جديد قرم.لاصحاب الباثفندر..صور لاتفوتك.

[قرم]

السلام عليكم.
هلابالشباب.. عدنا مجدداً بإضافه جديده ولمسه جماليه ذات فائده وتجهيز إضافي من تجهيزات قرم واللتي
يتم إنتقائها بحرص وتقديمها بشكل سهل لتصل إلى الجميع..إما يتم تطبيقها ويستفيد المتصفح,,او تكون فكره
جديده نحرك بها مياه المنتدى الساكنه احياناً.. المهم الفكره تتمثل ب كشاف هالوجين قوة 55واط يتم إضافته
في مقدمة الباثفندر تحديداً في الوسط ويكون عامل مساعد لزيادة الأناره امام السياره, وينبغي إستعماله في
الصحراء فقط..ويتم التحكم به ب مفتاح مستقل يستمد قواه من البطاريه مباشره ويكون هنالك فيوز للسلامه
في حال الألتماس يقوم بوظيفته..ماأطول عليكم .دعونا نستمع إلى الصور فأحياناً الصور خير من يتكلم..
بسم الله نبدأ وعلى هداه نسير..

الكشاف.
http://www.mekshat.com/pix/upload/images26/mk8645_ko1.jpg

يتم تجويف منطقة وسط الشبك الأمامي بعدإزالة علامة نيسان.
http://www.mekshat.com/pix/upload/images26/mk8645_ko2.jpg


هذه القطعه موقعها في وسط الشبك من الداخل ووضيفتها تثبيت الشبك إلى جسم السياره .ينبغي عمل ثقب فيها
من اجل ادخال المسمار المثبت للكشاف.
http://www.mekshat.com/pix/upload/images26/mk8645_ko3.jpg

تم تركيب الكشاف,وتم تثبيته بالقطعه الوسطى,وتم تثبيت القطعه كذلك في الشبك.
http://www.mekshat.com/pix/upload/images26/mk8645_ko4.jpg


عملية توصيل الأسلاك وعزلها بالشطرطون.
http://www.mekshat.com/pix/upload/images26/mk8645_ko5.jpg


الفيوز ضروري . السلامه اولاً.
http://www.mekshat.com/pix/upload/images26/mk8645_ko6.jpg

التوصيل لمفتاح التحكم.

http://www.mekshat.com/pix/upload/images26/mk8645_ko7.jpg

تم التوصيل, وأرجعنا المفتاح لمكانه.
http://www.mekshat.com/pix/upload/images26/mk8645_ko8.jpg

باقي يابيي ماقضينا..وراي..حط رجلك والوعد هناك. :row:

[قرم]

هكذا يجب ان يكون. للعلم تم نحت علامة نيسان لتكون برواز للكشاف ليزداد رونقاً وتألقاً.

http://www.mekshat.com/pix/upload/images26/mk8645_ko9.jpg

وهومضاء.
http://www.mekshat.com/pix/upload/images26/mk8645_ko10.jpg

في ميدان التجارب.
http://www.mekshat.com/pix/upload/images26/mk8645_ko11.jpg

كما جرت العاده..تحية إجلال وإكبار للجنود المجهولين والعاملين بصمت :director:
http://www.mekshat.com/pix/upload/images26/mk8645_ko12.jpg


اخيكم الصغير.....قرم :heart:

صور إضافيه, ومفيده..إستمتع.
http://www.mekshat.com/pix/upload/images26/mk8645_s5000025.jpg
http://www.mekshat.com/pix/upload/images26/mk8645_s5000030.jpg

http://www.mekshat.com/pix/upload/images26/mk8645_s5000063.jpg
http://www.mekshat.com/pix/upload/images26/mk8645_s5000076.jpg

http://www.mekshat.com/pix/upload/images26/mk8645_s5000115.jpg
http://www.mekshat.com/pix/upload/images26/mk8645_s5000117.jpg
http://www.mekshat.com/pix/upload/images26/mk8645_s5000129.jpg
http://www.mekshat.com/pix/upload/images26/mk8645_s5000142.jpg

[google1]

ماشاء الله عليك ياقرم
دائماً مبدع
ووالله انك عضو مميز من جد

بالتوفيق ان شاء الله

[محب النياق]

حركه رهيبه وماقصرت

ياحظ اللي معهم باث يستفيدون منك

ماشاء الله..

