تجربتي طريق بيشه _ الرين شهر 10 عام 37هجري

[مخ سعودي]

تجربتي في طريق الرين بيشه
1- مختصر جدا
2- الطريق واسع ويمدي تطوف مع ثلاث سيارات
3- محطات البنزين متوفره وبكثره والجمس عموما على ممشى 170 كيلو يوديك من الرياض الى برودان وفيه فوق النص او حولها ومن برودان لبيشه يكون البنزين عندك فوق الربع يوديك لسبت العلايا ان رغبت فلا خوف من ذلك
4- الخط فيه بعض المناطق تثير الاتربه
5- لايوجد ساهر ابدا
6- شبكات الجوال ممتازه وماقطعت معي مع ان شبريحتي زين
الخط جديد ومليان مسافرين ولايوجد به حفر حتى ان واجهت سيارات من الامارات
وللاسف مليان بعارين ينصح للي يسافر بالليل يكون على حذر شديد منها


والله الحافظ
سبب كتابتي للموضوع جميع المواضيع تخوفك من الطريق لدرجه تحس انك خارج السعوديه

[abuziyad3]

جزاك الله خيراً

أنا ناوي أطلع أبها مع العائلة ومتخوف من الطريق وأنت شجعتني :good2:

[رسمال]

جزاك الله خير يعني من الرياض الى ابها صارت كم كيلو؟

[الدوسري2010]

من الرياض الى ابها مع خط الرين 948كم اما مع خط وادي الدواسر 1046كم يعني الفرق حوالي 100 كم طريق الرين ممتاز في النهار

[ابو وهاد]

السلام عليكم

انا جيت منه من الخميس لين الرياض وكملت للدمام

صراحة طريق ممتاز وجدا مختصر ومافي مطبات ودخول محافظات زي طريق الدواسر

بس يعيب عليه لما تطلع من بيشة وانت ماعبيت بنزين خصوصا لو باقي ربع راح تتوهق لازم تعبي من بيشة او قبل المفرق الجديد فيه محطة ع يسارك وانت متجهه لبيشة
مافي محطات الا بعد 250 كيلو من المفرق
المشكلة في بعض المحطات تكون داخل الهجر مش على الطريق

والمشكلة الاخرة ان الطريق مليء بالجمال لا ينصح به ليلا والله يحفظ الجميع

والمشكلة الكبرى طريق الخميس بيشة بعد مايصير مزدوج طريق تعبان متهالك وخطير وكثير المنحنيات وكثير الشاحنات صراحة يهد الحيل نأمل الانتباه خصوصا بالليل

واخر شي اذا عديت الرين مافي لوحة تعطيك كم باقي على الرياض الا قبل الرياض 141 كيلو تجيك لوحة وحيدة

هذه ابرز الملاحظات اللي قابلتها في طريقي مع امنياتي لكم برحلة سعيدة

[ابو عمر النوح]

جزاك الله خير و عسى الله يكتب لك الأجر

[أبو محمد 3113]

الطريق ممتاز جدا
افضل الممشى في النهار
والتشييك على البنزين دايم
والحذر من الجمال

[ناصح]

تجربتي في طريق الرين بيشه
1- مختصر جدا
2- الطريق واسع ويمدي تطوف مع ثلاث سيارات
3- محطات البنزين متوفره وبكثره والجمس عموما على ممشى 170 كيلو يوديك من الرياض الى برودان وفيه فوق النص او حولها ومن برودان لبيشه يكون البنزين عندك فوق الربع يوديك لسبت العلايا ان رغبت فلا خوف من ذلك
4- الخط فيه بعض المناطق تثير الاتربه
5- لايوجد ساهر ابدا
6- شبكات الجوال ممتازه وماقطعت معي مع ان شبريحتي زين
الخط جديد ومليان مسافرين ولايوجد به حفر حتى ان واجهت سيارات من الامارات
وللاسف مليان بعارين ينصح للي يسافر بالليل يكون على حذر شديد منها


والله الحافظ
سبب كتابتي للموضوع جميع المواضيع تخوفك من الطريق لدرجه تحس انك خارج السعوديه

رحت معه قبل اسبوعين ورجعت البارح

الطريق ممتاز جدا جدا
يعيبه أنه ما فيه ساهر ولا أمن طرق
سرعة جنونية من بعض السائقين وتهور خطير في التجاوز من بعض السفهاء

لذا أفضل وقت تمشي فيه قبل الفجر بساعة بحيث تدرك برودة الأجواء وقلة السيارات .

