::: كيف أستفيد من ( ردميّة الكهرب ) ::::::::

[فتى الدهناء]

السلام عليكم ورحمة الله وبركاته ..


ربما الكثير .. شاهد امتداد ردميّة الكهرب .. وكيف أنها امتدت من شرق الصمّان .. وناصفت الدهناء .. ولا أدري الى أين وصلت - غربا - ..


فأبي مساعدتكم يالربع ... يعني اللي يفكر يروح لفياض الصمان الشرقيّة .. أم المصران .. وماجاورها من فياض ..

ولكن لايريد الذهاب من طريق ( شويه ) .. يعني من عند عرق الكناسيّة ( طريق الصمان ) بتجيني الردميّة ..

- الى أين ستذهب بي اذا اتجهت معها ( شرقا )..؟

- كم المسافة من ( - الردمية - عرق الكناسيّة ) الى الشملول ؟

- ماهي المسافة الإجمالية الأقل والأقرب :
1- ( الرياض - رماح - شويه - فياض الصمّان الشرقيّة )
2- ( الرياض - مفرق الطوقي - دوار التنهاة - عرق الكناسيّة - الردميّة - فياض الصمّان الشرقيّة )



أتمنّى أن أجد إجابة ..

بارك الله فيكم ..

[* الـكـشّـات*]

السلام عليكم

مساك الله بالخير

يا راعي الكيوي والثوم

شف طال عمرك

تذكر

العام يوم طلعنا مع الاخوان في اخر الربيع

لأم المصران

أثناء خروجنا في آخر يوم

كان طلوعنا من هذه الردمية الى ان جاينا القار

*********

وأتوقع ان الطريق الاول اقرب من الثاني

لاختصار المسافة

والله أعلم

[فتى الدهناء]

السلام عليكم


مساك الله بالخير
يا راعي الكيوي والثوم
شف طال عمرك
تذكر
العام يوم طلعنا مع الاخوان في اخر الربيع
لأم المصران
أثناء خروجنا في آخر يوم
كان طلوعنا من هذه الردمية الى ان جاينا القار
*********
وأتوقع ان الطريق الاول اقرب من الثاني
لاختصار المسافة
والله أعلم



أقول ورا ماتذاكر بس ..



:p



يالغالي أذكرها لكن أبي المسافة مناك الى عرق الكناسية ... حتى لو بغيت أطلع لذيك الجهة ... مايحتاج أروح للرفيعة ثم أنزل مع طريق الصمّان ..

أما من الرياض .. فشكله .. على كلامك أقرب

[طارق الحربي]

http://www.moq3.com/pics/up_2007/01_2007/40f5f46d90.JPG


لو تلاحظ ان فيه ردمية موضحه بخط متقطع مدري اذا هي نفسها لاني توي اسمع عن ردمية الكهرب واعرف اللي مروا فيها راحوا غرب بس

تشوف وين توصل لرماح

[ابرق الكبريت]

هذا الموضوع فيه جواب على سؤالـــــــــــــكــــــــــــ.................... .

http://www.mekshat.com/vb/showthread.php?t=67292

[salimasq]

هذا الرابط بيفيدك إن شاء الله
http://www.mekshat.com/vb/showthread.php?t=70898
وإذا فيه أي استفسار أنا حاضر

[* الـكـشّـات*]

السلاك عليكم

بعد ما اطلعت على الموضوع الذي وضعوه الشباب

فما شاء الله تبارك الله

الردميه على كذا مفيده لكل من

اهل الجبيل اللي يبي الصمان والتنهاة والشوكي والدهناء

وكذلك اهالي الشرقية بشكل عام

وأهل القصيم والسدير اللي يبي التنهاة والدهناء والصمان والجهة تلك بشكل عام

إذا ما يحتاج قارمن بالوصف إلينك في المكان الي تبي

وشكرا:D

[الرسن]

يافتى الدهناء
تراي انا عاشق الدهناء للنخاع انت توحي والا لا
ثانيا من عند خبة العمود الين شوية ستين كيلو بس تقطعها وتراها صياهد طيبة
يمشي الموتر فيها من 80 الى 100كيلو بالساعة. وخلك حذر!! ترا فيه منعطفات وتقاطعات قوية
تصل الى حد الانقلاب انت توحي
ثاللثا يجب عليك اذا كنت في الرياض ان تمشي مع الازفلت اقرب لك واحسن لك واطيب لك وابرك لك
ليش لأن فرق المسافه هو 60كيلو اللي قلت لك عنها انت توحي
رابعا زي ماتفضل اخونا كشات المسحية زينه لاهل الشرقية وسدير وزينة لك اذا كنت في الدهنا والا في الصمان الغربي
وزي ماقلت لك تطلع من عند خبة العمود من جنوب على طول تطيح في شوية ومن شوية على ام المصران.
وعساي خدمتك يافتى الدهنا لانك راعي الاوله.
معالسلامه

[كويشيت]

http://www.moq3.com/pics/up_2007/01_2007/40f5f46d90.JPG

[فتى الدهناء]

ياخواني بارك الله فيكم .. ماقصرتوا يالغالين خذيت فكرة جيدة عن الردمية .. وهي ستفيدني حينما أريد الذهاب من شرق الصمان الى غربه ..