[الواااافي]

ماشاء الله عليك

الله يعطيك العافيه

[القصير]

ما شاء الله عليك يا قرم ...

حركة ولا في البال صراحة ...


جاري تركيبه واعطيك خبر وش يصير فيه

[القصير]

طيب شلون دخلت الاسلاك الى داخل الطبلون ؟؟؟

[BASSAM]

اخوي قرم

ما شاء الله شغل ولا احلى

جزاك الله خير




بسام

[باثفندر]

http://www.mekshat.com/pix/upload/sign/images/mk41765.gif

الصراحه ( مبدع )
ويعطيك الف عافية بس سؤال ؟
كيف الوزنية فوق تحت وين لقيت المقاس باضبط قد العلامة ؟

[أيمن]

( لقد تم إضافة هذا الموضوع إلى مواضيع المبتكرات والاختراعات (http://www.mekshat.com/vb/showthread.php?s=&threadid=12308) )

مع الشكر للجميع ،،

http://www.mekshat.com/pix/upload/images/flow12.gif

مشرف الخيمة

[الهلي 349]

حركة روعة تشكر عليها
انا اشهد ان مخك خطير
ما شاء الله تبارك الله

[ابوعبدالله9999]

تسلم يا مبدع وجزاك الله خير.

[قرم]

السلام عليكم.
هلا بالشبيبه.

google1 ..ماعليك زود يابن الطيبين ,اشكرك كل الشكر على إطرائك.

محب النياق..سلمت, وعوفيت ,أشكرك على التكرم بالمرور والرد.

الواااافي..الله يعافيك ومن تحب جزيت خيراً.

القصير..يالله حيه.. الصراحه لايوجد منفذ واضح للأسلاك من الغماره إلى خارجها ..بحثت طويلاً ,ولم اجد!! بعدها إضطريت لعمل ثقب بالدريل, وسأوافيك بالصور إن شاء الله في ا لردود اللاحقه عن مكان الثقب.

BASSAM ..وأنت كذلك,,والله يحلي ايامك, ويطول عمرك في طاعته اخوي بسام.

باثفندر..معليش يامكثور الخير..ليتك توضح سؤالك لي اكثر وسأوافيك بالرد بإذنه تعالى.


أيمن..اخي ومشرفنا العزيز.. جزاك الكريم كل خير لإضافتك هذا الموضوع ضمن مواضيع المبتكرات والاختراعات
لعموم الفائده.
تحيه طيبه للجميع.

[عمار السفينه]

ماشاء الله تبارك الله

وش أقول وش أخلي

يا دكتور باثفندر

الله يوفقك

[منتعش]

لله درك
وما شاء الله تبارك الله
ما أقدر أقول : إلا الله يحرسك ويحفظك ويرعاك .

[قرم]

السلام عليكم.
يالله حيهم أجمعين. اهلاً بكم مره اخرى مع مزيد من الصور لإيضاح مافاتني إيضاحه كالتمديدات ومكان خروج الأسلاك وخلافه. الخطوات بالترتيب.
ينبغي فك هذا المسمار.
http://www.mekshat.com/pix/upload/images26/mk8645_nn1.jpg


إنزع هذا الغطاء بحرص, وستجد خلفه فتحه وبها إسفنجه اخرج الأسفنجه وأبدأبالثقب افقياً,هنالك طبقتان من الحديد يتعين عليك ثقبهن مابينهن إلا مليميترات. وثقبهن بسيط ..حديد الياباني لك عليه.http://www.mekshat.com/pix/upload/images26/mk8645_nn2.jpg

هذا الثقب .

