محتار في اي موتر اشتريه

[مكشاتي 1111]

السلام عليكم ورحمة الله وبركاته
ابي مشورتكم وخبرتكم انا بشتري لي جيب للبر واحترت بين اكثر من سيارة
اللي يقولي خذلك باترول واللي يقول افجي واللي يقول اكستيرا وتعددت الخيارات
وانا دوامي خارج الرياض ب200 كيلو وكل ويكند اكون في الرياض يعني امسك خط اسبوعيا
ابي الموتر اللي يطربني في البر ولا يبهذلني بخراباته واعطاله ويكون سعره من 50 الى 60 الف
وانا مانيب مستعجل لاني سمعت ان الاسعار بترخص وابي مشورتكم ورأيكم واقتراحتكم

[أبو شيري]

وعليكم السلام ورحمة الله وبركاته

200 كم ليست خط كل نهاية الأسبوع , فيه من يداوم دوام يومي 200 كم وأكثر

عموماً دام سابقاً ليس لديك سيارة بر على قولتك
خذك ددسن جديده أو هايلوكس خط وبر حسب ميزانيتك
وفصل لها توانك وشنطه وطبق وعني ما راح تعرف الورش فقط ماء وبنزين

أما جيب بـ 50 راح تتعرف على كل الورش بالصناعيه اذا كان باترول
واللي غيره نضيف فوق هذا السعر ... بالتوفيق

[مكشاتي 1111]

ماقصرت اخوي ابو شيري وكلامك بخصوص الصناعيه والخرابات
كلام سليم وسمعته اكثر من شخص وهذا اللي خايف منه
وفكرة الهايلوكس ماهيب شينه لاني افضل الصندوق
جزاك الله خير ونشوف اقتراحات الباقين والله يكتب اللي فيه الخير

[المميـز]

بالنسبه للميزانيه 50 الى 60 تجيب لك باترول يبهذلك بالطلب لذلك استبعده الا اذا لقيت موتر من احد تعرفه فاكه وكاله
من عام 2006 او 2007 فتك صالون هذا يعتبر ممتاز وتعرف وش فيه بالضبط
الخيار الثاني الاف جي نفس الفتك تقريبا والنظيف غالي
الخيار الثالث الاكستيرا هو المناسب مقابل الميزانيه الموجوده يعمي ال60 الف ممكن تجيب لك موديل 2013 ممشاه بسيط ونظيف
وان بغيت موتر وكاله 2016 خابر الددسن عليها عرض الغمارتين ب 53 خليجي
واضف على هذي الخيارات ( الباجيرو ) سعره مناسب وسياره مناسبه للخطوط والبر
الله يكتب لك اللي فيه الخير

[taal0]

إذ مايهمك حوض خذباجيرو ستاندرجديد

[سحايب صيف]

باجيرو اذا مو مكينه 3.8

الونيت افضل منه بالبر

[john silver]

خذلك جيب فيكسار 2003 وفوق من قطر ولا الامارات رزه وقوي ومايصرف ومايطلب قطع وتلاقيهم رخاص ونظاف فهالدولتين

[thepitstop]

خذلك فورد رنجر الجديد روعه في البر في الغطس في كل شي

[بن نويشر]

كانك عزوبي فخد ونيت هايلكس غمارة خفيف واقتصادي يعبرك لين الله يفرجها ، وراعي كرف ، او ددتسن غمارتين ، وانت بكفيك شريت ولا ماشريت فأنت حر والسلام ختام .