أحتاج نصيحة العاقل في هذي المواتر

[قناص الأشهب]

السلام عليكم ورحمة الله وبركاته
كل عام وانتم بخير واسئل الله أن يتقبل منا ومنكم صالح الأعمال.
يا أخوان لي رغبة في شراء موتر للمقانيص والكشتات وأنتم تعرفون المقانيص أغلبها بالنسبه لي مشاوير وسفر بما أني موضف في الشرقيه وأسافر الى الجنوب والشمال والساحل الغربي وقت الهجرة يعني مقناصي رمله وضلعان .
ومحتار بين عدة مواتر ومحتار بينها لأني أشوفها الأقرب لأستخدامي مع العلم أنه لابد من تقبل بعض العيوب.
بأذكر لكم المواتر ونظرتي لها واحتاج المشورة .
1- جيب ربع (قوي وخدمه وصرفيه بنزين جيده وسهل الصيانه وذف وخفيف . أما عيوبه ما أقدر اشيل أكثر من شخصين أذا الشنطه فيها عزبتي والخزان )
2- جيب أف جي ( قوي وخدمة ويتحمل الكد ما أعرف عن صرفية البنزن أتوقع نفس الربع يشيل أخوياي معي ويشيل العائلة وقت الكشتات . عيوبه قزازته الأماميه مع العج تخرب يقولون في اصوات هواء قوي مع الخطوط ) (أجهل بعض الأمور فيه )
3- أكستيرا من نيسان . مع أن النيسان أعشقها ولكن لي ماضي سيئ مع الباترول مع الحرارة في الضلعان وكثير هربدة ولا هو راحت نفس وأن تسوقه . نرجع للأكستيرا (خفيف نفس صرفية البانزين ممتازة جدا قوي على صغر حجمه جربته في مقناص كان ممتاز . يقولون فيه مشكله في الكرونه تخرب مع الكرف الله العالم أنا ما أحب اصدق كل ما يقال )
أحب أنوه على مسئلة الراحه انها ليسة ذات اهتمام عندي لأنه موتر 80% للمقانيص والباقي خطوط وكشتات للعائلة الصغيرة .
ويأخوان أرجوكم الموضوع لا يذهب الى تعصب لبعض الشركات والسيارت . أحتاج نصيحة الفاهم والمجرب .

الله يجزاكم خير على كل حال .

[امير المشاعر]

هلابك اخوي
الربع حليو بس مشكلته سريع الانقلاب واكثرر شي انقلابه بالطرد والقنص ومطبه اقشر
الافجي حلو ونشيط مشكلته بابه الخلفي وضيق المرتبه الخلفيه شوي
الاكستيرا بما ان صايره لك مشكلة مع النيسان فأبتع
عنه افضل وكقطع غيار اغلا من التويوتا
انت شوف وحدد

[قناص الأشهب]

هلابك اخوي
الربع حليو بس مشكلته سريع الانقلاب واكثرر شي انقلابه بالطرد والقنص ومطبه اقشر
الافجي حلو ونشيط مشكلته بابه الخلفي وضيق المرتبه الخلفيه شوي
الاكستيرا بما ان صايره لك مشكلة مع النيسان فأبتع
عنه افضل وكقطع غيار اغلا من التويوتا
انت شوف وحدد

لا هنت يالأمير
والله يقدم اللي فيه الخير

[مخ سعودي]

الاف جي من تجربه يشفط البنزين شفط الويل وهو تانكي كبير واستجابته بطيه في البر اذا تبي عزمه بشكل سريع واهم شي تحرص عليه في الموتر الدفلوك

[الوانيت1]

انا أرا انك تضيف البرادو الستة سلندر تانكيين اسبير علاق علي اختياراتك
و اذا انك مصر علي الثلاث اختيارات اللي ذكرتها فافضلهم الاكستيرا اولا لقوة العزم والتصميم والتعليق
واقتصاد البانزين ورخص السعر حيث انة ارخصهم كلهم وفيه عيب ضيق اسفل الابواب الخلفية وصعوبة الركوب ولكن اتعب علي الفل
واعتقد انة تم تلافي العيوب القديمة مثل التكييف الامامي فقط اصبح امامي وخلفي ولابد
انة تم تلافي باقي العيوب في المديلات القديمة
وفية شيء انت ما ذكرته و هو مهم و له دور بأختيار السيارة و هو عدد افراد العائلة
وعسي الله يدلك للي يوافق هواك وتبغية ويستر عليك ويسهل دربك
و موفق بأذن الله ......../////.

