المساعد الشخصي الرقمي

مشاهدة النسخة كاملة : هل التجهيزات الكهربائية تلغي ضمان السيارة


Obu-Nasser
24/05/2016, 05:59 PM
السلام عليكم
توني شاري جيب نيسان وارد الامارات، وابي اركب فيه بطارية اضافية واناره بالكبوت وعلى الجوانب وياي استرالي، هل هالتجهيزات الكهربائية تلغي الضمان؟
وهل العيسى ياخذ مني فلوس اذا وديت له السيارة عشان تدخل بالضمان؟
ومتى اودي له السيارة بعد 1000 كيلو؟
Obu-Nasser
25/05/2016, 11:26 PM
يرفع الله يرفع قدركم
المميـز
26/05/2016, 03:05 AM
وعليكم السلام
مبروك ماشريت ماشاء الله تبارك الله .. الله يعطيك خيره ويكفيك شره
التجهيزات كلها لاتلغي الضمان الا في حاله وحده
مثلا مركب لمبات ليد وحصلت مشكله بالسياره بالكهرب اي مشكله
لنفرض ان احد الابواب لايقفل او يفتح مع باقي الابواب
الوكاله بهذي الحاله تربط لمبة الليد بقفل الباب علشان ماتصلح العطل على الضمان وتلغي ضمان الكهرب فقط
يعني يدورون على العميل اي شي علشان يلغون الضمان
مع العلم ان كل الاضافات اللي يحطونها على السيارات تكون خارج كهرب السياره تماما
لكن وين اللي يفهم

السيارع اذا مشت 1000 كم دخلها العيسى علشان يسجلها بالضمان مجانا
واذا حاب تشترك بالباقه حقت ضمان خمس سنوات وكيلوات مفتوحه تدفع 1500 ريال تقريبا

بالتوفيق واي استفسار حاضرين ان شاء الله
Obu-Nasser
26/05/2016, 09:44 PM
الله لايهينك يالمميز
هذا بلا ابوك ياعقاب، انا ابي اركب لمبات لد، ومابيهم في حال حدوث اي مشكله يطلعونه من الضمان بحجة التجهيزات الكهربائية، على الرغم من انها مالها دخل بظفيرة السيارة.
أبومحمدالشهري
18/06/2016, 02:20 PM
بالنسبة لي مركب تزويدات كهربائية على السيارة ، وتعطل عندي مكيف السيارة وصلحوا المكيف على الضمان ولا جابوا طاري الكهرب
طبعا سيارتي أف جي ومشتغل التزويدات عند السوافي بالرياض
المميـز
19/06/2016, 09:15 AM
بالنسبة لي مركب تزويدات كهربائية على السيارة ، وتعطل عندي مكيف السيارة وصلحوا المكيف على الضمان ولا جابوا طاري الكهرب
طبعا سيارتي أف جي ومشتغل التزويدات عند السوافي بالرياض

يفرق فرع عن فرع ويفرق عامل عن عامل

واحد معه بطل الدروب ولعة عنده لمبة البطاريه وهي لازالت على الضمان
وداه العيسى قالوا له هذا بسبب علبة فيوزات الليد اللي موصلها على البطاريه
وكانوا يبي يسجلون موتره بلاك ليست لكن فهمهم انها مالها علاقه وبتدخل مدير الصيانه مشت الحمدلله
مطر وربيع
19/06/2016, 08:41 PM
نصيحة لاتركب اي شيء على ضفيرة السيارة لان علبة الفيوزات فيها كمبيوتر يضرب ومايتحمل الكهربه الاضافيه
اذا ولابد سلك من بعيد بطارية لحالها واسلاك لحالها ولا تقرب ضفيرة السيارة ابد