لاهل الشيروكي والخبرة

[sami2003]

السلام عليكم ورحمة الله وبركاتة

ودي يا خوان ان اخذ رايكم في جيب شيروكي سبورت ( يعني مو جراند شيروكي ) لاني ناوي اشري جيب طبعا اكيد الاخوان يقولون اشتر تويوتا وانا ايدهم في هذا ولكن !!!! .
يعني ابشري شيئ على حسب دراهمي وطلعتي للبر ماهي كثيرة يعني يمكن عصرية الخميس او الجمعة حول الثمامة وماهو كل اسبوع بعد !!!!!
ولقيت هذا الجيب عند صالة في الرياض ومواصفاتة هي :
6 سلندر
اتوماتيك
لون اسود
قزاز كهرب
ضمان ثلاث سنوات على القير والماكينة والمعدات الاخرى
حوالي 127 ميل
السعر 31000 شامل الاستمارة والملكية
يقولون ان قطع غيارة متوفرة ورخيصة جدا عكس الجراند شيروكي
هل هو قوي كما اسمع وعملي وسعرة مناسب وصبور واهم شيئ وفرة قطع الغيار وصرفية البنزين
وش اهم عيوبة وكذلك مميزاتة .
وجزى الله خير كل من شارك براية .

[مهراس]

السلام عليكم

الأخ سامي2003 ، أهلا ومرحبا وعساك على القوه ، كم موديل الشيروكي!!!!!!!!

مهراس

[sami2003]

الى الاخ مهراس مع التحية

موديل : 2000

[متمشي]

2006 شيروكي سبورت بسعر 71000 ريال
وكالة

[أبومدق]

السلام عليكم
جيب الشوروكي ممتاز جدا وانا عندي واحد مديل 98 ولله الحمد ماشي مع زي الحلاوة ولاكن يعيب المديل اللي معي في الكمبيوتر حق الشروكي حساس يعن اذا صار مشكله في الكهرب لا بد من كهربائي مختص ولا يعدم الكمبيوتر وصارت معي ولاكن هناك فرق بين المديلات فيه بعضها يجي بشريحة الكترونيه ويقولون ان الشريحة افضل أما بانسبة لاسعار قطع الغيار معقولة نوعا ما

[صصعفق]

اهم شي القير والدفرنسات+الدبل

[ابو فهد 1]

هلا اخوي

بنسبه لسياره الصراحه انه غاليه ولاتنسى انه استخدام امريكي واذا تبي شوري رح دور لك يوم خميس والا جمعه بسوق تلقا ارخص منه

بكثير لاتدور السيارات الي واقفه لانه سعره مرتفع لان بعض الناس يوقف السياره وهوو مب حاجه له ويحد السياره غالي


وترا السعودي افضل من الامريكي بحاجات كثيرة منها

1- العداد الطبلون السعودي يجي كيلوات - والامريكي بلميل

2- الاديتر السعودي يجي ثلاث رصات ونحاس - والامريكي رصه وحده وحديد ويذبحك الحراره

3- الاصطبات الخلفيه يجي السعودي ضباب وشكه انصب - الامريكي مايجي اصطبات ضباب

4- المراتب تجي فيه تكيات لراس قدام وراء السعودي - الامريكي مايجي راكيات راس

5- السعودي يجي صاجات تحت تانكي البنزين وقدام تحت الصدام الامامي - الامريكي مايجي صاجات

6-السعودي يجي قزاز النوافذ شفافه - والامريكي يجي القزاز الخلفيه مظلله

7- السعودي يجي بدفرنس الخلفي كلتشات -والامركي مايجي كلتشات

8-السعودي يجي وقفه نصبه من الخلف - والامريكي دايم يجي طايح من الخلف كنك راكب سياره صغيرة

وبتوفيق انشاء الله واسئل وجرب قبل ماتشري السياره ......

