افضل انواع عرباة القلص ؟؟؟

[الـ ع ـارض]

وشي افضل انواع عرباة القلص ؟؟؟

تكون حجمة مناسب وما توهق وانت ماشي بسرعه :(


سمعت ان فيه قلص امريكي الصنع فيه عامود توازن
هل هذا صحيح ؟؟؟ وكم سعره ؟؟؟ ووين الاقيه ؟؟؟

[أبرق الضيان]

http://www.mekshat.com/vb/showthread.php?s=&threadid=5621

ربما يخدمك هذا الرابط ( موضوع الأخ مراكي الذيب )

و تراه راعي الورشة جاري !

[الفرعاوي]

الاخ / العارض

اذا انت في الرياض / امسك خط الدمام من الدائري الشرقي ، بعد مخرج خالد بن الوليد امش شوي يجيك محل على يمينك يبيع قلص صناعة على ما أظن انجليزية ...

تتميز بوجود مساعدات و فرامل.

بحيث اذا هدت السيارة ينضغط الهايدرولك و بالتالي يضغط على فرامل القلص.

تبدو صناعة جيدة لكننننننننننننننننننننننننننننننننن غالية !! ( تبدأ من حوالي 5000 ريال )

و فية في الصناعية واحد يصنعهن (عمالة فلبينية) بحدود 3000 ريال و يبدو انها جيدة لكن ما جربتها !!

المهم اذا عزمت تشتري تأكد من وجود وصلة للاسطبات الخلفية.

و الله يوفقك

أخوك / الفرعاوي

[الـ ع ـارض]

الاخ أبرق الضيان

قرأت موضوع الاخ مراكي الذيب ولكن مو هذا القلص اللي انا ادوره
ومشكور يا غالي على اهتمامك بموضوعي :good:



الاخ الفرعاوي

ابروح ادور المحل واشوف اللي عنده والله يجزاك خير :D

[عروان]

أخوي العارض خذ في الحسبان الوزن اللي راح يتحملة القلص واللي أنت تشيله بالقلص.

بعض القلوص مصنوعة لاوزان خفيفة. تجد محورها خفيف وكفراتها صغيرة.

لاتهتم لخفة القلص لانة اذا كان خفيف واجد يناقز بالخط اذا كان فاضي.

أذا كنت تحمل وزن ثقيل بالقلص مثل خيام وغيرة خذ لك قلص على محور قوي وكفرات تتحمل الوزن الثقيل.

ويفضل انك تستخدم كفرات عريضة علشان ما تغرس بالرمل.

ويفضل لو كانت نفس نوع كفرات وجنوط سيارتك حتى تستخدمها للطوارئ.

بعض الورش اللي يصنعون القلوص يصبغونها لك. أنت جيب لهم نفس لون صبغ سيارتك.

[الـ ع ـارض]

الاخ الفرعاوي

رحت للمكان اللي وصف لي ولقيت عنده القلص احجام عديده وصناعة فرنسيه بس اسعاره ناااااااااااااااااااااااااااااااااااااااااااار

على العموم مشكور وما قصرت


الاخ عروان

شكرا للمعلومات وانا ابي القلص عشان اشيل فيه خيمتي ودباب عيالي

<<=== يسابق عياله على الدباب :D

[اخو نورة]

تبي قلص؟














شف طوله عمرك وعمر القارين خل قوات امن الطواري الى في السلي على يدك اليسار وانت على الشارع العام بعدها بيجيك شارع على اليسار اظن ان عرضه 40 توه مجدد السفلت حقه ذب معه يسار وماريته بتلقى لوحة بقشان ثمن امش سيدا تقريباً كيلو او كيلو ونص بتلقا على يدك اليسارحوش كبير فيه معدات ادخل بتلقالك سوداني عنده يمكن 40 قلص جاهزه وخفيفه يبيعونه على 1700 ريال

[الـ ع ـارض]

مشكووووووووووووور اخوي اخو نورة

ابروح للمكان اللي وصفته لي واعلمك وش لقيت :D

[عروان]

شوف قلص مصنع القاضي تراها ممتازات. واذا تبي خزان ماء أو بنزين يضيفون لك على القلص.

[الـ ع ـارض]

الاخ عروان

ممكن تدلني وين الاقي قلص حق مصنع القاضي اللي تقول عليه ؟؟؟؟:confused:

[إلياس المطلق]

[quote=الفرعاوي;40411]
و فية في الصناعية واحد يصنعهن (عمالة فلبينية) بحدود 3000 ريال و يبدو انها جيدة لكن ما جربتها !!
/quote]

ماهو اسم المحل -

[عبدالله 250]

انا ابغى قلص صغير في الرياض وين القاه