افيدوني في تركيب بطارية اضافية

[spider001]

السلام عليكم
سيارتي يوكون 2007
وقررت بعون الله تعالى اني اركب بطارية اضافية مع منظم عند رفيق الدرب ولكن عندي استفسارت اتمنى تفيدوني فيها
اولا استخداماتي لها حتكون :
شاشة صغيرة 23 بوصة + رسيفر + ماطور هواء+ محول كهرباء 220+لمبات ليد في الكبوت وبعض الملحقات البسيطة مثل لمبه او لمبتين وشحن جوالات فقط.
اولا: هل راح تصمد في تشغيل الاشياء المذكورة ولا لا؟
ثانيا: هل تنصوني بتركيبها ولا فيها مشاكل ؟
ثالثا: نصيحتكم اي نوع من البطاريات اركب وكم امبير؟
رابعا: مستلزماتي المذكوة تظل شغاله لفترة طويلة هل احتاج لتشغل السيارة للتعبيه بعد كل فترة وهل فيه شي يدل على ضعفها ولا كيف؟
والف شكر

[المميـز]

استخداماتك لها لابأس بها
وراح تصمد معك ان شاء الله
المشاكل ماتجي الا من التركيب السيء
اذا تبي شغل نظيف عندك محلات معروفه مثل البي والمنديل وفن المقناص بالرياض
والعثيم وفنون الكهرب في بريده
والمنظم خذه من رفيق الدرب
الان يركبون بطارية اوبتما الجافه 55 امبير
واذا فضت البطاريه الثانيه مايضر الاولى
مجرد ماتشغل السياره تشحن الاحتياطيه من جديد
وبالنسبه للتنبيه ممكن يسويه لك الكهربائي

[spider001]

مشكور اخوي وبارك الله فيك ع النصائح الطيبه
لكن المشكلة انا من سكان الدمام وافكر اخذ المنظم من رفيق الدرب واركب عندهم وياريت اللي قد ركب عندهم يفيدنا عن شغلهم اذا طيب ولا لا
وع حسب مرئيات بتوكل على الله واركبها ان شاء الله

[spider001]

بس كنت افكر اركب 70 امبير… عشان اضمن كل شي يكون تمام حتى ولو انه اكثر من احتياجي لها بس هل فيه ضرر ع المنظم او خلافه؟
واذا ممكن لا هنت ترشح لي بطاريات ثانية غير اوبتما لو ما لقيتها او غالية كثير وتكون جيده

[المميـز]

ميزة البطاريه الجافه انها تدوم اكثر واذا مالقيتها ركب اي بطاريه تعبئه 70 امبير وبالنسبه لرفيق الدرب ماقد تعاملت معهم لكن الفرع الرئيسي عندكم وسمعته طيبه واهم شي يعطيك ضمان على الشغل

[ابو نايوفيتش]

خذ نفس حجم بطاريتك وهذا الافضل ، عشان تتسوى قوة شحن البطاريتين لبعض
والسلك كله من 25 مل الى 50 مل عشان يكون شحن البطارية الثانية باقل وقت

والبطارية فيه هانكوك ممتازة ، وركب مقياس لقوة البطارية عشان تعرف اذا فيها شحن او لا

ومنظم رفيق الدرب صيني لكن يعطونك سنة ضمان عليه .

[أبو شيري]

لماذا لا تجرب تشغل أغراضك على البطاريه الاسياسه التي لديك بالسياره لتعرف كم تأخذ من الوقت
وبعدها تقرر تركب أو لا وكم تحتاج لتركيب الأضافيه

فأنت كل ما تحتاجها للتشغيل أطول فتره تحتاج سعه أكبر

مثال : اذا كانت بطاريه من سعه 80 أمبير تشغل أغراضك 3 ساعات فأن بطاريه 105 أمبير اشغل أغراضك 4 ساعات وهكذا
كل ما كبرت السعه زادت مدة التشغيل والعكس صحيح

عموما بطاريات أوبتيما أبتعد عنها كانت بالسابق لا بأس أما الآن الكوريه أفضل منها بكثير

عن تجربه شريتها من الكويت قبل ثلاث سنوات ولا أستفدت منها للثلاجه وركبت بطاريه كوريه ومشت الأمور
فهي غاليه ولا راح تستفيد منها يعني قيمتها تشتري فيها أربع بطاريات كوريه على مدى 12 سنه

