هذا موتر البر اللي مايخيب الظن Ford 650 / صور

[قلب الداهيه]

السلام عليكم ورحمة الله


اظنه راح يسحق سيارات الدفع الرباعي كلها


وأولها الهمر ويليه الشاص والنيسان باترول والشله


حتى شكله هيبه وقوة http://www.kshta.com/images/smilies/rolleyes.gif


بس تتوقعون كم سعره ؟


http://www.kshta.com/up-pic/uploads/80c87b1cd0.jpg (http://www.kshta.com/up-pic/uploads/80c87b1cd0.jpg)

http://www.kshta.com/up-pic/uploads/e71f5724b9.jpg (http://www.kshta.com/up-pic/uploads/e71f5724b9.jpg)

http://www.kshta.com/up-pic/uploads/cd0d297264.jpg (http://www.kshta.com/up-pic/uploads/cd0d297264.jpg)

http://www.kshta.com/up-pic/uploads/9245b3965c.jpg (http://www.kshta.com/up-pic/uploads/9245b3965c.jpg)

http://www.kshta.com/up-pic/uploads/82195dff07.jpg (http://www.kshta.com/up-pic/uploads/82195dff07.jpg)

http://www.kshta.com/up-pic/uploads/23fc2391d1.jpg (http://www.kshta.com/up-pic/uploads/23fc2391d1.jpg)


ان شاء الله تكون الصور عجبتكم http://www.kshta.com/images/smilies/m12.gif

منقووووووووووووول

[الباحث_الصغير]

كأنه راس تريله. وحجمه كبير جداً يبيله موقف خاص

يعطيك الله العافية ياقلب الداهية على النقل.

[ملك الباثفندر]

تراها موجده بالرياض مدري بجده واحد من الاخوان نزل عنها موضوع وهي موجود بالمعارض
بس سعرها يعني من حدود 200الف إلى 300ألف بس المشكله وين تحطها لا في موقف يصلح لها حتى الصراف يمكن تنشب ولا قد دخلت
خلوها للهوامير الله يمتعهم
شكراً على الصور الرائعه

[sameer_1798]

لو أنه عندي أركب له تانكي وايت و أرتاح من المغاريز .

[الخادم]

من يشتري عندي و احد ذهبى و قيمتة 100 مائة ريال









































































وولدي الصغير اشترى لة سيارة غيرها

ههههههههههههههههههههههه

[الكوسه]

هذا كد سقته بلعبه سوني ههههههههههههه بس تنسيم الصراحه
تسلم والله على الصور اخوي قلب الداهيه

[ابرق العزاف]

سيكتسح السوق

بس اتوقع المطاب الله يخلف على ظهرك
ومثل المور سيدس لوري

[غالي]

ياخي انتم ماتشوفونه بالشوارع؟؟؟؟؟؟؟؟؟؟؟؟؟؟؟
اشوفه انا بكميات لابأس فيها بشوارع الرياض
لكن
لكن
لكن
ليس عليه اضافات
وانما هو حجمه كبير اكبر من الجمس الونيت
وارفع من الجمس ونيت
وبدون توانكي تحت يعني عادي وبدون نسافات
والا الوجه نفسه والبدي نفسه

الا عاد كانه شبيه له
يمكن ماادري :(
بس فورد وكبير يلفت النظر بكبره

[ابو عاذر]

أخوي يعطيك العافية على الصور والسيارة هذه ذات اللون الاسود الحوض الصورة الاولى إلي يبي شوفها على الطبيعة فهي موجودة في معارض النسيم معرض المهرجان وقيمتها خيالية وهي مستعملة ماشية 3000 ميل ولقد سئلت صاحب المعرض عن سعرها فقال 600000 ريال حد :confused: :confused: :confused: :confused: بالسعر هذا تقدر تجيب ( جيب هدد / جيب شاص / سفاري فتك /جيب ربع ) والله إلي بيشتريها أنه بطران على سوق الدراهم أو أظنه مريش من سوق الاسهم هههههههههه الله يرزقنا ويعوض علينا .

هذه ما تصلح للبر حدها شارع التحلية

مع تحيات اخوكم ابو عاذر

[ماجد_الزلفي]

السلام عليكم ..ذا الموتر راس تريله موجود في معارض النسيم ولونه اسود قير اوتوماتيك قيمته 600 الف رياااااااااااااااااال مثل ماقال اخونا ابو عاذر والمشكله دفرنس واااااااااحد

[هلال المطيري]

ما شاء الله بس أحس أنه طقوع غير طير شلوى لاتدور أنت شف النسافه وأغسل يدك

[captin999]

سومها من خشومها

[طارق الحربي]

اخوي غالي

اللي موجود بالرياض وتقصده هو الموديل الصغير او العادي f350 اما هذا كبيييييييير شف الرجال اللي واقف جنبه وتعرف حجمه


