كت باك سييرا

[5aled.DH]

السلام عليكم ورحمة الله وبركاته

ناوي بإذن الله اركب كت باك لسيارتي سييرا 2015، لكن عندي بعض الأسئلة ماحد جاوبني عليها إلى الآن مع اني نزلت استفسار بمنتديات ثانية

ان شاء الله ألقى جواب عندكم

استفساري بسيط




http://www.carid.com/images/flowmaster/exhaust-systems/817689.jpg

1. الكت باك هذا كامل ؟ بمعنى اطلبه من امازون واركبه انتهى الامر بلا برمجة وقطع ثانية ؟
2. انا سمعت ان الي بيشتري كت باك مخرجين لازم يشتري دبه (مدخل- مخرجين) سيارتي مخرج واحد قبله في دبه الوكالة وعلشان اركب الكت باك لازم اشيل الدبه صحيح ؟

تحملونا مانزلت الموضوع الا من الغشامه بهالسوالف :D
وشكراً :D

[المميـز]

التركيب مايحتاج برمجه فقط فك وركب يمكن تحتاج برمجه للحساسات
بالنسبه للدبه لابد يكون عندك مخرجين منها او مخرج واحد ويوخذ منه مخرج ثاني
لكن لن يكون بقوة اداء الدبه اللي تجي مخرجين

[بحر الاشواق]

انا سبق وركبت كت باك على جمس سيرا 2011 على وقته من شركة بورلا
الكتباك يجي كامل مجرد انك تقص الدبه حقت البلد ويلحم لك الدبه الى جايه معه بمخرجين والباقي كله مسامير وربلات ما يبي لا برمحه ولا شي حتى الوكاله توقعت انهم يلغون على الضمان لكن ما قالو شي
وبتوفيق