناس
اللي وده اقوله بالنسبه للصمان جميل وفياضه روعه بس صراحه انا متعجب من بعض الناس يطق ممكن اربع مية كيلوا او اكثر ونصه صحراء علشان فيضه ماتجي 100 م ء 100متر...لا وبعضهم تلقاه وسط السدر وحاط الرواق عليه طول ماهو جالس ... ايضا بعض الفياض مغلقه نازله بالحيل والجال صاك عليها...
زينت البر لاصرت تطلق نضرك في جو خضر... وتطلق قدمك في ارض قفار... وتزل بارض دعاك مابين رمث ومسيل وصميادات تشوف فيها الشغايا .....
نصيحتي السنه هذي كل الديار مربعه ومثل مايقول المثل الراحه نص القوت
...
تحياتي اخوكم ابو سالم

[فنجال]

الصمان والا .....
http://www.mekshat.com/pix/upload/images26/mk7506_ssss.jpg

[راعي ساموده]

اخوي بربك دغيم ..

تكفى ابيك تصير صديقي
ماشاء الله معلومات توسع الصدر

[عريدان]

والله ضعنا بينكم إصملوا على جهه ما فينا ثنتين. الوقت ما يسمح. أها إخلصو علينا. نبي الزبده شمال وإلا جنوب.

[Abo Nader]

السلام عليكم...

و الله كنت أقول مثلك...

فقلت وراه مانروح لشي ما هو مشهور....

طلعنا أخر يوم بذي القعدة ناوين التنهات و الترابيع و الي حولها قلنا بدال ما نطلع على طول لتنهاة من مفرق الطوقي نروح من حول تمير ملينا من التنهاة نمر قبلها بعض الروضات لعلنا نلقا شي,,,,

طلعنا للمجمعه ثم وجهنا لروضة النظيم سمعنا أن المنطقة ممطور تفألنا خير...

رحنا لنظيم ما لينا فيها ماء بس الربيع خفيف مرينا الخفيسات و الله حليلة به ماء لكن ولو التنهاة أطلق ثم تغدينا بمطربة..

مطربة الأرض شرحة لكن مهنا لا ماء ولا ربيع...

و جهنا لشحمة ثم لأم رجوم ثم لفيضة الحيراء حول شعيب العصل ضاقت صدورنا لا وهذا حنا مواعدين ربعن لنا من الرياض بشي زين...

قلنا مردك لتنهاة...

أخوي يمكن أنت تتسائل لأنك دايم تشوف بمكشات مواضيع عن المناطق المشهوره(أم المصران,التنهاة,الدهناء,خريم) فتقول ليش العالم عليها ما فيه شي غير هالمناطق...

مثل ما قال أخوي بربك دغيم تروح وتخلي الربيع....

ون بغيت الصور للمناطق الي ذكرتها عطني موقع لتحميل الصور و أبشر...

عسى ما أكون طولت عليكم...

[لهيب الشوق]

[QUOTE=راعي ساموده]السلام عليكم ورحمة الله ..

سؤال ؟؟http://mekshat.com/vb/images/smilies/confused.gif



الحين ماعندنا الا الدهنا والصمان نكشت له ؟؟ مع انها اجمل مايرى الانسان عندنا http://mekshat.com/vb/images/smilies/cool.gif بس ودك الواحد يغير,,,,,,,,,,,,,,, يعني الاراضي اللي ورا الخرج ,الافلاج ,الحوطه زينه ولا لا ؟؟واذا كانت زينه وين الاماكن اللي يمدحونها هناك ووصفها http://mekshat.com/vb/images/smilies/icon54.gifhttp://mekshat.com/vb/images/smilies/smile.gif
[/QUO



عزيزي راعي سامودة

السلام عليكم ورحمته وبركاته

الربيع الممتاز في الأراضي التي تقع شمال الرياض مثل الدهناء والصمان وروضة نورة وخريم والمسعودي ....الخ

فالغالب أن أهالي محافظة الخرج والحوطة يذهبون إلـــى الصمان والدهناء وروضة خريم والمسعودي ....
فتلك الأماكن تمتاز بجمال الطبيعة............

## الإجابة على سؤالك:

{قبل سنوات كان فيها ربيع أما السنة هذه فلا أدري }


ــ محافظة الخرج (الحنية / مفرق الرفايع)

ــ محافظة حوطة بني تميم ( الصوط / قبل تفتيش الحوطة ) و( القاع / بالقرب من الحلوة )


***** دمتم بود *****