محتااااااااااااااااااااااااااااااج فزعتكم

[برقان]

الرجاء من يعرف ورشه يصلحون كلتش او يفحصونه ويعلموني بالخراب الصحيح ما يبخل على لاني محتاج علما ان السياره جكس ار 2001 في الرياض فزعتكم يلنشااااااااما:(

[Y&Y_4X4]

اخوي

ممكن تقول لنا وش الي صاير معك بالضبط



الجماعه اهل العرف يبون يعرفون وشو الي حاصل معك .

[برقان]

بسم الله


المشكله اخوي اني من شهرين وانا اعاني من اني اذا شغلت السياره وضغطت على الكلتش وابغا اعشق بالاول او اي نمره ما يرضا يلقم الا باللتي واللتيه وصرت اعشق قبل ما اشغل وافضي القير ولا اشيل رجلي عن الكلتش الا بعد ما تشتغل السياره ورحت به للوكاله ولكن الرد يكون ان ما فيها شي وطبعا بلشت بعمري وقلت مالي الا اخواني اللي بالمنتديى بفزعون لي انشا الله فها انا اطلب من ذوي الخبره ارشادي الا ورشه او بالمعنىالفصيح وش السواة

وآســـــــــــــــــــــــــف على الاطاله ولكم مني الشكر والتقدير:(

[Y&Y_4X4]

شيك على التالي


1- شيك على زيت القير والدبل لازم على المستوى الصحيح واحذر الزيادة.
2- شيك على الدسق والكلتش اذا هن تمام .
3- شيك على علبة زيت الكلتش اذا هي تمام ومافية تهريب.

يبقى عندك شي واحد ان شاء الله ماتعداه وهو الاصلاح الي تحت مع جنب القير اذا ما فيه تهريب زيت, اذا يبغاله تنسيم هواء ووزن ويبدولي والله اعلم انه هو المشكلة او الذراع الي هو يضغط علشان يفصل القير .


والسلام عليكم..........

[عريدان]

يلبرقان تراك ماكل مقلب بالوكاله!!!
الله يهدينا وإياك، آمين
يعني أتوقع ورشة فيها عامل عنده خبره يالتويوتا أفضل من الوكاله " اللي حاطين صفة أجانب مايدرون وين الشاة سارحه كلهم ما تعلموا الا في سيارتك والثاني وغيرنا وعلى فكره أطيبهم ردي و يرفع ضغطك إلى سوى نفسه فاهم!!! نرجع لموضعك :

بإختصار نبي نعرف إذا السيارة أنت شاريها مستعمله وفيها هالمشكله وإلا طلعت أثنا الاستخدام معك . أو إذا السياره ماشيه أكثر من 200000 كم شوي . يعني أوصف الوضع بوضوح أكثر.

[al-nashmi]

الرسالة الأصلية كتبت بواسطة Y&Y_4X4
شيك على التالي


1- شيك على زيت القير والدبل لازم على المستوى الصحيح واحذر الزيادة.
2- شيك على الدسق والكلتش اذا هن تمام .
3- شيك على علبة زيت الكلتش اذا هي تمام ومافية تهريب.

يبقى عندك شي واحد ان شاء الله ماتعداه وهو الاصلاح الي تحت مع جنب القير اذا ما فيه تهريب زيت, اذا يبغاله تنسيم هواء ووزن ويبدولي والله اعلم انه هو المشكلة او الذراع الي هو يضغط علشان يفصل القير .


والسلام عليكم..........


اخواني الكرام انا اوافق اخونا Y&Y_4X4 بكلامه لان نفس المشكله حصلت معي في جيبgxr 97 وكان هاك الايام جديد ماشي حوالي 6000 كم

وصار سبب المشكله من علبه زيت الكلتش والوزنيه اللي تحت




وتقبلوا تحياتي/ النشمي

[برقان]

مشكورين وماقصرتوا وعساكم على القوه وبالاخص اخوي العزيز y&y 4X4والاخ النشمي بالانجليزي
واخوي عريدان


وعموما السياره عمانيه بريمي وشاريها صفر وكاله والان ماشيه 60000كم ويوم يبدا الخراب كانت 57000 والسياره استعمالي انا لوحدي ما يسوقها غيري

[Y&Y_4X4]

والله يعطيك من خيرها ويكافيك شرها ان شاء الله,
ومستعدين طال عمرك ولا يهونون الاخوان كلهم .