[}{التميمي}{]

خذ شروكي سعودي افضل اذا جيت تبيع وخاصه قير عادي

[ك ه ك 777]

السلام عليكم ورحمة الله وبركاته

ودي افزعلك اذا انت في الرياض خلني اواعدك وتجيني اوريك عندي شروكي سعودي واعلمك الاشياء اللي تتفاداها والاشياء اللي تدورها
(خاص او عطني رقمك)
لااكن الشروكي اللي انت ذكرته والسعر اللي ذكرته هذا سرق عبيني عينك يعني غااااااااااااااااااااالي جداً جداً ولا تنسى اانه تماتيك وامريكي
ميزت الامريكي يجي الفرامل اي بي اس السعودي بدون اي بي اس وفي الرمل والنفود الاي بي اس ما تصلح

ابو فهد يا غالي كلامك صحيح الا (2- الاديتر السعودي يجي ثلاث رصات ونحاس - والامريكي رصه وحده وحديد ويذبحك الحراره)

هذي غلطان فيها كل الشروكي يجي رصه وحده وتخب عليه هذا من واقع تجربتي وتعدد الشروكيات اللي جت معي وكلامك الباقي صحيح ميه في الميه وان شاء الله اني ما زليت ولا قصرت

*اسف علي الاطاله

[sami2003]

الاخو الاعزاء :

1/ مهراس
2/ متمشي
3/ ابو مدق
4/ صصعفق
5/ ابو فهد
6/ التميمي
7/ ك 5 ك 777 (شكر خاص )

جزاكم الله الف خير على حسن استجابتكم وارائكم الصادقة واتمنى لكم التوفيق والسداد
والنسبة للموضوع مانس مستعجل ادور انواع غير الشيروكي ويمكن اكسباورر دفع رباعي موديل 99 2000
نظيف وتقبلو تحياتي .

[بواردي الشمال]

سامي اذا تبي النصية من مجرب

انا اشتريت جيب شروكي موديل 200 امريكي قبل 4 شهور

يعني بالضبط بـ رمضان

وما شاء الله عليه بطل مايقصر معك

وانا خذيته بـ 32000 ريال وجاب لي الان 35000 ريال

بس تحبر مابعت انا ابي استعمله يعني ماني شريطي

بس اذا تبي تاخذ لا تاخذ من اللي عليها ضمان 3 سنوات

لأنهم الين بالاسعار اول شئ وثاني شئ معارض النسيم متعدده ومتنوعة

بس الحين فترة كشتات وانت خابر تغلى اسعار كافة الجيوب

والشروكي انصحك به سيارة جيب ومركب سيارة صغيرة يعني تصلح

للي على قولتك يبي للبر بس مهو دايم

انا انصحك تفحص السيارة اللي تبي تشتريها وتتأكد سواء شروكي ولا غيره

وتمنياتي لكـ بالتوفيق واعذرني على الإطالة

[koko psk]

ابسل عن قطع الغير الشروكي موديل 2001

[koko psk]

ابي النصيحه وارجو الرد
علي الرقم0507208090

[ابو شهد جدة]

والله انا معروض علي شيروكي 2001 نظيف جدا جدا قير اوتوماتيك ب 30 الف
ومعروض علي 2000 ب 25
ومعروض علي 2000 ب 22

والسعر الي انت تقوله ترى خيالي جداً.

[alsarem]

الأخ sami2003حياك الله
با النسبه للنواقص الي في الأمريكي يمكن اضافتها بسهولة مثل الاصطبات الخلفية والصاجات ونزول الموتر اضافة سستة حقت داتسون (الأمية) والحرارة تعالج بتنظيف الرديتر بعداخراج الماء القديم كامل+بلف كابرس 165+ماء موبارالأصلي
وبالنسبه لسعرالـ2000 اذاكان نظيف سعره الى 34000طبعا بدون لوحات
واذ تبي 98او2001 موجود ثلاث جيوب كلهن امريكي بدون لوحات لكن انصحك ب99ونازل ارخص في بعض قطع الغيار واكثر تحمل وخصوصا من ناحية الحرارة وبالتوفيق ان شاء الله
والمعذرة على الإطالة