http://www.mekshat.com/pix/upload/images26/mk8645_nn3.jpg


من هنا يمرر السلك.
http://www.mekshat.com/pix/upload/images26/mk8645_nn4.jpg


الجهه الأخرى..بعد تمرير السلك خلال الثقب من داخل السياره لخارجها سيمر من خلال الرفرف ..يتعين عليك إستخدام سسته الخاصه بالكهربائيين هنالك 3مسامير في اعلى الرفرف فكهن وأرفع الرفرف بيدك قليلاً لتسهيل مرور السلك..والله يعينكم على هالعمليهhttp://www.mekshat.com/pix/upload/images26/mk8645_nn6.jpg

روابط لصور فائضه.
http://www.mekshat.com/pix/upload/images26/mk8645_s5000159.jpg

http://www.mekshat.com/pix/upload/images26/mk8645_s5000182.jpg

http://www.mekshat.com/pix/upload/images26/mk8645_s5000184.jpg

http://www.mekshat.com/pix/upload/images26/mk8645_s5000185.jpg

http://www.mekshat.com/pix/upload/images26/mk8645_s5000186.jpg

http://www.mekshat.com/pix/upload/images26/mk8645_s5000187.jpg


الهلي ..الشكرلله وحده..تسلملي يالغالي.

راعي وناسه..الله يسلمك من الشر..اشكرك.

خراب السفينه..قل جزاك الله خير,وهذا يكفيني..سلمت ويسلملك من تحب أشكرك على إطرائك.

منتعش..وأنت كذلك اخي منتعش, والله يحرسناوياك وأمة محمد ..أمين يارب.

هلابكم مره أخرى,وتحيه طيبه لكم جميعاً. اخيكم ...قرم.

[باثفندر]

http://www.mekshat.com/pix/upload/sign/images/mk41765.gif

سؤالي ياقرم انه بعد ما تركب الكشاف كيف توجه النور فوق او تحت هل بالكشاف ميزانية او النور ثابت الاتجاه ؟

[ناصح]

بصراحة أنت مبدع ومفكر ذكي


لكن لي أمنيه أسأل الله أن تتحقق

وهو
.
.
.
.
.
.
.
.
.
.
.
.
.
.
.
أن تشتري لاند كروزر gx-r

علشان تبدع فيه ونستفيد من أفكارك النيرة

نسأل الله لك التوفيق في الدنيا والآخرة

[الصادق]

تحياتي أخي القرم
إسم على مسمى ما شاء الله تبارك الله والله أني لا أملك مثل هذه السيارة لكنني أغبط أصحابها على ما رزقهم الله بشخص مثل سعادتكم حفظكم الله من كل عين

[أبوناصر]

اخوي المبدع العزيز قرم يعطيك ألف عافية على التوضيح والصور والفكرة الجميلة


لي سؤال خارج عن نص الموضوع وهو من مضمونه



القزازة الخلفية عندي ما تنفتح إلا بالرموت أو المفتاح


وعيب الرموت لازم أطفي الموتر واطلع المفتاح من السويتش عشان أقدر أفتح القزازة الخلفية



سؤالي بسيط


كيف احط زر أقدر افتح به القزازة الخلفية زي زر الجرس


يعني من وين أسحب اسلاك تخلي القزازة تنفتح بدون الرموت والمفتاح



والله إني في حاجه ها الشي للضرورة القصوى



أخوك أبوناصر

[أبوناصر]

اخوي المبدع العزيز قرم يعطيك ألف عافية على التوضيح والصور والفكرة الجميلة


لي سؤال خارج عن نص الموضوع وهو من مضمونه



القزازة الخلفية عندي ما تنفتح إلا بالرموت أو المفتاح


وعيب الرموت لازم أطفي الموتر واطلع المفتاح من السويتش عشان أقدر أفتح القزازة الخلفية



سؤالي بسيط


كيف احط زر أقدر افتح به القزازة الخلفية زي زر الجرس


يعني من وين أسحب اسلاك تخلي القزازة تنفتح بدون الرموت والمفتاح



والله إني في حاجه ها الشي للضرورة القصوى



أخوك أبوناصر

[العيد]

ما شاء الله عليك مبدع :) حظ اللي معهم باث فندر فيك

[المعمري]

ما شاء الله عليك يا قرم ...
اخوك- المعمري

[المميـز]

ماشاء الله عليك مبددددددع

لو تضيف علامة نيسان الفضيه على الكشاف اتوقع تطلع حلووه

[قرم]

يامرحبا بالطيبين..وياهلوتين يالله حيهم.