وتحياتي للجميع ...

[عريدان]

أخوي برقان وأخواني القراء
السلام عليكم ورحمة الله وبركاته
يبدو أن المشكلة زالت بإذن الله من خلال كلامك؟
ولكن طبعاً زي ما توقعت المحروس "خليجي كالعاده وللأسف" علشان كذا الوكاله ممكن تزيد المشكله وما تصلحها.
ومن واقع خبرتي بهالكحيانين المدعويين بــــ شيركة عبدة جميل " بلغة المصاريه والفلس طينين" اللي عندهم" ومن واقع خبرتي باالسيارات الخليجيه أنهم يمكن أنت قد طلبت منهم تشييكات قبل أو تغيير زيوت أو زيادتها قد غيرت قطع لأجزاء نقل الحركه ومن هالنصب الي حتى ما يعرفون أصوله فقامو بعمل سبب لك المشكله وأنا سبق قلتلكم عندي مشكله بدفرنس موتري الخليجي بسبب أنهم لا يعرفون أصلا شيء بداً من البياع حتى حارس الأمن ألا كان رقم الشاسيه والأسعار غير كذا تنك يعني لا هوايه ولا عبايه ولا قد ركبو الدفع الرباعي الا عندنا هنيا بذي الديره ديرة العز أعزها الله بالإسلام (لأن لو عندهم عماله فليبنيه أو لبنانيه) إن كان تلقى على الأقل لسان زين وشغل زين.
والحقيقه إذا طلع كلام النشمي و Y&Y_4X4 بعيد عن السبب فقم بالتالي :
1- فيه شي تحت عصى القير زي االركبه يربطها بالقير شف وتأكد أنه سليم ما هو مجيم أو منكسر.
2-فيه علبة باكم صغير للكلتش جنب باكم الفرامل يمكن يكون أحد لعب فيه من الوكاله التعبانه إذا أنك قد سلمت لهم رقبتك من قبل.
نبي نسمع منك عاد بأسرع وقت !!!!

[برقان]

يعلم الله كم احببتكم فيه
,,, وبعدين يا اخوان اريد منكم ان تدلوني على ورشه عيال حلال علشان يشيكون على اللي قلتوا لي وباسرع وقت اما في الرياض او الخبر

[Y&Y_4X4]

تصدقون يأخوان انهم اكبر نصابين على وجه الاطلاق انا متأكد ان المهندسين الي يعملون هال العمايل يعني بصراحه يضحكون على الناس ويستخفون بعقولهم .
تخيل واحد من الشباب طلب لاتد كروزر شنطة والسـبـيـر خلفي. قاله البياع!!!! ان مافيه الى سـبـيـر تحت الرجال فكر وقال ارجع بعد اسبوع او اثنين والاقي ان شاء الله بغى يمشي وصل الباب الى البياع !!!!! يصوت لقيت لك واحد في المستودع في جدة ادفع عربون ويجي بعد 3 او 5 ايام على فكرة موديل 2001 VXR جاء الموتر واذا بهم مركبين السبير من قطع الغيار شوف الدلاخههههههههه الى وين الكرسي ماهو راكب في محلة الصحيح مظبوط والكفر مايل .

الثاني يأخواني شوف عيني قسم بالله ماحد قالي.

GXR 2001 جميل مرهم له اكباس تخيلو يأخوان مافيه نور صغير في نفس المفتاح حق الاكباس خلفية يولع مع النور الصغير ،
السيارة كلها انوار الطبلون والمكيف وغيره داخل السيارة مثل ماتعرفون لون اخضر. الى هالمفتاح لونه برتقالي . وأزيدكم من الشعر كوخ الموتر ماشي تقريبا 30000 والاكباس ماتولع خربانه .
وغيره كثير والله.

السبب:-
لو تلاحظ ان سعر (جميييل) اغلى من الخليجي ( اكثر شوي ) والمواصفات اقل من الخليجي بكثير اعني كثير .

الاستنتاج:-
ان هذه الشركة البائسة تستخف بعقول الشعب السعودي وتحتقر ذوقه ومفهوميته وتجبره على بضاعه مغشوشة.

والكلام يطول وغنو غنو ماطولك ..............................

ودمتم.