يا أهل الشواصي التصدير

[شاص]

السلام عليكم ورحمة الله ..
ياجماعة الربع اللي منكم زد جاب له شاص من الخليج وصدّره وفحصه هل صحيح أن حقين الفحص يلزمونك بقص الدبة الأخيرة للشكمان وفك التانكي الثاني؟؟
لأن معي واحد من فترة لكني مابعد فحصته ولا طلعت له استمارة وإن كان هالكلام صحيح وش السواة تكفون ؟:confused:
ويقولون أنه في بعض قرايا سدير تقدر تطلع له استمارة بدون فحص ولا مواصفات ومقاييس فهل هذا صحيح أيضا؟

[الخبير]

السلام عليكم
انا مثلك عندي شاص 97 و يوم جيت ابي افحصة قالوا التانكي تشيله و الدبة تقصها ، و للاسف هذا إلي صار

[نجمة سهيل]

حياك الله اخوي شاص نعم هذا الكلام صحيح خالي معه شاص موديل 2000يوم وداه للفحص شالوا التانكي الثاني قالوا له ممنوع والمشكله ان السياره نظاميه مافيها كلاموفكوا الصفيره..وراح جاب ورقه ورجعه.

[هلكس]

السلام عليكم .

والله عندك نظام مدرري وش يبي

على طاري سدير
انا اعرف واحد يقوول لي
انه يجدد الاستماره في ( حوطه سدير ) بدون فحص ولا شي
بس لازم تعرف احد
او انك تروح الى احدى المعارض وهو يظبط وضعك
وفيه معرض اذكره في ( تمير ) بس مدري وش اسمه رح لمه وتفاهم معه
واذا بغيت تلفونه علمني

[شاص]

الإخوة الأعزاء .. الخبير ، نجمة سهيل ، هلكس ..
أشكر لكم تجاوبكم وردودكم .. لكن السؤال الذي يطرح نفسه إلى متى وبعض الأنظمة بهذه العقلية وهذا المستوى المتدني من التفكير؟ فإذا كانت السيارة قد صدرت من بلد صنعها بهذه المواصفات(والتي تطابق المواصفات والمقاييس الخليجية!!!!)- إضافة إلى أن السيارت التي يوردها عبداللطيف جميل تحمل نفس الشيء من وجود دبة خلفية وخزان بنزين احتياطي - وسمحت مصلحة الجمارك بدخولها على صفتها لماذا يأتي الفحص الدوري بهذا النظام وبدون ذكر أي مبررات.. هل هو حب لاستغلال السلطة؟؟ أم أنه البحث عن المادة بأي طريقة ؟؟ أتمنى أن لا يستمر هذا الوضع طويلاً

[وجه الخير]

السلام عليكم
لماذا الدبه الاخيره اللي بشكمان يقصوها وبعدين من2000 وفوق مافيه به واود ان استفسر بخصوص الصفاره هي بالدبه الكبيره او الدبه الصغيره اللي بالاخير


ارجوا التوضيح احبتي

[راعي عنيزة]

يا رجال ما شفت من العواجه شي

تذكرون لما كان المرور يلاحق اي واحد يولع النور الاصفر بموتره ويصكه مخالفه :)

تجي السياره من اليابان بنور اصفر ميخالف لكن تشغله لا حرام وجريمه شنعاء في حق البشريه :)

ماظن في تنزانيا والموزمبيق عقليات متخلفه مثل الي عندنا

وبالنسبه للفحص حنا راحمنا الله بمرور الزلفي يروحون المعقبين لهناك ويسون لك الي تبي وبدون فحص

[شاص]

الأخ العزيز وجه الخير .. اللي أعرفه أن الصفير من نفس المحرك ذي ال24 صمام ولا علاقة له بالدبة إذا ماكنت غلطان
أخوي الغالي راعي عنيزة .. ما نقول إلا الله يصلح الحال .. العالم أرسلت أقمار صناعية وحنا مازلنا في قص الدبة وفك التانكي .. والله مالقاها إلا أهل القرايا
الأخ الفاضل هلكس .. فضلاً لا أمراَ أرجو التكرم بإرسال الرقم على بريدي alshass@hotmail.com أكون لك من الشاكرين