[أبوصالح9]

دور لك هدد موديل السبعينات وحط عليه 10 الاف صيانة من الصدام للصدام ويعيش معك ابد الابدين - وتوفر حوالي 20 الف ريال من قيمة ارخص موتر من اللي انت ذكرتهم - هذا رأيي من تجربه مع العلم اني دلعت روحي وصرفت 20 الف على الموتر يوم شريته 97 GX لكن احمد ربي واشكره وين ما ابي اروح واستخدام لكل شي مقناص او كشته او سفر مع العائلة - زيت وبنزين وامسك الخط - اسمع شوري ولا راح تندم بس اهم شي 3 اشياء قير مكينة دفرنس وانس الباقي

[قناص الأشهب]

الاف جي من تجربه يشفط البنزين شفط الويل وهو تانكي كبير واستجابته بطيه في البر اذا تبي عزمه بشكل سريع واهم شي تحرص عليه في الموتر الدفلوك
البنزين أمر مهم في موتر القناص
الله لايهينك

[قناص الأشهب]

انا أرا انك تضيف البرادو الستة سلندر تانكيين اسبير علاق علي اختياراتك
و اذا انك مصر علي الثلاث اختيارات اللي ذكرتها فافضلهم الاكستيرا اولا لقوة العزم والتصميم والتعليق
واقتصاد البانزين ورخص السعر حيث انة ارخصهم كلهم وفيه عيب ضيق اسفل الابواب الخلفية وصعوبة الركوب ولكن اتعب علي الفل
واعتقد انة تم تلافي العيوب القديمة مثل التكييف الامامي فقط اصبح امامي وخلفي ولابد
انة تم تلافي باقي العيوب في المديلات القديمة
وفية شيء انت ما ذكرته و هو مهم و له دور بأختيار السيارة و هو عدد افراد العائلة
وعسي الله يدلك للي يوافق هواك وتبغية ويستر عليك ويسهل دربك
و موفق بأذن الله ......../////.
البرادو موتر ممتاز ولكن يعيبه غالي ولا عندي سعره الان قيمته مع نزول الاسعار 155 الف .
والمبلغ اللي عندي ما يوفي . اما بخصوص العائله 3 ورعان وامهم الله يحفظ لنا ولكم .

[قناص الأشهب]

دور لك هدد موديل السبعينات وحط عليه 10 الاف صيانة من الصدام للصدام ويعيش معك ابد الابدين - وتوفر حوالي 20 الف ريال من قيمة ارخص موتر من اللي انت ذكرتهم - هذا رأيي من تجربه مع العلم اني دلعت روحي وصرفت 20 الف على الموتر يوم شريته 97 GX لكن احمد ربي واشكره وين ما ابي اروح واستخدام لكل شي مقناص او كشته او سفر مع العائلة - زيت وبنزين وامسك الخط - اسمع شوري ولا راح تندم بس اهم شي 3 اشياء قير مكينة دفرنس وانس الباقي

كلامك زين ولكن بعيب المواتر ذي متعبه في السفر وصرفية بنزين عاليه . ما ادري انت كتبت السبعينات اذا انت تقصدها فتعتبر قديمه جدا وقطع منقطعه .

[john silver]

مافي بعد الكروزرات الـ 8 سلندر من 2008 وفوق ، اولاً من ناحية صرف البنزين فهي تصرف اقل من الافي جي والربع بشرط ان سرعتك ماتعدى الـ 130 سواء داخل مدينه او فخطوط لان الكروزر الـ 8 سلندر فيه نظام دامك من 130 وتحت فالمكينه تمشي على 4 سلندر وان عديت الـ 130 فبتفتح الـ 4 سلندرات الباقيــه وماظن راعي مقناص وراعي عايله بيتعدى ذي السرعه الا ان كانه محتاج مرات او جاه ظرف لا سمح الله واما من ناحيــة الوسع فالاف جي بيكرهك فالمقانيص كلها ضيق ودفش وتحسه موتر عيال ثانويه مب موتر لا عائلي ولا موتر مقناص اما الربع فقيمته غاليه على الفاضي ولا انت بمعين مستعمل نظيف ناهيك عن ضيقه ووعورته نفسه نفس الاف جي اما الاكستيرا قطع غياره نار وبتمل منه ، نصيحتي لك انصى قطر وبتعين الكروزرات النظيفه وممشاها قليل واستعمال عايله 2009 2010 نظيفه سواء جيكسارات ولا فيكسارات ولا بتندم ومن عقبها عليك وعلى البوالين 16 وديازل 6 ونص ورفعه 3 من ورا و3 قدام ولا انت بعايف لا طلعات العايله ولا المقانيص :good:

