لــغـــز من تراثــنا........الحل:قلم الريشه....حله:الكوكب

[فــزاع]

انا بنشد عن عذرى شعرها دايم فله ...... وهي مملوكه للي يعطشها ويرويها

اهي مـيته ولكـن ديما تشرب ومبـتله ......من اول كانت بروح ومنها الله منشيها

لها بـيت يلـفيها بعـيد عنـها بظـله ......ولا فـوقه سقف من شان يـسترها ويحمـيها

لهـا قـدر ومـكانه عند من يحكم ومن مثلـه .....تطور جيلها الحاظـر وبعد ما حــسنوا فـيها



انشالله بس مو صعب :D :D :D

[الجريح]

صح لسانك اخوي قناص خيطان
وانشاالله مو صعب
خذهالرمعه (القربه)
وانشاالله صح ...
تقبل تحياتي اخوك الجريح

[الكوكب]

مع اخي الجريح في حل الغز وان شاء الله صح

القربه صح يا قناص خيطان

تقبل تحيات
اخيـــــ الكوكب ــــك

[ابو نجود]

اخوي قناص خيطان عندي رمعة...فتيلة السراج ..وش قلت؟
اخوك ابو نجود

[فــزاع]

صح ابدانكم ولاهنتو يالربع على هالمشاركه والتفاعل اخواني ( بو نجود , الجريح ,الكوكب)

واما عن الاجابه ... فمالكم لواا :D ماهي (القربه) ولاهي (فتيله)السراج ....:D

والمجال مفتوح مرتن ثانيه لكم ولخواني الاعضاء والزوار جميعااا ويعطيكم العافيه


اخوكم قناص خيطان

[الكوكب]

ابرمع وعلى الله

موب الريشه اللى يكتبون بها اول

وحل مكانها القلم

[فــزاع]

هلا والله اخوي الكوكب ومشكور على تفاعلك وياي

واحب اقولك جبتها وصدتها والله يالذيب يا كوكوب كفوو :D :D
صج الاجابه انها ماهي كامله بس ماعليه راح اكملها لك واوضحها :good:

الاجابه هي :(الريشه) بالماضي الي يكتبون فيها فيها وبيتها الي اقول عنه هو(المحبره الي فيها الحبر) والي حل مكانها حاليا هو القلم...

ولاهنت يالذيب على هالمشاركه ويعطيك العافيه:good:


اللغز الثاني انشالله بموضوع جاي وشكرااا :D



اخوكم قناص خيطان