من يحل لي مشكلة الرجه اللي في السفاري تكفون

[الحاوي]

السلام عليكم
فحصت الاذرعه ومافيها شي والحمد لله رصصت عند الدرع في الصناعيه ولاراحت الرجه .المشكله بعد ال80 ترج وتروح وترجع ثانيه والملاحظ لاصارت الدعسه خفيفه ترج واذا صار فيه مطبات وارتفاع ونزول خفيف ترج رجه شينه.وعلى نفس السرعه تروح الرجه وترجع .اناحطيت الكفرات الخلفيه قدام والاماميه ورا وبعدها طلعت الرجه
سوبرسفاري 2003
ارجو من اللي عنده راي ومشوره لايبخل علينا وشاكر لكم وجزاكم الله خير

[عضو مكشاتي]

9999999999999999999

[عضو مكشاتي]

عضو مكشاتي]عندي لك راي ومجرب على الباترول 2006 الي هو موتري دبل المساعد حق الدركسون وانشاء الله يضبط

[الشيهاني]

عضو مكشاتي]عندي لك راي ومجرب على الباترول 2006 الي هو موتري دبل المساعد حق الدركسون وانشاء الله يضبط

هذا الكلام المظبوط وأضيف على كلام الأخ تأكد من عامود التوازن

[ابو عاذر]

السلام عليكم
فحصت الاذرعه ومافيها شي والحمد لله رصصت عند الدرع في الصناعيه ولاراحت الرجه .المشكله بعد ال80 ترج وتروح وترجع ثانيه والملاحظ لاصارت الدعسه خفيفه ترج واذا صار فيه مطبات وارتفاع ونزول خفيف ترج رجه شينه.وعلى نفس السرعه تروح الرجه وترجع .اناحطيت الكفرات الخلفيه قدام والاماميه ورا وبعدها طلعت الرجه
سوبرسفاري 2003
ارجو من اللي عنده راي ومشوره لايبخل علينا وشاكر لكم وجزاكم الله خير

أخوي الحاوي تحية طيبة وبعد :-
هنالك أسباب للرجة وسوف أعرضها عليك وعليك التشييك عليها :-
1- الكفرات يجب أن تكون من النوع االممتاز لا تكون صناعة صينية مضروبة حيث يكثر في هذا الانواع العيوب التصنيعية التي تسبب الرجة وانسلاخ الكفر وغيرها .
2- تأكد من سلامة الجنوط لا تكون مريوحة ( فيها أعوجاج ) من ضربة رصيف وأنت مسرع أو من بنشر أنت تقول في موضوعك ((اناحطيت الكفرات الخلفيه قدام والاماميه ورا وبعدها طلعت الرجه )) شيك وتأكد من سلامتها على فكرة أذا كان هنالك أعوجاج في الجنط فيوجد مخارط متخصصة في أصلاحها في الصناعية القديمة بالقرب من الدرع ويفضل تغييرها .
3- ذراع الدركسيون ومساعده تأكد من سلامته وأهم شيء فيه الربل إلأي داخل الحديد التي تثبت فيها المسامير الربط تتكون بعض الاحيان مهترئة وهذا يسبب رجة شديدة وخاصة مع المطاب .
4- عمود الكردان وعمود الدبل شيك عليها يمكن هي بحاجة إلى ترصيص حيث هذه تسبب رجة وهنالك ورش بالصناعية القديمة متخصصة في ترصيص الاعمدة وهي ميزان العضيب وميزان اليرموك .

أرجوا أن أكون قد افدتك في ذلك والله يبارك لك في سيارتك ويعطيك خيرها ويكفيك شرها

مع تحيات أخوك ابو عاذر

[m666]

شيك على مساعد الدركسون ونا اخوك

[الرهدن]

وعليكم السلام ورحمة الله وبركاته00
لعل هذا يفيدك00
من العضو 00 ظلال الشمس00

رجة النيسان ضمان مدى الحياة
بسم الله الرحمن الرحيم

الموضوع باختصار شديد جدا
اني ما خليت ورشة ولا الوكالة علشان هالرجة ولكن ما فيه فايدة
ولكن وبكل بساطة لقيت هالورشة وانحلت المشكلة بأقل التكاليف
فإذا كنت ممن يشتكي من رجة النيسان المعروفة ( 98 -2005 )
فهالورشة يصلحون هالمشكلة ويضمنونها لك مدى حياة السيارة
الورشة يعمل بها شاب سعودي

ولإتمام الفائدة هذا رقم جواله
0556606559

مشاركات في مثل موضوعك ولم أتمكن من وضع رابط نظرآ لقدمه00


* اتصل على الاخ ويقول انو يصلحون جميع الموديلات للنيسان ..

* أنا أعاني من رجة عند ضرب الفرامل أحس إن فيه رجة وبعد شوي تتغير للأحسن ، سألت ميزان بالصناعية وقال لازم تكبس الأذرعة .


* عندي مداخله وعن اذنك ياظلال الشمس ولا نباخص اهل الخبره


حتى تتاكد ان الرجه من الكفرات او الجنوط 1-حاول تبديل الكفرات اللي ورا قدام والعكس
2-حاول تجريب كفرات وجنوط اخرى (من صيدق اوقريب)
واذا لم تذهب الرجه في هذه الحال يمكنك الذهاب للورشه اوالوكاله
لأني قد عانيت من الرجه وكل ما رحت لورشه طلع لي مشكله جديده حتى الوكاله وخسرت مايقارب 900ريال ولا راحت
لكن وجدت المشكله من الجنوط.


.