[AL-OTAIBI]

مافي بعد الكروزرات الـ 8 سلندر من 2008 وفوق ، اولاً من ناحية صرف البنزين فهي تصرف اقل من الافي جي والربع بشرط ان سرعتك ماتعدى الـ 130 سواء داخل مدينه او فخطوط لان الكروزر الـ 8 سلندر فيه نظام دامك من 130 وتحت فالمكينه تمشي على 4 سلندر وان عديت الـ 130 فبتفتح الـ 4 سلندرات الباقيــه وماظن راعي مقناص وراعي عايله بيتعدى ذي السرعه الا ان كانه محتاج مرات او جاه ظرف لا سمح الله واما من ناحيــة الوسع فالاف جي بيكرهك فالمقانيص كلها ضيق ودفش وتحسه موتر عيال ثانويه مب موتر لا عائلي ولا موتر مقناص اما الربع فقيمته غاليه على الفاضي ولا انت بمعين مستعمل نظيف ناهيك عن ضيقه ووعورته نفسه نفس الاف جي اما الاكستيرا قطع غياره نار وبتمل منه ، نصيحتي لك انصى قطر وبتعين الكروزرات النظيفه وممشاها قليل واستعمال عايله 2009 2010 نظيفه سواء جيكسارات ولا فيكسارات ولا بتندم ومن عقبها عليك وعلى البوالين 16 وديازل 6 ونص ورفعه 3 من ورا و3 قدام ولا انت بعايف لا طلعات العايله ولا المقانيص :good:

ممكن تفيدنا أكثر عن مصدر المعلومة اللي تقول نظام الاربع سرندل و فوق 130 ثمانية سرندل؟ لأن حسب علمي أن تويوتا لا يوجد لديها هذا النظام في الكروزر من 2008 الى 2016!

[قناص الأشهب]

مافي بعد الكروزرات الـ 8 سلندر من 2008 وفوق ، اولاً من ناحية صرف البنزين فهي تصرف اقل من الافي جي والربع بشرط ان سرعتك ماتعدى الـ 130 سواء داخل مدينه او فخطوط لان الكروزر الـ 8 سلندر فيه نظام دامك من 130 وتحت فالمكينه تمشي على 4 سلندر وان عديت الـ 130 فبتفتح الـ 4 سلندرات الباقيــه وماظن راعي مقناص وراعي عايله بيتعدى ذي السرعه الا ان كانه محتاج مرات او جاه ظرف لا سمح الله واما من ناحيــة الوسع فالاف جي بيكرهك فالمقانيص كلها ضيق ودفش وتحسه موتر عيال ثانويه مب موتر لا عائلي ولا موتر مقناص اما الربع فقيمته غاليه على الفاضي ولا انت بمعين مستعمل نظيف ناهيك عن ضيقه ووعورته نفسه نفس الاف جي اما الاكستيرا قطع غياره نار وبتمل منه ، نصيحتي لك انصى قطر وبتعين الكروزرات النظيفه وممشاها قليل واستعمال عايله 2009 2010 نظيفه سواء جيكسارات ولا فيكسارات ولا بتندم ومن عقبها عليك وعلى البوالين 16 وديازل 6 ونص ورفعه 3 من ورا و3 قدام ولا انت بعايف لا طلعات العايله ولا المقانيص :good:

الله يعطيك العافية على النصيحه
عندي لاندكروزر جي اكس ار 8 سلندر ولله الحمد موتر ما يتحمل مقانيصي قطعه غاليه ومشاكله من ناحية الدبل الفرار اذا سخن الموتر ووقت الحر اما انه ما يشبك او أذا شبك ما يفصل وانا ما عانيت منها كثير ولكن اشوفه موتر للرمله وليس للضلعان .

