أنا في قمة الحيرة يااخوان : GXR V8 / PATROL ؟؟.

[ابو ريان222]

آلسٌِِّلآمً عًٍليَكَمً وٍرٌٍحٍّمًهٍَ آللهٍَ وٍبٌَِرٌٍكَآتُِِّْهٍَ

اسعد الله اوقاتكم اخواني
انا في حيرة شديدة فعلا
انوي شراء سيارة جيب
وانحصر اختياري بين اللاند كروزر جي اكس ار 8 سلندر والباترول بلاتنيوم سيتي كلهم 2016

وطبعا حاليا سعرهم في السوق نفس بعض تقريبا بحدود 220 الف
قلت مالها الا اخاوني في مكشات

احس الباترول افخم وانعم واقوى بس فيه ناس تحذرني منه تقول ماهو حق مكده زي اللاند
انا بصراحة رجال عفش في السيارات يعني اكرفها كرف

وسلامتكم
واراء المجزبين تهمني.

[ذيب ذهلان]

ارشح الجكسار والافضل انك تستاجر الموترين وتجربه بنفسك

[صخب]

جكس ار يابوريان

[الحربي 591]

استخير الله
وتحصل مطلوبك ان شاء الله

موفق خير

[وطن العزة]

عليكم السلام و رحمة الله و بركاته

الله يعينك و يكتب لك اللي فيه خير

الموترين كلهم كفو و تحطهم على يمناك ، عشان كذا اقول لك خذ اللي يميل له قلبك بغض النظر عن كلام الناس

لأن البعض منا بالمقارنة يا أبيض يا أسود اذا هالموتر كفو خلاص غيره يبقى فاشل ولا يندفع فيه ريال... عن نفسي بختار البترول لميولي ولعشقي له بغض النظر عن اللاند أفضل أو أقل منه

أعيد و أكرر خذ اللي تميل و ترتاح له أكثر طبعا بعد الإستخارة و التجربه اذا كنت جديد على الموترين

[ابو ريان222]

ارائكم تحترم...

[المميـز]

اللاند اللي ب 220 الف مافيه ولا اي شي من مواصفات البلاتنيوم اللي ب 220
خرام تحط 220 بموتر مثل اللاند مافيه مواصفات
الا اذا المواصفات ماتهمك .. هنا اقولك اختر الشكل اللي يعجبك
واذا المواصفات تهمك اقولك خذ البلاتنيوم وهو موتر اثبت وجوده من عام 2010
وبالنسبه للي يقولك مايكد .. عندك موقع حراج ادخل على موديل 2010 وشف البواترول المعروضه كم ماشيه
وبعدها احكم عليه هل يكد والا لا
وعليك بالاستخاره والله يكتب لك اللي فيه الخير
ملاحظه : لاجيت تشتري اي موتر من المعارض غير الوكاله انصحك
تاخذ رقم شاصي الموتر وتروح للوكاله وتخليهم يطلعونه لك من اي بلد وارد
وهل يشمله الضمان ام لا
ماعليك من كلام المعارض ابد
لان وارد الاردن والعراق غير مضمون بالوكالات ويباع رخيص بالمعارض

[---ابو يوسف-]

اللي يميز الباترول الراحة والموصفات والوسع والعزل افضل بكثير لوانا منك اخذت باترول

[سحايب صيف]

السلام عليكم ورحمة الله وبركاته

كنت مثلك بالظبط محتار وبعدين توكلت على الله واشتريت

نصيحتي لك

ما بتقنتع اقتناع كااامل الا بامر واحد فقط

اذا انت تبي تتخذ قرار بعد اقتناع ميه بالميه

انك تستاجر السيارتين وتجربهم كل سياره اقل شي ثلاث ايام

تبقى امور عامه ثابته

وهي

ان تويوتا متوفر فروعه في كل مكان وكل شارع وتوفر ايضا القطع


النيسان توه سوى صفقه اسميها صفقه معلم
بانه اتفق مع شركه بترومين وصارت مراكز صيانه معتمده للنيسان وهذي جدا جدا ممتاز

