عزم السياره طاح ارجوا الادلااء بالاراء مانستغني عن حبايبنا

[الربذي]

السلام عليكم
اخوني معي باث ومن فتره بعد تغيير القماش او قبله لاذكر اختلف العزم ورفعت الكفر الامامي لقيت واحد ثقيل رجعت وصلحته لكن مازال الوضع قايم
السياره باث فايندر 98
يعني وش ممكن يكون

ياليت اهل الخبره يقولون وش الحاجات الي تاثر بعزم السياره
وينك ياملك الباث اخوي قرم المحربث
ولايهون الباقين لكن هو مبدع بالباث
ماشاء الله عليه

[عاشق سدير]

لو تشيك على الكلتش ...

[بـــ نجد ـــرق]

شف البواجي او البخاخاات

[رقبة حاشي]

غير واضحه المشكله ( ورفعت الكفر الامامي لقيت واحد ثقيل رجعت وصلحته )؟؟

[raed]

السلام عليكم

كان عندب باترول 97 والان 2005 وكل مره المهم
في دبا صغيرة قبل الشكمان تاثر على عزم السياره وتراني مسويها والعزم افضل لان ناتج الاحتراق يتصرف بسرعه :d تراني مسويها ومافي اي مشكله والحمد الله وما في صوت مزعج او اي اختلاف ......
وسلامتك

[كن مع الله]

والله ياخوك مادري
بس ياخي مشاكل الباث كثيرة
الله يكون في عونك

[الربذي]

السلام عليكم
بارك الله بكم ومشكورين اخواني كلكم
بالنسبه لرفع الكفر طبعا مغير القماشات وااحيانا يكون القماش شاد على الكفر قوه وطبعا ياثر بالعزم وتبي تتاكد كل كفر افعه وتجده خفيف يلعب بيدك تدوره اقصد يدور بعد تركه كم لفه لكن كان ذاك الكفر ثقيل مره
ورحت للمكانيكي ووزن القماش سوى ضيعته اللي يقول دبل دبل ثم امسك ويفك ويطلع زيت وهكذا ايه تنسيم
لكن مافهمت سالفتك اخوي يوم تقول
في دبا صغيرة قبل الشكمان تاثر على عزم السياره وتراني مسويها والعزم افضل لان ناتج الاحتراق يتصرف بسرعه :d تراني مسويها ومافي اي مشكله والحمد الله وما في صوت مزعج او اي اختلاف ......
مافهمت انا كان فيه دبه او اسلاك مجتمعه قدام مثل الشبك حق الدرايش بس مردود كذا مره م ويطلع صوت وقصيتها وصلت الدبه طبعا هو قدام البه بالماصوره تقريبا قدام التانكي بمتر حول هالمنطقه وتراها لين تضغط وينضغط معك انا مستعجل ماعليش
ولي رجعه باذن الله ان شاء الله

[عريدان]

أنا أبسطها لك :
1- إذا صوت الموتر ودورانه عالي ويتجاوب (مباشرة) بلحظه مع الدعس على دواسة البنزين معناتها المشكلة بمجموعة الحركه مثل دبل - نمر القير - كلتش - دفرنس عاضض - جلنط أو فرامل معلقه
2- إذا صوت الموتر خافت وغير متجاوب مباشرة مع الدعس معناتها المشكلة بمجموعة القوه (المحرك) مثل تلف بأحد أو كل أسلاك البواجي- بعض الصممامات مقفله- ضعف مضخة الوقود أو البخاخ -الضغط داخل المكينه ضعيف بسبب سلندر تالف بالمكينه .
3-الهوب والفرامل بعد رفع الكفر لازم يكون ثقبل (طبيعي)

[الربذي]

اخوي عريدان بيض الله وجهك (وماقصروا اللي قبلك عساهم للعافيه وجيه سفره )
لكن ماشاء الله عليك هذا اللي يفهمني وافهمه جابك الله ايه يارجل هذا الكلام اللي ابي اسمعه ماشاء الله عليك واقارنك بناس عندي اقولهم دوسة السياره مو مثل اول لكن لاحياة لمن تنادي 00 طبعا انا غيرت طرمبة الماء حقت الباث والعامل فك حتى الكويل طبعا ماعنده وزن او جهاز وزن حق الكويل ومن مشيت والسياره ثقيله مره مره بس ملاحظ الثقل من فتره لكن مو زي المره ذي
هي تمشي تمام بس الاحظ اول اذا دعست ب2 وصلت الاربعين تقريبا كان احد يصدمه من الخف قصدي تفز تسحب لكن الحين المشي هو هو حتى لو تاصل الدورات 4000دوره بالدقيقة
طبعا هو وزن الكويل وقال جرب الحين الا نفس الشي ومره ثانيه الا نفس الشي يوزنه يدويا ماعنده جهاز وشكلي انا ابي اوزنه بنفسي
بس خايف يخرب المكينه بس الحين رايح افحص البواجي واسلاكها بالرغم ان اشتغاله صافي ولله الحمد
وماقصرت ابي اوزنه وادوس من عند الكبوت لين القى الي تقول لانها كانت كذا قبل الكويل وفكته

[الرّحال]

وزن الديلكو برظه مهم جدا لعزم السيارة

[مكشاتي للنخاع]

اخوي الربذي

انا اشوف ان لو تبدل مصفي البنزين يحل مشكلتك لييييه؟ لانه مع الاستعمال الطويل ينسد

فا انت لمن تبدله تسمح بمرور البنزين بسرعه ولا يكتم الماكينة والعلم عند الله

[ثلاجة]

اخوي عزم السيارة قصدك السرعة والقومة وماتجيب السرعة الي اول اذا هذا قصدك هذة من الكهرباء عندك في السيارة تهريب كهربا شيك عليها واذا غير كذا سامحني

[سالم بن سالم]

السلام عليك اخوي شيك على الاتي : ـ

1 تأكد من اسلاك البواجي والبواجي ونوعية البواجي
2 صنفرغطاء الكويل والشاكوش
3 اوزن الديلكوجيداً
4 تأكد من الفلاتر ( فلتر الهواء وفلتر البنزين )
5 البخاخات او الكلبليتر يتم تنظيفها جيدا والتأكد من عمل البخاخات .
6 وزن البلوف وهذه الخطوة يتم اتخاذها بعد التأكد من الخطوات السابقة وسلامتها .

(ما بقي شي الاوقلنالك صلحه ههههه ) المعذرة

[الكونترولCONTROL]

التشحيم
======
العكوس
=================
كليبرات الفرامل

[النايف]

ياصاحب الباث السلام عليكم ورحمة الله وبركاته
1- اذا كان القير تماتيك تأكد من تغيرات القير هل هي تنتل ام لا ؟
2- تأكد من ان الكنداسه لايوجد بها ظربه (عفط )
3- هل تلاحظ تقطيع اثناء سرعة 120كلم ؟ الحل : البواجي
4- وانت واقف فيه تقطيع ؟ الحل صفاي
5- وانت واقف ودعست دعسه جامده وفيه تقطيع ودخان اسود ؟ الحل بخاخ
6- الماكينه صافيه بس ظغط الطبلون ينزل ويرقى ؟ الحل إعادة برمجه كمبيوتر السيارة يمكن من قبل فكيت سلك في الماكينة ولم تفصل البطاريه .

هذا والله وعلم وعلى خبرتي في السيارات







((((((((((((((((((((((( النــــــــــــــــــــــــــــــــــــــايـــــــ ـــــــــــــــــــــــــــــــــــف )))))))))))))))))))))))))