[المميـز]

اذا تقدر تضيف ضمن الخيارات تويوتا فورتشنر تراه مناسب

[john silver]

ممكن تفيدنا أكثر عن مصدر المعلومة اللي تقول نظام الاربع سرندل و فوق 130 ثمانية سرندل؟ لأن حسب علمي أن تويوتا لا يوجد لديها هذا النظام في الكروزر من 2008 الى 2016!
قالي اياها فني فالوكاله ، على كلامه ان السته فالكروزر يصرف اكثر من الثمانيه اذنهم يمشون تحت الـ 130 واذا عدوا ال130 الثمانيه يصرف اكثر

[john silver]

الله يعطيك العافية على النصيحه
عندي لاندكروزر جي اكس ار 8 سلندر ولله الحمد موتر ما يتحمل مقانيصي قطعه غاليه ومشاكله من ناحية الدبل الفرار اذا سخن الموتر ووقت الحر اما انه ما يشبك او أذا شبك ما يفصل وانا ما عانيت منها كثير ولكن اشوفه موتر للرمله وليس للضلعان .
عجل مالك الا الجيكسات الـ 6 من 2007 وتحت

[أبوصالح9]

كلامك زين ولكن بعيب المواتر ذي متعبه في السفر وصرفية بنزين عاليه . ما ادري انت كتبت السبعينات اذا انت تقصدها فتعتبر قديمه جدا وقطع منقطعه .

مع احترامي لك أخوي ياقناص الاشهب اللي يقول ان صرفية الهدد عاليه ماعنده سالفه ابد الا اذا الكربوريتر عنده ملطس او لاعبن بالابر ولله الحمد موتري اعبيه من وسط الديرة مهب من المحطات اللي على السريع وامسك فيه خط المدينة السريع وادخل للمدينة المنورة بتانكي واحد وتانكي الاسبير مابعد جيته ولا لمسته والتانكيين يمشي معي الى مدخل ينبع بالراحة يعني مايقارب 670 كيلو بشرط ان رجلك ثابته ولا تسرع - الشي الثاني من اللي يقول قطع غيار منقطعه جميع القطع موجوده واصلي وكالة مهب تجاري ولا تشليح - وانت طال عمرك ذكرت بالحرف الواحد انك تبحث عن موتر للمقناص والمكشات وانك مايهمك الراحة وهذا نص قولك :


أحب أنوه على مسئلة الراحه انها ليسة ذات اهتمام عندي لأنه موتر 80% للمقانيص والباقي خطوط وكشتات للعائلة الصغيرة



واللي يدور المقناص اخر اهتماماته الراحة ( وأنت أبخص ) - بالتوفيق والله يرزقك مطلوبك

أرجو من الجميع الا يأخذ كلامي بعين المتعصب لكن حبيت اوضح بعض النقاط حتى يستفيد الجميع والجيل الذهبي ماهو بحاجة ابو صالح عشان يجمله

[AL-OTAIBI]

قالي اياها فني فالوكاله ، على كلامه ان السته فالكروزر يصرف اكثر من الثمانيه اذنهم يمشون تحت الـ 130 واذا عدوا ال130 الثمانيه يصرف اكثر

اسمحلي يخوي، الفني ذا داج و يعطيك معلومات غلط.

الغلطة الأولى أن نظام الاربع و الثمانية سرندل غير موجود .

الغلطة الثانية ان السته سرندل هو اللي يصرف على السرعات العالية و ليس الثمانية
خذها قاعدة، كل ما كبرت المكينة كل ما ارتاح الموتر على السرعات العالية و كل ما صغرت المكينة كل ما حنت على السرعات العالية ( اضف الى ذلك طبعاً امور اخرى كعدد التغييرات الخ..)

خذلك جكسار سته سرندل و جكسار ثمانية سرندل و امش عليهم 180 و شوف ضغط المكينة فيهم كلهم و شوف اي واحد فيهم مرتاح اكثر.

