استفسار عن ورشة " فنون الكهرباء "

[أبوعبدالرحمن99]

السلام عليكم
مساء الخير ،،
ودي أسأل اللي جرب و راح لمحل فنون الكهرباء في بريدة ،، ما هي السلبيات و الإيجابيات و العيوب و هل القطع التي تستخدم في التجهيز أصلية و كم مدة الضمان ،، و تقييمكم لخدمة ما بعد البيع ،، و هل تؤثر التجهيزات على كهرب السيارة أو تسبب أضرار للضفيرة أو الديكور أو البدي ،، و هل الأسعار معقولة أو مبالغ فيها ؟؟
مع الشكر للجميع .

[أبوعبدالرحمن99]

يرفع ليرمع ،،أقصد للرد

[.. PATROL ..]

شغل جيد بس سعر مبالغ فيه

[أبوعبدالرحمن99]

شغل جيد بس سعر مبالغ فيهيعطيك العافية .

[أبومحمدالشهري]

وعليكم السلام ورحمة الله وبركاته

رحت عند الرجل وشفت شغلة ، من وجهة نظري مازان لي شغله والقطع اللي يركبها فرحت عند ورشة سوافي بالرياض واشتغلت عنده وعطاني خمس سنوات ضمان على أي شيء عمله
وأنت براحتك روح هنا وهنا وشوف اللي يناسبك ، بس السوافي يعتبر اقدم منه بكثير

[أبوعبدالرحمن99]

مشكور ما قصرت

[ابو نايوفيتش]

التجهيزات الكهربائية ماتأثر على السيارة ابد لو تقعد 10 سنوات
بشرط ان يكون طريقتها 100% وبعيد عن كهرب الوكالة
والاجهزة تكون ممتازة ومن محلات موثوق فيها

وفيه ورشات كثيرة لكن ماجربتهم بحكم مايحك جلدك الا ظفرك

[المميـز]

وعليكم السلام

مابعد البيع ماعليه يضمن شغله واي خلل يصلحه لك
الديكور اذا بتركب فيه شي بيخرمه على قد اللي بتركبه
الاسعار غالي
شغله ماعليه وحريص
تابع سناباته

[أبوعبدالرحمن99]

وعليكم السلاممابعد البيع ماعليه يضمن شغله واي خلل يصلحه لك الديكور اذا بتركب فيه شي بيخرمه على قد اللي بتركبهالاسعار غالي شغله ماعليه وحريصتابع سناباتهشكرا لك ،، فعلا أتابعه في السناب ،، لكن ما يتكلم عن الاسعار و لا يذكرها أبد ، فخفت اروح و يصير غالي ،ما قصرت .

[أبو شيري]

أسعاره نار نار نار فوق ما تتصور
مريته بشتغل عنده كم شغله ومن قالي الأسعار تركته

عنده مثلا لمبه ليد في باب الشنطه بالخلف جهه وحده فقط ب 250 تم تركيبها ب 80 ريال وشغل مخفي ونظيف

وأشتغلت عند محل التويجري بأقل من ربع القيمه اللي طلبها محل فنون

اذا أنت ببريده عندك كحلات كثيره تتفوق على فنون الكهرباء بالجوده والسعر والوقت

تابع أبو عمر محل الرنان لأدوات الرحلات سنابات يوميه وشرح مفصل حتى الأسعار


أما بخصوص القطع فهي تقريباً جميع ما في السوق واحد

[أبوعبدالرحمن99]

شكرا جزيلا لك ، بالفعل اتابع ابو عمر " الرنان للرحلات " ،، و هو يشير أحيانا إلى الأسعار ، لكن توقعت أن أسعار فنون الكهرباء مقاربة ،، يعني 80 أو 90 لكن إذا كانت مثل ما قلت فهي فعلا غالية ،، يعطيك العافية .

[البواردي5]

بحسب خبرتي المتواضعه الاسعار غاليه بالحيل ولايقبل بها عاقل ،،، مدري شايف الناس همج او مايدرون عن الاسعار الخاصه بالقطع سوى الاسلاك او ادوات العزل او افياش ،،، السلك 6 ملي المتر ( 4 ريال) والعازل الحراري المتر 3 ريال والافياش الثلاثي 10 ريال والفاصل 5 ريال والكلبس 5 حبات بريال ،،،،

اصحو ياعالم،،،،،

[كرم القلوب]

سعره غالي جدا وقدامه العثيم احسن منه لكنه ما من رخص وما من بعد عنه

حتا الرنان يقول عرض برمضان بس يعني عمليه تسويقيه ..
وسعره بالدوافير غاااالي ولايفتح كل يوم يكشت يسكر ..