باثفندر..الكشاف ثابت,وهذا عيبه الأوحد.. ولا أخفيك سراً هومرتفع قليلاً .لكني اعمل على إيجاد حل لها لمسأله .
لكن لابأس به فهو من النوع الإنتشاري وليس مركز(بؤري) وهذا اللي مزينه. وهلابك


ناصح..اشكرك على إطرائك السحري والله ربي يوفقنا جميع لرضاه.

لكن لي أمنيه أسأل الله أن تتحقق .
أن تشتري لاند كروزر gx-r

علشان تبدع فيه ونستفيد من أفكارك النيرة ماعندي مانع الله يحفظك..خلاص قطو يا اهل التايوت وجيبولي واحد وأبشرو :p بس رجاء يكون 2007 :o ولو ماكفت القطه..هاتو إيكو مافي مشكله انا ادبرها
اخي ناصح اشكرك على هالدعوه اسأل الله ان يتقبل منك الله ربي يرعاك ويحفظك مره اخرى اشكرك على مرورك


الصادق..اشكرك كل الشكر الله يجزاك خير....سعادتكم.... لاهذي كبيره علي الله يحفظك ,تحيه طيبه . :)

أبوناصر..هلابك..



القزازة الخلفية عندي ما تنفتح إلا بالرموت أو المفتاح


وعيب الرموت لازم أطفي الموتر واطلع المفتاح من السويتش عشان أقدر أفتح القزازة الخلفية



سؤالي بسيط


كيف احط زر أقدر افتح به القزازة الخلفية زي زر الجرس


يعني من وين أسحب اسلاك تخلي القزازة تنفتح بدون الرموت والمفتاح
لوسيارتي مثل سيارتك لبحثت لها عن حل اكيد.والله إنك معذور .انا سيارتي بدون ريموت ,لذا لا اعاني من هالمشكله..لكن حل هالمسأله في إعتقادي بسيط, ويقوم بها اي كهربائي ,,ولوسيارتي فيها هالخاصيه كان ابطلتها
او اضفت لها خط إضافي جانبي يأتي من مصدر تيار وبينهما قاطع يعمل بالضغط كزر شنطة السيارات الأمريكيه
وعند ضغطه يسمح بمرور التيار إلى القزازه ويفتحها وعند تحريره يقطع التيار ..لكن هذه لا تعدو عن كونها افكار
لاتعتبرها قاعده ينبغي الأخذبها. :no2: . ينبغي الذهاب بالسياره إلى الكهربائي اضمن فهو يرى مالا ارى..استميحك عذراً :(
إن لم تجد ضالتك في جوابي .تحيه طيبه والله يوفقك


العيد..مشكور يالغالي ..تسلم

المعمري..اشكرك على المرور والرد.

اشكركم جميعاً والله يوفقني وإياكم ودمتم برعاية الكريم ..اخيكم ..قرم

[الربذي]

هلا وغلا باكبر محربث بمكشات
الاخ قرم
مشاء الله عليك
انا اغليت الباث من شانك تصدق
الا وش اخبار الوالد الله يحفظه عساه بخير
الا ابي اسالك على الطاير كيف يوزن كويل الباث ركبت طرمبه ماء كان يهرب بس وهي بارده يعني اذا قمت الصبح وحطيت ماء هرب وذا سخنت راح عقد الورش المهم قالي هندي جيب طرمبه ركبها يوم مشيت الا سيارتي كانها بستم واحد تصدق بالواحد تبي فتره عشان تاصل 20 كم رجعت وجاب مفك ودخله جمب مجمع البواجي المهم زانت لكن مازالت ثقيله جدا لكن احسن من اول مره مشيت من انا للي مجنني وش دخل الكويل يفكه ويخرب وزنيته سالته قال عشان افك الطرمبه
طبعا يازنه يدوينا واروح الا ثقيله كانها محمله عفش ارجع يازنه اطلع قالي وكنا المغرب تجي بكره وافكه لك واوزنه ثانيه من داخل يقول وزنيه داخليه خايف يخربه علي وش رايك
اخوي

