اهل الباترول ..مطلوب مساعده

[fadhil]

عندى نيسان 2005 اسمع صوت ضجيج عند 120لم استطيع تحديده

القير يفصل عند التعشيق الثاني .. ارجو منكم المساعده

ولكم الشكر

[ممتر البران]

يا ابن الحلال رصص عند اليرموك وتعال علمني وش صار معك

[كاشت شمال]

وش مركب كفرات؟

[fadhil]

اخوانى .. اشكر لكم تجاوبكم

بالنسبه للكفرات برجستون ...وبعضهم نصحنى بتغييرها وانا متردد لان الموتر مشتريه ماشى 28000 فقط والكفرات تبين جديده فارجو منك التوضيح اذا كان ممكن يطلع الصوت منها عند سرعة 120 بالتحديد.. وارجو منكم توجيهى لاحسن نوع من الكفرات ..
بانتظار توجهيكم لأن الوكاله عندنا مايمدحون الفنيين اللى فيها تعبانين ولانى واثق فيهم .
اسأل الله تعالى أن يوفقكم .

[الهواوي0]

من واقع التجربة يجب عليك عمل ترصيص أرضى ولك كل الأحترام

[سوبربللى]

بدل الكفرات مع بعض علامة X وشف التغير عندك
ولاتغير الكفرات حتى تقتنع

[new1]

من واقع التجربة يجب عليك عمل ترصيص أرضى ولك كل الأحترام

وش معنى ترصيص ارضي لو سمحت

[حـاتـم]

اخوي انت تقول ان عندك صوت ضجيج على الـ120

ثم عندك القير يفصل بالثاني

موترك عادي ولاتماتيك

اذا موترك 2005 وجديد

الوكاله تحل لك المشكله ناا معي باترول 2006

مافيه صوت ضجيج ولا هواء والقير مافيه شي مب طبيعي والحمد لله

اما اذا انت مركب على موترك شي يايات او كعكات او شي فانا طلع معي صوت على كل سرعه صوت حكه

بعد ماركبت اليايات الرفيعه لكن شلتها ورجع الموتر عادي

ياليت تمر الوكاله ويشوفون السالفه

الاخوان يقولون ترصيص !!

وانا ما ارى حاجه في الي ذكرت للترصيص

الترصيص فقط للرجه اما الدركسون او البدي

وشكرا

أخوك / حاتم

[fadhil]

اشكر كل من شارك برأيه .
بدلت بين الكفرات وتم الترصيص للكفرات ايضا ولا زال الصوت موجود .
الاخ حاتم .. القير عايدى واحيانا لما اعشق بالثاني يرجع مايمسك .
بالنسبه للوكاله راح اوديه ان شاء الله بس اراءكم مهمه حتى ان اكون فاهم اى شى يسونه لانه الحمرانى حاط هنود ماتطمئن لهم .

وسامحوني غثيتكم

[احمددت]

اخوي اسباب الضجيج هو من الاسباب ابتالية
1:من مزانية التواير اي عدل المزانية
2:عدل مزانية الرودات
اذا عدلتها وفية صوت سو الي باقولك علية
1:شيك على كراسي القير
2:شيك على كراسي المكينة
3:شيك على شفت الدبل يمكن يكون عوج ولا محتاج تبديل صلايب
4:شيك علا الشفت العود الي بين الدفرنش الخلفي والقير
5:يمكن رنقات السيارة عوجي ضاربلك رسيف مطبة ردم ضربة قوية
اما بخصوص القير يفصل يمكن يبيلك تبديل الربلة الي تمسك العصى حقت القير
اجو اني افتك اخوي اسمع كلامي ومراح تندم خطوة بخطوة علاشان ماتخسر خساير.

[المميـز]

بالنسبه للصوت اللي تسمعه.... هل هو صوت هواء ؟؟ او صوت من المكينه ؟؟ او في الدفرنس ؟؟ او في القير ؟؟

يعني على الاقل حدد هل هو بالامام ؟؟ او بالوسط ؟؟ او بالخلف ؟؟

وبالنسبه للقير:

اكيد الترس حق الثاني خربان ولازم تفك القي ويغيرون لك الترس حق الثاني كامل

مع العلم ان الترس مايخرب الا بعد ماتمشي السياره فوق 200ألف

لكن اذا كان يطلع القير اذا رفعت رجلك عن البنزين هذا يبين ان الترس خربان

والله يعينك