جيته ثلاث مرات وكلها مسكر ..

عموما البطاريه الاضافيه محول من رفيق الدرب 200 وقاعده 50 وتسليك 150 وخلاص ..

[أبوعبدالرحمن99]

شكرا للجميع على المعلومات الوافية ،، تحياتي و تقديري لكم .

[ع السحيباني]

شغلة ممتاز انا مشتغل عنده كذا شغلة

بس اسعارة مبالغ بها ظ¥ظ×ظ×ظھ‏ظ،ظ×ظ×

[يا نسيم الليل]

وين احصل بالرياض شغل مضمون وسعره مناسب

[خيال الغلبا]

أسعاره جدا غاليه فيه طمع وجشع ماهو في اليابانيين والا الالمان

اقصد سعره فوق أسعار الوكالات

[ددسن الشرقيه]

المفروض تكون أسعاره معقوله لي هالدرجه ياشباب

[jdrv]

سعره غالي جدا!ّ!!!
ولاكن المبلغ تذهب الى اخ سعودي .
وليس الى اجنبي يصدر المبلغ الى الخارج!

[يا نسيم الليل]

حتى ولو دقيت عليه وانصدمت بالاسعار
يا اخي اروح لاجنبي نفس الشغل وبنص السعر احسن من سعودي
دابل السعر حدث العاقل بما يعقل

[ابو نايوفيتش]

سعره غالي جدا!ّ!!!
ولاكن المبلغ تذهب الى اخ سعودي .
وليس الى اجنبي يصدر المبلغ الى الخارج!



كلام سليم :good::good:

لكن عندي ملاحظة على الناس اللي تصلح عنده ماهو على فنون
وهذا من واقع تجربة

البعض اذا كان مقتنع في فنون وفي شغله مهما كان سعره وقلت له غالي
يبي يرد عليه ان ادفع على شي بس شغل مضمون

والبعض اللي مو مقتنع في فنون فاول عذر يقول السعر غالي
فالناس بين هذين الامرين

وان كنت عن نفسي ادفع لولد ديرتي افضل من ادفعها لاجنبي

[almutllaq]

وإذا صار سعودي !! ياكلن بالسعر عادي ؟

انا يهمن الشغل والسعر حتى لو هو من المريخ .

انا مع دعم السعودي , لكن انه يصير غالي وندفع له بحجّة انه سعودي غلط X غلط .

ترا ما علينا ملامة لو توجهنا لغيره ان كان عليه ملاحظات .

تحياتي .

[ابو نايوفيتش]

بالنسبة لاسعارة بالضبط ماعندي تحديد فيها ، وما سمعته من الشباب وقارنته مع المحلات الموجودة في الغرابي

او محلات تجهيز السيارات لا فرق يذكر . ولا لقيت هذاك المبلغ الخرافي اللي ينقال عنه غالي ،

الفرق 50 او 100 ريال (كاجمالي) ، بالنسبة اشوف ما تحتاج كل السالفة هذي

مع ان عندي ملاحظات عليه لكن ما تحتاج تنقال هالوقت

واعطيك مثال ثاني غير فنون . وهذا من واقع

ومثل ما قلت السعر غالي او رخيص هذا يحدده صاحب الموتر ، اذا معجبة شغلة او ماهو معجبة ، بغض النظر عن سعره


فاحد اخويانا ركب مبرد قير عن احد الشباب اللي مختصين بالترهيم ، وكلف عليه تقريباً فوق الالف ريال

فلما شافه احد الاخوان المختصين بالفتك قاله السعر غالي

رد عليه قال ما يخالف غالي بس مضمون ، مع انه يدري صاحب الموتر انه لو راح شخص ثاني يبي يلقى ارخص


حنا الواحد تفرق معه مثل ما قلت معجبك او لا

فلولا تعدد الاذواق لبارت السلع

فعشان كذا السعر ما اشوف انه هذيك الدرجة اللي تستاهل