[AL-OTAIBI]

مع احترامي لك أخوي ياقناص الاشهب اللي يقول ان صرفية الهدد عاليه ماعنده سالفه ابد الا اذا الكربوريتر عنده ملطس او لاعبن بالابر ولله الحمد موتري اعبيه من وسط الديرة مهب من المحطات اللي على السريع وامسك فيه خط المدينة السريع وادخل للمدينة المنورة بتانكي واحد وتانكي الاسبير مابعد جيته ولا لمسته والتانكيين يمشي معي الى مدخل ينبع بالراحة يعني مايقارب 670 كيلو بشرط ان رجلك ثابته ولا تسرع - الشي الثاني من اللي يقول قطع غيار منقطعه جميع القطع موجوده واصلي وكالة مهب تجاري ولا تشليح - وانت طال عمرك ذكرت بالحرف الواحد انك تبحث عن موتر للمقناص والمكشات وانك مايهمك الراحة وهذا نص قولك :


أحب أنوه على مسئلة الراحه انها ليسة ذات اهتمام عندي لأنه موتر 80% للمقانيص والباقي خطوط وكشتات للعائلة الصغيرة



واللي يدور المقناص اخر اهتماماته الراحة ( وأنت أبخص ) - بالتوفيق والله يرزقك مطلوبك

أرجو من الجميع الا يأخذ كلامي بعين المتعصب لكن حبيت اوضح بعض النقاط حتى يستفيد الجميع والجيل الذهبي ماهو بحاجة ابو صالح عشان يجمله

يا بو صالح، الرجال صادق . بالمقارنة مع السيارات التالية الجيل القديم اكثر صرفية. و المثال اللي ذكرته انت لا يعتد به لان في عوامل كثيرة حولة. مثلاً كم سعة التانكي و كم كيلو لكل لتر. عشان تكون الصورة اوضح.

اضرب لك مثال اقرب. الفتك الشاص مثلا بيمشي مسافة اكبر من مسافة موترك بكثيييير ! اقدر اجي و افتح موضوح هنا و اقول للناس ان الفتك صرفيته اقل من الكروزر لأنه وصلني مسافه ابعد! بل ان الفتك الشاص بالبر يمشيك مسافه اطول من الكروزر ظ،ظ¦ بمراحل ( و اسأل مجرب) بس مع كل هذا الكروزر اقل صرفية من الفتك اللي يشرب شرب.

تحياتي

[مطر وربيع]

انصحك بالنيسان فتك ربع مريح ويتحمل الطرد وارسى من ربع التويوتا

[عمرين العمري]

أشوف الفورنتشر ستة سلندر حتى ولو موديل 2008 طيب ، وأيضاُ ربع النيسان وأنا شخصياً عندي كروزر 96 صارف عليه زين وما قصر معي في أي مكان أريد أوصل له ، وعليك بالإستخارة والله يكتب لك الخير

[قناص الأشهب]

أشكر كل من شارك ووضح وما نستغني عن رأي الباقين من الأخوان .

[أبوصالح9]

يا بو صالح، الرجال صادق . بالمقارنة مع السيارات التالية الجيل القديم اكثر صرفية. و المثال اللي ذكرته انت لا يعتد به لان في عوامل كثيرة حولة. مثلاً كم سعة التانكي و كم كيلو لكل لتر. عشان تكون الصورة اوضح.

اضرب لك مثال اقرب. الفتك الشاص مثلا بيمشي مسافة اكبر من مسافة موترك بكثيييير ! اقدر اجي و افتح موضوح هنا و اقول للناس ان الفتك صرفيته اقل من الكروزر لأنه وصلني مسافه ابعد! بل ان الفتك الشاص بالبر يمشيك مسافه اطول من الكروزر ظ،ظ¦ بمراحل ( و اسأل مجرب) بس مع كل هذا الكروزر اقل صرفية من الفتك اللي يشرب شرب.

