الشور شووركم يااعضااء منتديات مكشاات لاتبخلون علينا

[فزاااع]

بسم الله الرحمن الرحيم

اخواني اعضاء منتديات مكشات ....
بوه سوالن بسيط عندي يالربع هو ان عندي سياره Gxr 2001 والسياره والله مهتم فيها من يومن انه اصفار
يعني على قولتهم على يدي :o الموتر بس قبل اسبوع او عشره ايام شفت بالصدفه تهريب بدفرنس
الدبل زيت واجد مع العلم ان الموتر قليل ماستخدم الدبل فيه ورحت للورش وجميعم اتفقو واتفقت الميكانيكه
على ان لايتفقو :D ان السياره لازم ينفك القير والدبل عشان يتركب له الصوف او الجلد وهي على قولتهم متفقعه
وشغل يدهم اقل واحد قال 400 ريال بس يفك ويركب الجلدوهي ماتسوى الجلد والله 50 ريال :(

طيب سوالي يالربع وش الشور وراايكم ووش اللي يخلي الجلد ذي تتفقع ونا مااستخدمت الدبل واجد
وهل تنصحوني افك واتكل على الله اولا واخيرا....ولا لكم راي ثاني
لا تبخلون علينا بالربع ويعطيكم الف عافيه

اخوكم فزاااع

[ممتر البران]

يا حبيبي وش دفرنس الدبل ذا ما هنا دفرنسات دبل وشي صوفه صوف ايش فيه اشكل من 15 صوفه اي وحده بالضبط عشان اعلمك ليش هربن احتري اجابتك
اي صوفه اللي مهربه عشان اقدر اجاوبك

[فزاااع]

اخوووووووي ممتر البران ................

اللي فهمته بالضبط ان التهريب اخوووووي جااي من قير الدبل وقاالو ان فيه صووفه للدبل او ثنتين هي اللي جااي منها التهريب والضاهر ان فيه على حد مافهمت ان فيه للدبل صوفتين ووحده اماميه والثاانيه خلفيه
وزالف شكر اخوي ممتر على ردك الكريم

[ابو نوره]

فزاع
السلام عليكم
انا الاسبوع الي مضى مغيرهن 4 صوف لدبل ب60 ريال
وشغل يد المهندس 250 ريال مع العلم انه فك الدبل
والحمد لله ماتغير اي شي بالموتر
واي خدمه انا حاضر

[Mohammad]

اعرف احد الشباب 2001 حدث عنده تهريب فى الدبل الامامى واصلحها فى الوكاله وكانت المشكله جلده واحده ..توكل على الله وخذها الى الوكاله افضل واريح لك وفرق السعر اعتقد قليل ان لم يكن نفس السعر او اقل فى الوكاله..

[ممتر البران]

شغله بسيطه خذ الصوفه من الوكاله وانقز بالموتر للصناعيه وغيرها لا بسيطه وبعدين قطع استهلاكيه بس حاول تغير باسرع ما يمكن لا يزود التهريب ومن ثم يقل مستوى الزيت ما اتوقع انه بينزل القير عشان يغير الصوفه راح يفكه بدون ما ينزله

[فزاااع]

يعطيكم العافيه اخواني جميعا على ردودكم الكريمه اخوي ابو نوره نفس اللي صاار معك بس انت الفرق هنا ان شغل يد المهندس
250 ونا اقل واحد لقيت شغل يده 400 ريال كلهم يقولون ان فك القير والدبل عشان تتركب ذا الصوف يبيلها شغله طويله .. يعطيك العافيه ابو نوره اخوي محمد الف شكر على ردك الكريم وبالنسبه للشغل الوكالات والله يخوي محمد اني ماارتاح لهم ولا للنصب حقهم
احيانا تحصل ميكانيكي واحد او اثنين شغلهم افضل بكثير من ميه وكااله والمسأله مهيب مسأله فلوس ...
اخووووووووووي مممتر البراان تسلم تنزيله القير حق الدبل شر لابد منه اخوي ممتر عشان ذا الصووف لانها داخل القير ويعطيك العافيه

[عريدان]

ترى الصوف في اللاند كروزر بالذات تتفقع من زيادة كمية الزيت عن الحد الأعلى المسموح به سواء للمكينه أو القير والدبل أو الدفرنسات. والزود في ضرره كالنقص في أثره.؟ لذا من واقع خبرتي إذا قاللك المكينه تحتاج 7 علب حط 6 وهكذا لا تزود عن المكتوب في الكتالوج.