ابطلع ريموت للباث ايهم افضل وكالة ولا محل عادي افيدونا الله يجزاكم خير

[abo-azoz]

يالربع انا ابزعجكم شوي لكن تحملوا الله يعين نبي نستفيد من بعض انا شريت جيب باث فاندر قبل فترة لكن الموتر مامعه ريموت فيه النظام وكل شئ لكن الريموت اظنه ضايع او خربان مدري وش قصته ومريت الوكالة ابطلع ريموت وقالوا ب 450 قلت النظام موجود بس ابي القطعة قال ب 450 قلت سلام عليكم ماهب لازم ريموت يالربع سعره معقول كذا ومريت محل قال اذا كان النظام ومجود اركبة لك ب 130 ريال وشرايكم وش تنصحونن فيه وهل لاركبتة عند محل يتأثر بعدين علما اني حريص على الموتر

[ابوعبدالهادي]

انا انصحك تركب ريموت عادي صيني بـــ 100 ريال
والله اني مركبة له اكثر من سنة زي الحلاوة

[الربذي]

تبي الصراحه خذلك وكاله احسن لانه مصمم ومركب له من المصنع يعني الاسلاك مع الظفيره مطبقه بالمصنع باليابان ولايظهر شي
وتبي تركب صيني غير عملي مزعج يتكسر ولادهى هو انهم يقعدون يشبكون بالاسلاك وقصصون ويجرحون وانواع الحوسه
وبالاخير يمكن يسبب عندك التماس وتخسر الكثير وقد تكون في مكان بعيد او مسافر وتنحاس
وتدفع اكثر من 450 انا معي باث ورموت وكاله تصدق لو يخرب لاشتريه من الوكاله لو هو ب1500 ريال مو 450 ولعلمك حتى لو حاول الص فتح الكبوت لابطال عمل الانذار وانت مقفله برموت الوكاله اشتغل الانذار وحاجات ثانيه خفيه لااريد طرحها بمكان عام قد يستفيد منه بعض ضعاف النفوس واقصد اللصوص والحراميه اكرمكم الله
هذي نصيحتي اضني اكثر واحد جرب الرموتات صيني وتايواني وغيره
لكن عليك ب ميد ان جابان صنع في اليابان ولو فيه جهاز انذار ياباني وكاله يمكن حول الافين ووثمان ميه ويمكن اغلى
بس يبرمجوه لك وبس لاقطع وقص من هالسلاك ولا شي ناقص الرموت بس
والراي لك لكن انت طلبت المشوره وهذا شور ي
اخوك الربذي

[abo-azoz]

الللللللللللللله يعطيك العافية اخوي الربذي وماقصرت :::

[سلومي]

انا عندي باث ومعه ريموت بس المشكلة ان الريموت تقفل السيارة بالريموت ولو تفتحه بالمفتاح عادي ما فيه اي عملية انذار يعني لو تنصرق ما جبت خبر سالت الوكالة قال هاذا هو كذا اصلا ما احد يقدر يصرق السيارة لأن في المفتاح ايسي يعني مبرمج على الموتر
نقطه ثانية ما انصحك تركب لا صيني ولا غيره اذا انت مصر الصيني خرطي واخوي ركب عند زيب آرت ريموت وانذار بـ1500 ريال وبعد حوالي سنتين والسيارة واقفه ما درى الا السيارة شابة يعني التمست الاسلاك وراحت السيارة وطي والحريق بداء من تحت الدركسون يعني اكيد من الجهاز فانت لا تتوهق وخصوصا انك حريص على الموتر والله يسهل امرك

[سفاري97]

ماقصرت سلومي وانا ان شاء الله اباقف عند نصيحك ’’’’’’’’’’’’’’’’’’’’’’’’’’’’’’

[سالمي]

شف أخوي أبو عزوز أنا ضاع مني الريموت بالمفتاح وطلعت المفتاح بـ 200 ريال يشمل البرمجة لكن تسوية المفتاح بالسبير من برى الوكالة . بعدين طلعت الريموت وكلفني مع البرمجة 350 ريال . وأنصحك بالوكالة لو أنهم متعبين شوي ، والسبب الجودة والأمان والضمان وهذي الثلاث ما بتحصلها في غير الوكالة . والله يحفظك

[القناص]

انصحك بالوكاله
ما دام النظام موجود اصلا
ولا باقي لك الا الريموت
اذا الوكاله افضل حل

[شيخ نجد]

انا معي باث بريموت وكاله .. ولي عليه ملاحظتين

اولا : صارت مسافة الاستجابة اقل بكثير.. يعني ممكن الان 3 الى 4 امتار فقط بعد ان كنت اشغل البوري وانا جالس من مسافة 10 الى 15 متر بدون حواجز

ثانيا : الضغط على الازرار يحتاج لتكرار اكثر من مره ودعس بقوه .. بعد ان كان لمسه خاطفة فقط.

غيرت الحجر اكثر من مره ولا فاد..

السيارة والريموت وكاله موديل 2003

[الربذي]

اخوي عاشق
جرب بطاريه اي حجر اصلي يمكن اللي ترب مضروب او صيني ماينفع
جرب اصلي وشوف انا مجرب وصارت معي كذا مره اكيدمن الحجر
لان بعضها 3اشهر وهو قاضي وبعضها يقعد سنتين تصدق

[الدحبول]

ان مركب ريموت على فيكسار 1997 صنعة تايون أو صيني مادري بس بواسطة اليابان
وعله ضمان سنة كاملة و إلى الان ماخترب وركبته في رمضان يوم 25 تقريبن

بس أقول وشلك بلخسير بس لو كان موديل حديث يستاهل

و انتبه تره يبي يقص عليك ما ينباع الريموت لحاله الا إذا كان حق سيارة أو سيارة مثل كابرس أو لاندكروزر

أم تجاري ينباع مع السستم النظام كامل

[الربذي]

http://www.mekshat.com/vb/showthread.php?t=73207


شف الرابط اعلاه يمكن يفيدك

[salehhd]

السلام عليكم

انا مركب ريموت صيني ب170 ريال وصار له سنه شغال وبعد كذا بدا يضعف وتعطل محرك فتح باب السواق (وعيب نيسان يجي من غير هذا المحرك ولازم تركب واحد قيمته 30 ريال )

وبيني وبينك حالياً افكر اركب وكاله اذا خرب هذا اصرف واضمن