[أبوناصر]

مشكور اخوي قرم على الرد وأنت والله معذور


لكن ودي أدور عنه بنفسي هل أبحث في الفيوزات الي تحت عن السواق ولا الفيوزات الي في الكبوت جمب المكينة .؟

[قرم]

السلام عليكم.

اخوي الربذي ..مومعقول..تصدق بغيت ازعل عليك..تدري ليش؟ قلت الرجال ماشا الله عليه يسوي خمسات بالمنتدي ويضرب جلنطات ليما تمسحن كفراته وغير جنوطه ولا يمر يسلم !! ياخوي هناك موضوعين ل أخوك قرم
محتاجه لمرورك العاطر وكلماتك الساحره اللي عودتنا عليها..تصدق لك وحشه..وش اللي صار وين المحاربين القدامى من اهل الباثات.وين نمربن حثلين,,شايب الصمان,,بلاك باث,,الجنوبي.وغيرهم كثير لاتحضرني اسمائهم ..
الله يوفقنا وياهم.ولا افضلهم على من عندي واللي مروا فيهم خير كثير
بخصوص الوالد الله يحفظه ماشا الله عليه كل يوم وهوبراس طعس ,ماغير يهيجن ويناضر بالمنشا.

الا ابي اسالك على الطاير كيف يوزن كويل الباث
سيارتك وش موديلها؟
هل لها ديلكو تجتمع فيه اسلاك البواجي والكويل؟
ام على كل بوجي كويل كما هي السيارات الحديثه؟

إذا كانت لسيارتك ديلكو فأفضل طريقه له وزنه إلكترونياً بواسطة جهاز يشبه المسدس تستعمله اغلب الورش.
وأما ان كان على كل بوجي كويل. لن يكون هنالك ديلكو,والكويل لايوزن.


المميـز..جزيت خيراً..والعلامه الله يسلمك أستعملت كإطار يحيط بالكشاف. افتح رابط الصوره.
http://www.mekshat.com/pix/upload/images26/mk8645_s5000182.jpg

دمتم برعاية الله.

[قرم]

لكن ودي أدور عنه بنفسي هل أبحث في الفيوزات الي تحت عن السواق ولا الفيوزات الي في الكبوت جمب المكينة .؟

ابوناصر حياك الله انا تحت امرك..لكن ودي انبهك ان السيارات الحديثه اكثر تعقيداً من القديمه خاصه في امور الكهرباء و قطعها اغلى من سابقاتها وأحياناً لن تجد القطعه التالفه حتى في الوكاله نفسها ..اللي ابي اوصله لك
عط الخباز خبزه..لاتحبرش وأنت لاتملك الخبره,هنالك من هم فاتحين محلاتهم لمثل هذه الأمور ..وقروشك تخدمك
هم عندهم الخبره والأجهزه اللي تعينهم في مهنتهم. خذ هالنصيحه.رح للكهربائي وقل له المطلوب بالضبط وخلك
عنده وشف وش يسوي ..خلك فضولي, واساله وش ذا وش وضيفة ذا ولا تروح من عنده إلا وأنت عارف وش سوى وكيف حل المشكله .رسخها في ذهنك .هكذا تكسب خبره,وتعلم إخوانك اللذين يعانون من نفس المشكله وترى
في إعتقادي حلها بسيط للغايه.لكن لابد من عين ثاقبه ويد خبيره..إنتبه لا تحرق ضفيره ولا تخرب الكمبيوتر بالحبرشه
والله ينولك مرادك ويسمح طريقك,والله إني لك ناصح ..اخبر سيارات منول لاحترقت ضفيرته ولفناله من اسلاك البيت والى ضرب الفيوز حطيناله قصديره والسياره كله مابه إلا كم سليك وكم فيوز وساتره رب العالمين والى منه خرب بليتين الددسن حطيناله بليتين مازدا ولا سوبارو ولا دهاتسو كانت هنالك خيارات عده ..لكن الأمور إختلفت
بهالزمن ..اتت الرفاهيه واتى معها التعقيد الله يحفظ

