فزعتكم محتار بين ثلاث سيارات جيوب

[اثلاوي]

اخواني الافاضل انا معي جيب لكزس 2015 وشريت اكسنت 2016 ابيها للرياض وزحمته وصراحة ندمت لاني ماصرت اطلع للبر الا استاجر جيب والا هايلوكس الاكسنت ما تجمل واللكزس والا مابي اسحبه بالبران و ابي لي جيب للبر كان معي برادوا وبعته وليتني ما بعته . انا يالربع محتار بين اكستيرا وشروكي ولاندروفر دسكفري صراحة انا كنت مركز على الاكستيرا بس يوم شفت اسعار الشروكي والاللاندروفر اغراني سعرها واجمل من الاكستيرا . وش تنصحوني بأيهن من واقع تجربة من حيث التحمل والخرابات علما بأني ابيه للبر والدوام داخل الرياض يعني هو السيارة الاساسية للدوام والبر .وميزانتي حول 30 ا وعلما بأني مانيب راعي مطامر وتطعيس انا راعي شعبان ونفود سهل يعني مكاشيت عادية اهم شي مايعوقني عن البر واللي عنده جيب ويرغب البدل باكسنت ماعندي مانع . لاهنتوا

[راعي حلوة]

انا اخوك في البر لا تاخذ غير تويوتا ( حمار مكدة ) ولا يقطعك بحول الله وسهل ترهيمه ومتخاف منه
اما اكستيرا يهربد ونيسان مشكال الكهرباء فيها كثيرة بالنسبة لشروكي امريكي ومشاكل الكهرباء اكثر من شعر راسك هههههههه وله 2 ديلكو كهرباء وحراره لا تسائل
اما الدسكفري فشركة عريقة بس ما ادري تقدر ترهمه والا لا هذا ما عندي والتوفيق

[قناص الأشهب]

أف جي
فورتشنر
اكستيرا
كلهم طيبات من واقع خبره
والبرادو ازنهم ولكن غالي شوي
والربع زين لكن يتعبك في وقت الدوامات ولا يجي منه قير اوتوماتك
أذا شريت واحد منهم ماراح تندم بأذن الله
وشوري عليك تاخذ الفورتشنر 6 سلندر لاتعداه

[اثلاوي]

انا اخوك في البر لا تاخذ غير تويوتا ( حمار مكدة ) ولا يقطعك بحول الله وسهل ترهيمه ومتخاف منه
اما اكستيرا يهربد ونيسان مشكال الكهرباء فيها كثيرة بالنسبة لشروكي امريكي ومشاكل الكهرباء اكثر من شعر راسك هههههههه وله 2 ديلكو كهرباء وحراره لا تسائل
اما الدسكفري فشركة عريقة بس ما ادري تقدر ترهمه والا لا هذا ما عندي والتوفيق
هلا بك اخوي راعي حلوة الله يجعل كل ايامك حلوة وسعيدة.والله اني محتار.بلله الاكستيرا كذا وانا احسبه قوي صراحة الشروكي داخل مزاجي بلحيل من سنين بس اخاف منه من كثر ما يحكون عنه رغم انهم ماسبوه بالقوة والمتانة بس الخرابات وبالذات الكهربا مثل ماقلت كلش الا الكهرباء لان الميكانيكا قطعة وتعيرها وخلاص بس الكهرب يحوسك . انا لقيت جران شروكي هيمي فل كامل ماشي 24000 مع دكتور شكله ما طلع للبر ولا قد جاه ويبيعه بالثلاثين او بدل باكسنت 2016 وصراحة اغراني بس خايف. عموما زين انك نبهتني الله يجزاك خير وينور طريقك

[اثلاوي]

أف جي
فورتشنر
اكستيرا
كلهم طيبات من واقع خبره
والبرادو ازنهم ولكن غالي شوي
والربع زين لكن يتعبك في وقت الدوامات ولا يجي منه قير اوتوماتك
أذا شريت واحد منهم ماراح تندم بأذن الله
وشوري عليك تاخذ الفورتشنر 6 سلندر لاتعداه
هلا بك اخوي قناص الاشهب. الاكستيرا والله جايز لي وحجمه زين بس الفورشنر والله مارغبته مدري ليش. اما الربع مشكلته عادي مثل ماقلت وانا صراحة كنت بشري ربع باجيرو زين بلحيل بس الجديد غالي والمستعمل نااادر ومعفوول . زين لو اجيبه من الامارت الربع باجيروا نظاف واغلبهن مع حريم ما يعرفن البر من الدوام للبيت ورخاص بس اغلبهن مايدخل عندنا بسبب مشاكل استهلاك الوقود فصرفت النظر عنه والا والله جايز لي بلحيل ووذف . المعذرة كثرت الكلام بس انا احب افيد بمعلومات قد ما اقدر . الشروكي جايز لي من سنين بس صرت اخاف من كثر ما يحكون عنه والمشكلة ان اسعار المستعمل النظيف رخيصة بلحيل يعني تغريك بس اخاف يوهقني بالبر رغم اني مانين راعي مطامر وتطعيس راعي شعبان وجروف على خفيف . الله يجزاك خير على نصايحك القيمة

