فيوز محترق ولاني عارف حق اش

[laurel_200L]

سلام عليكم ورحمة الله وبركاته
اخواني اليوم بشيك عالفيوزات الداخلية وكانت شغالة كلها تمام لكن لفت نظري فيوز فوق علة الفيوزات لحاله مقاس 7.5 المهم اشيك عليه واكتشفت انه معطوب منتهي
لكن ماعرفت وش وظيفته , ويوم فصلته واشعل السيارة كل شي شغال من لمبات وبوري ومسجل ومكيف كل شي شغال تمام .! كيف اعرف وش وظيفة الفيوز ؟؟؟
مرفق صورة مكان الفيوز
http://www3.0zz0.com/2016/05/10/22/573455468.jpg
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

والاستفسار الثاني لو سمحتم من مشكلة في الكهرباء من زمان نوع السيارة يارس 2009 قير عادي

المشكلة هي انو اذا برجع ورا اشبك الريوس يضرب عندي فيوز مقاس 10 واسمه في الدليل GAUGE , حلو الكلام ومن يوم يضرب الفيوز ذا مروحة المكيف اللي تحت الدرج تفصل ما تشتغل , حلو الكلام واذا غيرت الفيوز يرجع كل شيء طبيعي يومين ثلاثة ونرجع نفس الموال , مع العلم ان غيرت حساس او ساعة الرويس مرتين وكلها اصلية والمشكلة هية هية
الظاهر في التماس كهرباء ! لكن كيف اعرف مكان الالتماس , مع ان شيكت على الفيوزات كلها داخلي وخارجي وشيكت على اسلاك الاسطبات مافي شيء مجروح كلها سليمة
*بس ملاحظة ظفيرة البطارية السالب غيرتها من التشليح لكن نوع السيارة اللي اخذت منها الظفيرة يارس هاتشباك وسيارتي يارس سيدان , في فرق بين الظفيرتين ؟؟؟

[ابو نايوفيتش]

من ناحية الظفيرة تقدر تشيلها وتركب ظفيرة تفصيل على مزاج ما يضر ، لكن راجع الاحمال الكهربائية يمكن فيه فرق بالجهد بين الهاتشباك والعادية
لان بعض السيارات نفس النوع يجي كهربها عالي وبعضها لا ،

الفيوز تعرف وظيفته من غطاء الفيوز ، لان الغطاء مكتوب كل فيوز ووظيفته
اما ضرب الفيوز فهذي تحتاج لمراجعة تمديدات السيارة ، الفيوز ما يضرب الا اذا فيه التماس او انه ما يتحمل الكهرب العالي الواصل له ، فمع الوقت يبدا يتاثر الين يضرب