تحياتي


حياك ربي - ليتك قريت ردي بشكل وافي وخصوصا السطر الاخير - عشان ما نجي لسالفة تويوتا ونيسان وووووو - الرجال طلب موتر للمقناص والمكشات وشرنا عليه لكنه ذكر اشياء وحبيت اوضحها له تحديدا بدون ما نقارن - اتمنى وضحت الفكرة

[AL-OTAIBI]

حياك ربي - ليتك قريت ردي بشكل وافي وخصوصا السطر الاخير - عشان ما نجي لسالفة تويوتا ونيسان وووووو - الرجال طلب موتر للمقناص والمكشات وشرنا عليه لكنه ذكر اشياء وحبيت اوضحها له تحديدا بدون ما نقارن - اتمنى وضحت الفكرة

ابداً السالفة ما فيها مقارنة ولاشي . كل اللي قلته انه حسبتك في الصرفية غلط، لأن الصرفية لا تقاس فقط بالمسافة. وانا يوم طريت الفتك ذكرته كمثال فقط ولا اقصد المقارنة. اذا كلمة فتك مزعلتك حط بدالها سيارة (أ) و سيارة ( ب).

انا كل ردي كان لك. عشان ابين لك و للشباب ان هذه الطريقة خاطئة في حسبة الصرفية و لا شرت على صاحب الموضوع بأي سيارة و لو شرت عليه بقوله خذ تويوتا.

انت تشوف ان حسبتك للصرفية عن طريق المسافة المقطوعة كافية من غير الاخذ بالاعتبار العوامل الأخرى؟

تحياتي

[XRAY MAN]

خذ اف جي تانكيين يمشيك ٩٠٠-١٠٠٠ كيلو ويتحمل وممتاز شرط يكون دفلك

وبالنسبه للصرفيه تراها عاديه ماهي زايده نفس مكاين السته سلندر الثانيه لكن ميزته الآن التانكي الكبير من موديل ١٤ وطالع

مافيه أصوات هواء أبداً

[أبوصالح9]

ابداً السالفة ما فيها مقارنة ولاشي . كل اللي قلته انه حسبتك في الصرفية غلط، لأن الصرفية لا تقاس فقط بالمسافة. وانا يوم طريت الفتك ذكرته كمثال فقط ولا اقصد المقارنة. اذا كلمة فتك مزعلتك حط بدالها سيارة (أ) و سيارة ( ب).

انا كل ردي كان لك. عشان ابين لك و للشباب ان هذه الطريقة خاطئة في حسبة الصرفية و لا شرت على صاحب الموضوع بأي سيارة و لو شرت عليه بقوله خذ تويوتا.

انت تشوف ان حسبتك للصرفية عن طريق المسافة المقطوعة كافية من غير الاخذ بالاعتبار العوامل الأخرى؟

تحياتي

هلابك يالعتيبي - هذا نص ردك السابق
بالمقارنة مع السيارات التالية الجيل القديم اكثر صرفية والسالفة طالت وهي ماتسوى لكن عيب علي اسفه الرجال اللي مثلك وشرواك - شف طال عمرك الاخ قناص الاشهب ذكر ان جيوب التويوتا القديمة وبالتحديد المثال اللي انا ذكرته موديلات التسعينيات صرفيتها عالية وحبيت اوضح له هالنقطة بغض النظر عن اي موتر ثاني سواء نيسان ولا غيره وانا معي علم ان الرياح والسرعة والدعسة الغير ثابته وكثرة ضغط الفرامل والحمل الزايد والطلعات والنزلات ونوعية الكفرات وارتفاع الموتر وانخفاضه وصفاوة المكينة ونظافتها سواء بخاخ ولا كربوريتر وما يتبع لها من كهرب وغيره كلها لها تأثير على صرفية الموتر ويمكن نسيت اشياء كثر اللي ذكرتها واي موتر لو يصير عامل واحد من العوامل اللي ذكرتها ضده ماوصل ولا حتى 200 كيلو وللتذكير تراي ما اقصد مسافة محددة ولا سيارة معينة عشان ماتطلع حسبتي غلط مثل ماتفضلت - اتمنى وضحت الفكرة واعذرن في حالة عدم الرد مستقبلا يالاجودي

الرجال طلب الشور وعسى الله يكتب له مافيه الخير ولا ودنا نزيد ونكثر بالكلام في موضوع الرجال

بالتوفيق للجميع

[AL-OTAIBI]