يتبقى توفر القطع اللي في بعض الناس يعانون منها



غير انك تجرب السيارتين

ما بتخرج باقتناع كامل

والله ييسر امورك

ولا تنسى الاستخاره قبل كل شي

على فكره الشي هذا تسويه
بعد ما يفترض انك سويت دراسه نظريه لمواصفات السيارتين الميكانيكه

ويتبقى التجربه لتنهي امورك

[ابن حلاسه]

اللاند حلوو وصبور ,lومشاكله لاتكاد تذكر وقطع غياره منتشر وصيانته كذلك بس بعد كثرة سوالف تعليق المثبت طاح من عيني وخصوصا مقطع الشايب في المستشفى اللي معه جكسار 2015 والمؤمن لايلدغ من جحر مرتين

https://www.youtube.com/watch?v=AEZM4FOFzYQ

[john silver]

نعـــم النيســـان الـ 8 ماينفــع حق مكــده وجربـــوه هل المقانيـــص وابتلشـــوبه وخاصـــةً هل الامـــارات فماظـــن اذا هل الامـــارات اللي هم هل النياسيـــن ذمـــوه ماظــن عقبهـــا مذمـــه وهذا مقطــع الاماراتي اللي قنــص به وابتلـــش بشاصيـــه https://www.youtube.com/watch?v=_Ai27daUPMg وانا انصحــك بفيكســار مستعمــل قطــري ولا بريمــي ارخـــص من الــ 220 بواجــد وتلاقيـــه استعمـــال بيـــت افضــلك من الجيكســـار اللي يجيــك اقـــرع من المواصفـــات لكنـــه حق مكـــده والفيكســـار مثـــله يكـــد لكــن بــه مواصفـــات حلـــوه وبالتوفيــــق

[خيال الغلبا]

غير اللاند لاتاخذ

نصيحة اخ لك

خذ لاند V8

[مكسر الشداد]

الاند البريمي جكسار منافس قوي للباترول
قيمه اظن ظ¢ظ¢ظ¤

[مكسر الشداد]

اللي فيه اضائات موف للارجل وبدون شاشات خلفيه

[مكسر الشداد]

كنت ما اناظر الا الباترول يوم شفته عند معرض عماد الدين غيرت رايي وبعدين دفرنس خلفي وشكل مافيه كلام

[مكسر الشداد]

بس تراه بالمطب اقسى شوي من الباترول

[فارس العمور]

حبه حبه
المحرك لصالح الباترول بلا شك
القير للباترول بعد
الفخامه للباترول اكييد
الموصفات يتفوق الباترول ب 4 كامرات وجنوط 20 وجلد فخم ووووالخ
التعديل والغش من نصيب اللاند
الرساوه والثبات الباترول بقوه
الراحه والعزل الباترول والتجربه تبين الفرق
العزم والامان الباترول

بالله عليكم ليش اخذ جكسار المراتب ملفقه جلد والشاشه تركيب و ماندري وش الاصلي من التجاري من كثر تلفيق كل وكيل !!!
اخذ لاند لسبب واحد هو الشعبيه الزائفه

الباترول se افضل من الجكسار فكيف بالبلاتنيم !!

برأيي اذا بتاخذ لاند فخذ gx او vxr فقط اما المعوق الملفق الـ gxr فلاااااا

رأي شخصي

[سحايب صيف]

السلام عليكم

اذا المقارنه فقط بين الجكسار والباترول

يتفوق الجكسار على الباترول في حاجه وحده فقط

السياره بعد 10 سنوات بتلاقي الاند متماسك والباترول علمه عند الله نظرا لعمره ماله ست سنوات واغلب اللي استخدموا الباترول من 2011 الى الان اقصد مالك واحد كانوا يعانون بعدم تماسك الديكور مثل الاند


اما باقي المواصفات

قوة راحه وسع نعومه
فلا يوجد مقارنه ابداا الباترول افضل بمراااااااحل