اخوي ماجد الزلفي


اللي بالصورة الظاهر انه دفرنسين وحتى ولو تتوقع انه يبي يغرز ؟؟

شكرا لك اخي الكاتب

[أبو_خالد]

والله ما عندك احدعندي احساس انه ثقيل دم ولا هو نشيط

غير سياراتنا لا تدور

الله أكبر .. وين أبي أروح له

شكله يطامر الجدران

هايلكس غمارة .. وتوديك لأي مكان بالبر

وإذا ملزم جيب باترول .. قوة .. وراحة .. وسعر معقول

تحياتي للكاتب

[&{أبوعـمـر}&]

مشكور اخوي على الصور الجميله اللون الاسود احسنها

[الهلي 349]

يابن الحلال ذا يبيلك سلم علشان تركبه:d :d

شف الرجال مجنبه

[raed]

مساء الخير
مشاركة صغيره بخصوص المركبة على هذا الموقع

http://www.f650pickups.com/indexb.html

[الدبوس]

أتوقع أنه لا فائدة من هذه السيارة لأنه قد يكون المحرك كبير وهيكل السيارة ضخم ولكن عدد الركاب قليل جداً لو أنه على كبر حجمه وضخامة محركه أنه صمم أشبه الأتوبيس المنخفض يحمل 30 - 25 راكب كان أفضل ، أو تجهيزه كالكرافانت .

[بارود برنو]

اعوذ بالله هذ يبيله خط لحاله
يعطيك العافيه بعد 1000 سنه تشوفه بالقصيم

[صلحه644]

السلام مشكور اخوي على المضوع الجيد
:confused: لاكن الغريبيه انه هو ننفسه في معرض المهرجان
:confused: المهم من وين انجيب له قطع غيار:confused: :confused:

[اخونوره]

الا وشلون تركب العفش ؟؟؟؟؟؟؟؟!!!!!!!
يبي لك سلم ولا اي سلم يبيلك سلم النخل

[الزاجل552]

يبيلك سلم عشان تركب

شكرا

[خيال نجد]

أخوني يعطيكم العافية

السيارة هذه إللي يبي يشوفها على الطبيعة فهي موجودة عندي بالمعرض

وهي مستعملة ماشية 3000 ميل وسعرها تقريباَ 550.000 ريال حد

وسيمت قرب من هالقيمه ................ ولو تشوفون الزحمه أول ماجتنا ماتصدقووون أنسد الشارع

وهي سريعه بشكل لا يصدق

معارض النسيم ... معرض المهرجان

حيااااااااااااااااكم

وسبق أن طرحت موضوع عنه على هالرابط


http://www.mekshat.com/vb/showthread.php?t=69819

http://www.mekshat.com/pix/upload/images26/mk23868_650.jpg

[خيال نجد]

ودمتم سالمين

[قناص مطور]

اخوي خيال نجد

انا محيرني سوال واحد
كيف دخلتوه المعرض
هههههههههههههه
والشكر للالخ الكاتب

[عزيز نجد]

الله يعطيك العافيه

اشري لي راس تريلة ابرك منه واحسن من انتظار نزوله في الاسواق

[almobd3]

الموقف مقدور عليه
لاكن شلون اركب؟

[almobd3]

انا شفت اخو الموتر بمعارض الشفا بالرياض

[abumohammad]

من واقع تجربه ودراسه فى المنتديات المتخصصه الامريكيه ومشاركه لفتره طويله سيارات الفورد هشّه ولا تلصح للبر البته اقصد بالبر طلوع الطعوس واستخدام الدبل وهكذا
سيارات البيك اب الفورد سيئه للغايه من ناحية المكينه والقير والكمبيوتر

افضل مافيها

الشكل الخارجى
التصميم للغماره فهى جذابه
الاكسسوارات حيث تتوفر لها اكسسوارات لا تعد ولا تحصى


بالاختصار لا تتورطون ولا تورطون احد من المسلمين فى هذه السيارات الهزيله بكل ما تعنى الكلمه من معنى!

ولا ننسى الصيانه مركز صيانة بالشرقيه فلديهم مشاكل كبيره يخربون اكثر مما يصلحون تنجبر عليهم لان هذه السيارت تتعتمد على الكمبيوتر بشكل اساسى!

لا تنخدعون بالشكل فورد اقفلت عدد هائل من مصانعها بامريكا وعليها ديون مليارات ومن يشك مستعد تقديم معلومات اضافيه وومكائنهم تخبط وبها عيوب كبيره!

معلوماتى عن الموديلات الجديده

والله اعلم

[abumohammad]

ابعد عن الفورد بيك اب

نصيحه لله

[qat2006]

مشكرو الله يعطيك العافه