[عشق الشاذليه]

السلام عليكم
سيارتي يوكون 2007
وقررت بعون الله تعالى اني اركب بطارية اضافية مع منظم عند رفيق الدرب ولكن عندي استفسارت اتمنى تفيدوني فيها
اولا استخداماتي لها حتكون :
شاشة صغيرة 23 بوصة + رسيفر + ماطور هواء+ محول كهرباء 220+لمبات ليد في الكبوت وبعض الملحقات البسيطة مثل لمبه او لمبتين وشحن جوالات فقط.
اولا: هل راح تصمد في تشغيل الاشياء المذكورة ولا لا؟
ثانيا: هل تنصوني بتركيبها ولا فيها مشاكل ؟
ثالثا: نصيحتكم اي نوع من البطاريات اركب وكم امبير؟
رابعا: مستلزماتي المذكوة تظل شغاله لفترة طويلة هل احتاج لتشغل السيارة للتعبيه بعد كل فترة وهل فيه شي يدل على ضعفها ولا كيف؟
والف شكر


وعليكم السلام
مساء الخير والجميع

أنا أعرف خوي لي ركب بطارية إضافية عند أبو سليمان المنديل بالرياض
صراحة شغل ويمدحه
علماً انه راعي مكشات وصيد وله مستلزمات مثل : ثلاجة وكنود ولمبات واخرى

أنت من رأيئ وأفضل انك تركب اضافي لأن لديك اشياء غيراللي ذكرت مثل شاشة وريسيفر ومحول كهرب
لان بدون بطارية اضافي يتوجب عليك كل فترة من الوقت إنك تشغل السيارة وذلك للمحافظة على البطارية وجودتها ولتبقى معك فترة أطول

تقبل مروري

[ابو نايوفيتش]

هذي تجهيزات البطارية الاضافية من الالف الى الياء


قاعدة بطارية عرض 2مل - مسامير القاعدة عرض 8مل/6مل/4مل - منظم - جرجور - كلبسات حديد - سلك بطارية مقاس 25مل/35مل/50مل - علبة فيوزات عدد 6 فتحات او اكثر - وصلات علبة فيوزات ويفضل من نفس نوع THHN50- كتاوتين - لواصق تثبيت للاسلاك - رباطات بلاستك - عوازل حرارية - اصابع بطارية - قواعد للمنظم وعلبه الفيوزات ويفضل استيل او صاج عرض 1مل .

[spider001]

مشكورين يا اخوان
ركبتها والحمدلله تمام التمام
بس حبيت اعرف اذا فيه طريقه لتحويل مدخل الولاعه في السيارة من البطارية الرئيسية الى الاضافية اذا مافيها ضرر ع السيارة لاني ابي اشبك عليها الثلاجة وابي شغلي كله يكون ع الاضافية

والف شكر

[ssas1919]

مشكورين يا اخوان
ركبتها والحمدلله تمام التمام
بس حبيت اعرف اذا فيه طريقه لتحويل مدخل الولاعه في السيارة من البطارية الرئيسية الى الاضافية اذا مافيها ضرر ع السيارة لاني ابي اشبك عليها الثلاجة وابي شغلي كله يكون ع الاضافية

والف شكر

مدري عن طريقة تحويل مدخل الولاعه ,لكن ليه ما تحط فتحه ثانية من البطارية الاضافية

[TAI CHI]

السلام عليكم ورحمة الله وبركاته
اعرف ان الموضوع قديم . بس انا اشتريت الجهاز من السنيدي قبل سنه . ولم احصل كهربائي ممتاز في الطائف علشان يركب لي هذا الجهاز . حتى جده سألت اغلبهم ما يعرفوا .. فياليت اذا احد يعرف كهربائي ممتاز في جده يركب لي هذه القطعه اكون من الشاكرين ..

طبعا قصدي الجهاز اللي يشحن البطارية الاضافيه رفيق الدرب .. الاسود

[TAI CHI]

خلاص الحمدلله لقينا واحد مصري ما شاء الله عليه فاهم شغله . في الطائف السيل الصغير ( الحويه )
ركبت بطارية كوريه 80 امبير بالطبع مع منظم وشاحن البطارية من السنيدي

الحمدلله