هلابك يالعتيبي - هذا نص ردك السابق
بالمقارنة مع السيارات التالية الجيل القديم اكثر صرفية
والسالفة طالت وهي ماتسوى لكن عيب علي اسفه الرجال اللي مثلك وشرواك - شف طال عمرك الاخ قناص الاشهب ذكر ان جيوب التويوتا القديمة وبالتحديد المثال اللي انا ذكرته موديلات التسعينيات صرفيتها عالية وحبيت اوضح له هالنقطة بغض النظر عن اي موتر ثاني سواء نيسان ولا غيره وانا معي علم ان الرياح والسرعة والدعسة الغير ثابته وكثرة ضغط الفرامل والحمل الزايد والطلعات والنزلات ونوعية الكفرات وارتفاع الموتر وانخفاضه وصفاوة المكينة ونظافتها سواء بخاخ ولا كربوريتر وما يتبع لها من كهرب وغيره كلها لها تأثير على صرفية الموتر ويمكن نسيت اشياء كثر اللي ذكرتها واي موتر لو يصير عامل واحد من العوامل اللي ذكرتها ضده ماوصل ولا حتى 200 كيلو وللتذكير تراي ما اقصد مسافة محددة ولا سيارة معينة عشان ماتطلع حسبتي غلط مثل ماتفضلت - اتمنى وضحت الفكرة واعذرن في حالة عدم الرد مستقبلا يالاجودي

الرجال طلب الشور وعسى الله يكتب له مافيه الخير ولا ودنا نزيد ونكثر بالكلام في موضوع الرجال

بالتوفيق للجميع

اولاً ان تقول السالفة طالت وانا اقولك وشفيها اذا طالت ؟ المنتدى هذا وضع للنقاشات الهادفة و حنا نقاشنا هذا يوضح امور كثيره يستفيد منها الكل. ليش تعتقد ان طول النقاش شي سيئ؟ يعني عيب علي اذا طال النقاش؟

اما بالنسبة لنقطة ان صاحب الموضوع يقول ان الجيوب القديمة صرفية عالية انا قلت انها بالمقارنة مع الجديدة نعم القديمة صرفيتها عالية. هل في كلامي شي غلط؟؟! وضح

اما بالنسبة لقولك بالعوامل اللي ذكرتها ، كلنا نعرف ان هذه تأثر عالصرفية لكن انا ركزت على سعة الخزان و قلت لك في ردودي السابقة ان المشي بالموتر من مدينة الى اخرى ليست حسبه صحيحة للصرفية. ياخي مثلاً البرادو 2010 السعودي سعة خزانه 87 لتر ، يعني ما يمشيك المسافه اللي تمشي فيها انت على موترك القديم. هل معناتها ان صرفية البرادو اسوء من من صرفية موترك؟ بالتأكيد لا. صرفيته طبعاً احسن لكن خزانه ما يساعد.


هل في شي في ردودي يبين اني قاعد اتهاوش معاك او اشتمك؟
الاختلاف في النقاش تراه شي مفيد لكن بعض الناس يحسب كل صيحة عليه.
لكن انا لن اقول اعتذر عن اكمال النقاش مع اللي مثلك و شرواك لأن اللي يهمني ان الكل يستفيد و انا من المستفيدين.

تحياتي

[badwi]

السلام عليكم
عزيزي انا افول افضل شيء للي تقول لاند كروزر هدد من2005 الى 2007 لكن اصبر على غلا النظيف منها

[قناص الأشهب]

الله يقسم لنا ولكم مافيه الخير

[alharbi15]

أستخدمة الربع صرفيته عاديه ويعيبه مثل ما قلت المساحه
الحين معي اكستيرا ممتاز من ناحية المساحه والعزم للبر بس عيبه صرفية البنزين وبخصوص قطع الغيار الا الان ولله الحمد ما طلب شي
أنا من كارهين التويوتا لأنها ما تجي بموصفات مثل الأمريكي
بس دام عندك عايله خذ لك فورشنر مكيفين وسعره نفس الأكستيرا وفيه دفلوك
الأف جي يشرب بنزين وبعضهم يركب لك تانكي أسترالي وأنا مأستخدمته وهذا كلام ملاكه

[قناص الأشهب]