ونسأل الله لنا ولكم العافية والسلامة

[abdullah2001]

من الرياض الى ابها مع خط الرين 948كم اما مع خط وادي الدواسر 1046كم يعني الفرق حوالي 100 كم طريق الرين ممتاز في النهار
يعني 100 كيلو تستاهل ان اجي من طريق مافي خدمات ولا أمن طرق

انا طالع بعد اسبوعين من الرياض الي ابها
ومحتار خاصه معاي عائله
فهل تنصحون اجربه
وماهو الطريق الذي اسلكه حتي اصل الى أبها
ممكن احد يوضح لي المسار
وهل طول الطريق سريع او انه خط واحد رايح جاي
وهل في تحويلات

ولاتحرمونا من نصائحكم

وهل احد جرب طريق الحائر الي الحوطه مباشره
او ان خط الرين افضل

[الجنوبي2020]

يعني 100 كيلو تستاهل ان اجي من طريق مافي خدمات ولا أمن طرق

انا طالع بعد اسبوعين من الرياض الي ابها
ومحتار خاصه معاي عائله
فهل تنصحون اجربه
وماهو الطريق الذي اسلكه حتي اصل الى أبها
ممكن احد يوضح لي المسار
وهل طول الطريق سريع او انه خط واحد رايح جاي
وهل في تحويلات

ولاتحرمونا من نصائحكم

وهل احد جرب طريق الحائر الي الحوطه مباشره
او ان خط الرين افضل

الطريق ممتاز للي مامعه عايله لأن مافيه استراحات ولا أمن طرق يعني من تتعطل سيارته الله يعينه نادر تلقى أحد يوقف لك وخط واحد رايح جاي يتجاوز عليك وهو يمشي 180

ولكنه مختصر ب100 كيلو وتفرق في الوقت لأنه مايمر في مدن ولاقرى

أما طريق الوادي مزدوج وفيه محطات واستراحات يعيبه فقط المرور في مدن كثيرة وكم تستغرق من الوقت في كل مدينة خاصة وادي الدواسر طرقها متهالكة وناس متهورين


لو تتوفر في طريق الرين المحطات وأمن الطرق كان صار أفضل من طريق الوادي ب1000 مرة


توصل بالسلامة بإذن الله

[مخ سعودي]

بالنسبة للمحطات الاولى من كل شخص ان يقوم بصيانه موتره قبل السفر والتأكد من جاهزيتها
ولكن الاعطال وارده في اي مكان سواء سافرت من خط الوادي او الرين ميزة خط الوادي تواجد عدد من المحطات وامن الطرق
اما طريق بيشه يمر في قرى والمقطعه فيه ماتتجاوز ظ£ظ¥ظ× كيلو والساتر ربك لكن الخط مايفضى ابد

[amsk]

يعني 100 كيلو تستاهل ان اجي من طريق مافي خدمات ولا أمن طرق

انا طالع بعد اسبوعين من الرياض الي ابها
ومحتار خاصه معاي عائله
فهل تنصحون اجربه
وماهو الطريق الذي اسلكه حتي اصل الى أبها
ممكن احد يوضح لي المسار
وهل طول الطريق سريع او انه خط واحد رايح جاي
وهل في تحويلات

ولاتحرمونا من نصائحكم

وهل احد جرب طريق الحائر الي الحوطه مباشره
او ان خط الرين افضل

انصحك اخي الغالى بالسفر بعد التوكل على الله مع طريق الرياض وادي الدواسر ابها السريع فهو بكل سلبياته افضل وأمن واريح بكثير من طريق بيشة الرين ذو المسار الواحد.
لا أنصح بالطريق الا لمن يريد السفر لرنيه و بيشة وضواحيها او ما جاورها شرقا وغربا وفي النهار فقط لكثرة حوادث الاصطدام بالابل ليلا ونهارا وعدم وجود اسعاف او مستشفيات.
زومن اراد المواصله الي ابها فالمسافه التى تبلغ حوالى 250 الى 300 كلم متر فهي تقع ظمن نطاق ما يسمى بطريق الموت بين بيشه وابها ولا ينصح بها ان امكن تلافيها .

[abdullah2001]

شكرا لكل من شارك برأيه

وأنا راح أجي عن طريق وادي الدواسر والخرج
والله يسهل الامور

ما دام خط الرين لا أمن طرق ولا محطات ولا خدمات خاصه ومعاي عائله