[الحاوي]

بسم الله الحمن الرحيم
اشكر كل من تجاوب مع مشكلتي واعتز بكل راي وبيض الله وجيهكم كل بأسمه والله يبارك لكم في حلالكم.
باالنسبه للفحص شيكت على مساعد الدركسون وطلع سليم والكفرات بريلي والجنوط سليمه طبعا بنسوي بعض الاقتراحات اللي طرحتوها وبرد لكم انشاء الله في القريب العاجل ومانستغني عن مشورة اللي مثلكم وشرواكم والله لايهينكم

[محيط]

وناخوك مادامك تقول ان الرجه تجي وتروح عند ماتكون السرعه خفيفه انا عندي الحل
رح وتاكد من عمود الكردان يمكن جايه طعجه ولا ظربه وانا سمعت انهم يرصصون العمود اليرموك والمجد والعضيب وشرط عليهم
تاكد من الشيال برظو؟؟؟؟؟؟؟؟
ولله يوفقك

[الرهدن]

الأخ الحاوي00
لاتنسى توافينا بالنتائج00

.

[تيتشر]

مشكلتك قد مرت على اخوي والحل عندي انا بس
راسلني على الخاص او اذا بغيت اتصل علي هذا رقمي 0558825588 عندي الورشه اللي تنهي لك المشكله
تحياتي

[الغيم]

الله يعينك واذا لقيت حل لاتبخل بنشره للفايدة

[البّري]

اخوي الحاوي

السلام عليكم ورحمة الله وجميع المشاركين ومن يطلع على الموضوع

انا عندي نفس المشكلة وانحلت ولله الحمد

في الاول غيرت مساعدالتوازن
رصصت
فحصت الكفرات
كل شي سويته

وفي الأخير نصحني احد الزملاء للذهاب الى ورشة (ابو سليمان الهبيش)في شرق بريدة قريب من دوار خضيراء وهو متخصص بسيارت الدفع الرباعي يعني كل اللي عنده من السيارات جيوب بانواعها

وفعلا وجدت رجل ممتاز في التعامل والعمل دعاية لابو سليمان!!!يستاهل والله واللي يتعامل معه يعرف وانا ما عرفته قبل ما اصلح موتري

حل المشكلة باختصار يا اخي هي انه يكبس الجلد الخاصة بعمود التوازن

ان كنت من اهل المنطقة فاذهب له فانه يشير بالزين اذا استشرته بل يخبرك ماذا ينقص السيارة من صيانه

ارجو اني قد افدتك والعذر من الاطاله

اخوك البري

[الحاوي]

السلام عليكم ورحمة الله وبركاته
ماقصرتو والله يبيض وجيهكم
اول شي غيرت عمود التوازن لان الجلب الكبس متشعره وحالتها حاله لان العمود يجي كامل والركب غيرتها لكن الرجه مازالت لكن المساعد خفيف لين حركته بيدي بينما جيب ثاني حركة المساعد منتظمه واثقل خذت مساعد من الوكاله وبجرب وبحاول اكبس الجلد حقت الاذرعه في الصناعيه القديمه واوفيكم بالنتائج وانا ممنون والله يجعل كل دروبكم خضرا:alarm:

[الحاوي]

بسم الله الرحمن الرحيم
الحمدلله انحلت المشكله وصارت في الدبه اللي خلف دسك الهوب فيه وجيه تحت وفوق غير الوجيه اللي فوق في المخرطه وشحمها وركب الجديده وطبعا ماقال لي شي هذا فقط ملاحظاتي وقال مضمون وتوكل على الله وطلعت في السياره ويالله لك الحمد والشكر ماعاد فيه رجه الحمدلله واشكر كل من تجاوب معي في حل المشكله والله يجزاكم بكل خير ولعموم الفايده
اسم الورشه ميزان الباديه
الصناعيه القديمه
ت 0508122287
ايهاب

[كشيت]

غير المساعد الي في عمود التوازن وبعدين كل شي تمام ان شاء الله

[م س ح]

با الحاوي الحل عند ورشه في الرياض ويكلفك 350 ريال بس وعليه ضمان مدى الحياة ولا تغيير أذرعه ولاغيره وأنا عندي المشكله نفسها وصلحها لي والموتر زي الحلاوه والحمد لله وهذا رقم صاحب الورشه 0556606559

[تركي آل برازي]

هذه الرجه من رؤؤس العكوس الداخلية وغالبا ما تخرب الجهة اليسرى وبعدها تخرب اليمنى .
والسبب هو ان جلدة راس العكس منشقة . وخلص الشحم

وانا انصحك بالمحافظة على التشحيم كل فترة .

[راعي المستوي]

هذه الرجه من رؤؤس العكوس الداخلية وغالبا ما تخرب الجهة اليسرى وبعدها تخرب اليمنى .
والسبب هو ان جلدة راس العكس منشقة . وخلص الشحم

وانا انصحك بالمحافظة على التشحيم كل فترة .

نفس الكلام سمعته من احد الاخوة وخاصة اللي مركب لوكات ما هي اصلية او نوعيه غير جيدة
الرجة عندي قوية على باترول 2005 غيرت مساعد دركسون وذراع ولم تنحل المشكلة
اول ما ركبت اللوكات اذا جاء مطب اسمع صوت قرة على الجهة اليسرى اذا هديت السرعة الى 60 تنقطع .. المهم بعد فترة انقطع الصوت وجاءت الرجة وانا الآن متظايق منها ... ونصحني بأن يخرج الرمان اللي داخل العكس وتشحيمة ويظبط كل شي
وسلام عليكم