ياهل الفورشنر/ استفسار لاهنتوا/وش افضل يايات ومساعدات استراليه

[الشلاعي]

السلام عليكم ورحمة الله وبركاته

اسعد الله مساءكم_صباحكم جميع


يااخوان بغيت شوركم/
عندي موتر 2015 ابي اغير مساعدات الوكاله واليايات /لاني اطلع بر واحمل عليه تانكي مويا95 لتر وثلاجه وعزبه مع بعض الاشياء:D
واابي بنفس الوقت ارفع الموتر عشان ماينعدم بطنه من الحك لان بصراحه اشوفه نازل

وش تنصحوني افضل يايات وكم المقاس وهل لازم اغير المساعدات او لا

بانتظار ردكم

[abuhala]

مساعدات قابريل استراليه طيبه ومجربه بكثره

[المميـز]

افضل مساعدات ويايات للفورتشنر هي اولدمان الاستراليه
وافضل ارتفاع تركب ياي خلفي يرفع 6 سم وامامي يرفع 3 سم او 4 سم اذا ناوي تركب كفرات بالون
والمساعدات افضل شي تركب اولدمان لانها هي الانسب مع الياي الاسترالي
لو ركبت نوع ثاني يبي يتعبك
ومساعدات الوكاله ضعيفه وماتتحمل الياي الاسترالي وراح تنفقع عليك

[الشلاعي]

اخوي المميز 6 سانتي يرتفع حيل وحتى 4 حسب ماسمعت/ انا ابي ارتفاع معقول /ومساعدات اولد مان وين تباع؟ لان دورتها عند الرمايه بتبوك ماحصلتها/ وهل يايات 2 سانتي كافيه؟؟؟

[المميـز]

اذا ناوي ترفع من الخلف بس
يكفي انك ترفع 3 سم واذا رفعت 3 من الخلف يبي ينزل 1 سم من قدام
انا لي تجارب مع رفعة الفورتشنر
اخر حل توصلت له
يايات اولدمان الاستراليه خلفيه ارتفاع 6 واماميه ارتفاع 3
والمساعدات مونرو امامي وخلفي لكن ما انصحك فيها لانها قصيره وماتعطي الرفعه المناسبه للياي
تكون شاده الموتر على تحت لكن ادائها وقوتها ممتازه وسعرها مناسب مقارنه بالاسترالي

الاسترالي يوفره الرمايه واذا كان مخلص يطلبه لك من احد فروعه بالمملكه

بالنسبه للارتفاع 2 سم غير كافي ولايتوفر عند الرمايه
الخلفي خيارين 4 او 6 والامامي 3 او 4

[الشلاعي]

يعني 2 مثل ارتفاع الوكاله مامن فرق

[ابو نايوفيتش]

غير اللي قدام وحط مساعدات جبريل مع يايات اولد مان ارتفاع 3 سم
واللي ورى استرالي مع يايات استرالي ارتفاع 5 سم . راح يرتفع مع الموتر مثل رفعه شكل الوكالة بس فوق شوي
يعني ما راح تلاحظ فرق كبير بين الرفعه الجديدة ورفعه الوكالة

اما اذا تبي كلهن مساعدات ويايات اولد مان فهي الافضل .


اذا بتغير اليايات لازم تغير المساعدات لان اليايات الاسترالية اكبر من مساعدات الوكاله ، فما تطبق بالساهل
صعبة تطبيقهن - هذا بالنسبة للي قدام

اما اللي ورى تقدر تغير اليايات لحالة او المساعد لحاله لانهن الياي والمساعد مفصولات عن بعض . فتقدر تغير اللي تبي بالنسبة للي ورى ولاهو شرط تغيرهن جميع
اما اللي قدام لازم تغيرهن جميع لانهن شابكات مع بعض


اما ياي 2 سم مافيه عند الرماية - اقل شيء 3 سم للي قدام و5 سم للي ورى هذا على حسب كلام ورشتهم .