[escape_man]

ماشاء الله لاقوة الا بالله

الله يحرسك اخوي قرم ويحفظك بحفظه

ويخليك ذخر لمكشات واخص امثالنا ملاك الباث

[الجنوبي]

الأخ الغالي

قرم

الله يعطيك العا فيه على هذه الأفكار النيره

وتستا هل وسام التميز

وعقبال ماتنجمع موا ضيعك
برابط واحد من ضمن الموا ضع المميزه

[shaheenshah]

لله درّك

وما شاء الله تبارك الله

[أبرق دمعة]

.. .. هلا والله بأخونا قرم .. .. من طول الغيبات جاب الغنايم .. .. وانا أقول وينك منقطع لك فترة ..
أثرك تدبعن بالموتر !! !!
والله فكرة حلوة .. .. تشكر عليها والله يوفقك يأقرم ..

http://www.mekshat.com/pix/upload/sign/images/mk39342.gif

[عبدالرحمن]

يا خساره مصنع نسيان بدون ما يعرفونك يالقرم


http://www.mekshat.com/pix/upload/images26/mk8645_s5000063.jpg

[القصير]

الله يعطيك العافية ...

وشرح وافي ...

[أبوناصر]

تسلم والله أخوي قرم وكلامك عين العقل لكني أخاف أروح لواحد يتعلم في موتري ويوديه لداهية


قلت أجرب أنا بنفسي يمكن الموضوع سهل وخصوصا لاصار مثلك فاهم


وبالنسبة لي منيب قليل شر أحب أحثبر وبربس على قد معرفتي

واذا وديت موتر لأحد آقف على راسله وأتعلم


الا ذكرت بالنسبة للسيفرون مكانه شين هل له مفك خاص ؟؟؟

[salehhd]

السلام عليكم

ما شاء الله عليك عني عليك باردة

كييف تعديل وتضبيط للبر
مشكور ويعطيك العافية

[راعي تميم]

الأخ قرم ماشاءالله عليك والله يعطيك عافيه
وفكره أكثر من رائعه
اخوك راعي تميم

[قرم]

هلابكم جميعاً
escape_man ..بارك الله فيك ويحرسك من شر من فيه شر.


الجنوبي..مرحبابك حضورك ليس كسابقه .إشتقنا لمرورك يابن الطيبين,,الف شكرعلى إطرائك اللذي عودتنا عليه.

shaheenshah ..اشكرك يالغالي


أبرق دمعة ..هلابك ..والشكر موصول لك يامكثور الخير.

عبدالرحمن..تهقى لو يعرفوني وش يبي يسوون.! الله يفشلها من شركه ..عز الله ماخدمت سياراتها ولا إحترمت عملائها. تسلملي ياعبدالرحمن

القصير..الله مير يعافيك

أبوناصر..يالله حيه.. إلا وش هو السيفرون؟؟

وعليكم السلام salehhd.. يعافيك ربي ويحفظك

راعي تميم..مشكور على ردك ومرورك.
الف شكر لكم وتحيه طيبه.

[المربث]

يجب نقل الموضوع إلى خيمة إختراعات أعضاء المنتدى لأهميته ولأنه بإمكاننا الاستفادة من هذه الفكرة السباقة

شكرا للمبتكر القرم

[ابو وافي 444]

تسلم حبيبي

[الجندي2005]

رووووووووووووعة لو كان ما معي باث