أستخدمة الربع صرفيته عاديه ويعيبه مثل ما قلت المساحه
الحين معي اكستيرا ممتاز من ناحية المساحه والعزم للبر بس عيبه صرفية البنزين وبخصوص قطع الغيار الا الان ولله الحمد ما طلب شي
أنا من كارهين التويوتا لأنها ما تجي بموصفات مثل الأمريكي
بس دام عندك عايله خذ لك فورشنر مكيفين وسعره نفس الأكستيرا وفيه دفلوك
الأف جي يشرب بنزين وبعضهم يركب لك تانكي أسترالي وأنا مأستخدمته وهذا كلام ملاكه

اللي فهمت من كلامك ان الاكستيرا يصرف بنزين اكثر من الربع .
وياليت توضح لي موديل موترك وكم ماشي .
وهل قطعه متوفرة .
وهل تشوف انه ممتع في البر ولا عادي .
وهل حسيت في بعض الاحيان ان عزمه ضعيف يعني حسيت يوم من الايام انك تحتاج عزم اقوى منه .
واسف على كثرة الأسئله . لأنه داخل مزاجي ولكن سالفة صرفية البنزين اول مرة اسمعها منك .

[شاص&نص]

وش رايك ب لاند 8 سلندر ديزل تيربو قير عايدي ب 132 وكاله؟
قوه و قل صرفيه و وسع وراحه ورساوة

[قناص الأشهب]

وش رايك ب لاند 8 سلندر ديزل تيربو قير عايدي ب 132 وكاله؟
قوه و قل صرفيه و وسع وراحه ورساوة

والله ما يمنعني من الديزل الا قله الورش والفنيين اللي يعرفون تصليحه . لامنه خرب علي في الديرة مايعرف له احد . الا والله الشور الطيب

[Abu Sary]

رأي

كل الخيارات غير مناسبة نهائياً وراح تتعبك بحكم أنه موترك موتر عائلة ومقناص

وإذا مره ملزم بين الثلاث الأف جي الانسب لك بحكم عائلتك

والربع التويوتا لازم تلغيه من قاموسك حرام فيه ريال


إضف لخياراتك

جي أكس من موديل 2002 إلى 2007

نيسان فتك ( جديد ) الباقي تتعبك

[شاص&نص]

دام الموتر جديد و على يدك و محافظ على صيانته ف ما اتوقع بتحتاج ورش اول خمس سنوات

[alharbi15]

اللي فهمت من كلامك ان الاكستيرا يصرف بنزين اكثر من الربع .
وياليت توضح لي موديل موترك وكم ماشي .
وهل قطعه متوفرة .
وهل تشوف انه ممتع في البر ولا عادي .
وهل حسيت في بعض الاحيان ان عزمه ضعيف يعني حسيت يوم من الايام انك تحتاج عزم اقوى منه .
واسف على كثرة الأسئله . لأنه داخل مزاجي ولكن سالفة صرفية البنزين اول مرة اسمعها منك .


هلا فيك
بالنسبه لموتري 2014
صرفية البنزين أشوفه يصرف بالنسبه لي
بخصوص القطع إلى الان ما أحتجو شي

الممشى 80 ألف
العزم ولله الحمد موتري بدون أي أضافات يطرب في النفود

أتمنى أني أفدتك في أجاباتي

[1824]

z71 تاهو حجم ولا احلى قوة وعزم ومرتفع ومريح ومصفح من الاسفل وماخذ الافضل في فئة الكبار من ناحية التوفير بل ان توفيره افضل من الاف جي طبعا الارقام موثقة بالانترنت وصدمه ولكن هذي الحقيقة ولا تنسى 8 سلندر عزم وقوة ولا تنسى تبرمج المراوح برى حقته عند محل برمجة ويصير موتر كامل والكمال لله ومجرب شخصيا لاكثر من 100الف كيلو للان مقناص ومهابد ومافي مثلة من برمجت المراوح صرت ما اشيل هم شيء والجموس توانكيها كبيره ما يحتاج من ناحية البنزين تقعد 3 ايام الى 4 بدون تعبئة في البر اذا تستخدمه فترة طويلة يوميا في البر اما اذا ابو ساعة وتكية يقعد اسبوع كامل بالراحة وفقك الله

[الحربي 591]

...خذ لك جمس حوض او غيره تجمع مواصفات الراحه و القوه و الصرفيه ..

[Kato]

ليش مايكون vxr 2007 من ظمن الخيارات