[المميـز]

أف جي
فورتشنر
اكستيرا
كلهم طيبات من واقع خبره
والبرادو ازنهم ولكن غالي شوي
والربع زين لكن يتعبك في وقت الدوامات ولا يجي منه قير اوتوماتك
أذا شريت واحد منهم ماراح تندم بأذن الله
وشوري عليك تاخذ الفورتشنر 6 سلندر لاتعداه

نفس الراي ..
الفورتشنر بطل بالبر

[اللهم اغفر لي]

ايذا لك بالبدل بالاكسنت
عندي همر
فل كامل سعودي H3
تواصل معي خاص

[اثلاوي]

نفس الراي ..
الفورتشنر بطل بالبر
حياك الله اخوي المميز. رايك انتي واخوي قناص معتبروجزاكم الله خير وبارك لكم فيما اعطاكم وفعلا الفورشنر قوي بش مشكلتي ماحبيته مدري ليش وبنفس الوقت سعره غالي وانا ميزانيتي حود 30000 ولكن مايمنع اضعه بالاعتبار . انا تدرون وش ابي ووش طرى لي . انا اخلي الاكسنت عندي واشري شروكي قديم والا لاندروفر قديم واخليه للبر والمكاشيت مدري وش رايكم بالهالفكرة . الله يجزاك خير اخي الكريم على نصيحتك ورايك

[اثلاوي]

ايذا لك بالبدل بالاكسنت
عندي همر
فل كامل سعودي H3
تواصل معي خاص
اخوي اللهم اغفر اسال الله ان يغفر لك ولوالديك ماتقدم من ذنوبكم وما تاخر . والله ياخوي مالي بالهمر . الهمر كبير وانا ابي سيارة صغيرة للدوام والبر . الله يوفقنا واياك الوفق المبارك

[القنـاص2008]

خد لك فورتشنر 6 افضل لك

[قناص الأشهب]

ياخوك احسبك تقول ميزانيتي مئة وثلاثين الف
ولكن أذا ميزانيتك في حدود الثلاثين فعليك بالآتي .
لاند كروزر موديل 92 الى 97
او باجيرو موديلات الى 2007 تحصل بالقيمه ذي
البتاريل ممتازة
ولكن يتضحلي تريد موتر منظرة زين .
وصعب تحصل بهذي القيمه ممكن اقرب شئ لك الباجيرو
اما بخصوص الشروكي والله بالنسبه لي ماشريتهم ولكن يمدحون قوتهم وينتقدونه انه صاحب خيانات في البر بسبب ارتفاع الحرارة ومشاكل الكهرب .
اما نظرتي الخاصه اي موتر نظيف مع السواقه الراكده والمحافظه على الاساسيات راح يخدم معك .
الشروكي اللي حصلته سعره زين .
وبالتوفيق

[ssas1919]

ثلاثين ألف تجيب لك باترول 97 وتحت نظيف

[abd190]

الاكستيرا افضل من الفورشينر كمركب وقيادة وماشاء الله عزمه يعجبك
هذا رأيي والافضل لك جربها بخط واللي ترتاح له خذه

[أبو راشد 33]

أنا أرى و بما أن قيادتك هادية بالبر أن تستخدم اللكزس للمكشات
و اللكزس الله يبارك لك معروف بالعملانية و الجودة ماشاء الله خصوصا أن قيادتك هادية
و لأن مبلغ 30 ألف ما راح يجيبلك جيب نظيف بغض النظر عن الشركة
أتمنى لك التوفيق

[اثلاوي]

الله لايهينكم جميعا قريت ردودكم بالتفصيل ونورتوني وكل كلمة ورأي ماخوذة بالاعتبار . جزاكم الله عني خير الجزاء