من تجاربي في الشواء

[هاوي الصياهد]

السلام عليكم ورحمة الله وبركاته

من خلال التجارب ....هناك امور تفيد راعين الشوي بالبر

1-يمكن تجهيز اللحم او الدجاج المراد شويه وتتبيله ووضعه بالثلاجة او الثلج قبل اربع وعشرين ساعه....للحصول على افضل طعم .

2- يمكن استخدام الكتشب في التتبيل (مقدار حبة كتشب لكل كيلو دجاج او لحم ) والكتشب غير انه يعطي طعم للمشوي يمنعه من الاحتراق....اذا زادت النار يحترق الطبقة الخارجيه الي هي الكتشب....ما عليك الا تزيلها وترجع اللحم او الدجاج لقدر التتبيل وتعيدها على النار.

3- استخدام الروب في التتبيل يعطيه طعم ويلين اللحم ويقلل من مدة ووقت الشواء.

4-استخدام شراب السفن اب يعطي نفس الفائدة للروب.......ويزيد عليه انه يقلل من رائحة الزفر في طيور السمن ....والاكلات البحريه( القباقب...والحبار ) .

5- اذا اردت ان يكون الشواء ناشف يجب ان تشق بالسكين هبرة اللحم او الدجاج(وتركها افضل حيث يعمل الماء داخل الهبره من اللحم او في فخذ الداج على نضجها من الداخل وتكون لينه ).

هذا ما حضرني الان.
للجميع تحياتي

[هاوي الصياهد]

تحيه واحترام

مع ان الي دخل وقرأ الموضوع عدد من الاخوه.....لاكن مع الاسف محد علق.

هل ما ذكرت سبقني احد بذكره.......والا المشاركة ما تستاهل؟؟؟؟؟

للجميع تحياتي

[الشقردي]

كم مقدار الروب أو السفن؟؟


ولا تزعل على اخويانا ترا اللي عنده فايده مهوب باخل بها.


ولك جزيل الشكر

[المولع]

الظاهر انك محترف شوي لو يقرأ موضوعك واحد جويع الظاهر يدوخ من زين الوصف حقيقة لاهزل
واقول يبي لنا طلعة سوى عشان تذوقنا هالشوي وش رأيك :good:

[هاوي الصياهد]

يا مرحبا با الشقردي

بالنسبة لسؤالك عن كميه الروب والسفن المستخدم.......فهي اهم شي انها تغطي الكميه المراد شويها.

وبالنسبه للسفن.....ممكن تستخدمة...بدل الماء بغلي ما تود شويه او يوكل...بعد الغلي وهذا خاص باكلات

البحر...الي زفرها واجد .

وترى وانا اخوك مازعلت بس حبيت مشاركة الاخوان ومشاهدت تعليقاتهم حتى لو نقد.

اخوي المولع ابشر بعزك....والله يحييك اي وقت.

للجميع تحياتي

[جميل جمال]

هلا بالشباب ..

ومشكور اخوي هاوي الصياهد على الطرق الجميله اللي انت حاط ....

بصراحه شهويتوني من جد وقلت خلون اشارك معكم ...

بصراحه تبي تستغربون الطريقه اللي راح اذكر لكم ..... لكن انتم جربوا واحكموا بانفسكم .....

الطريقه سهله ولا تبغى جهد ولا وقت ...

هي انك اذا حطيت الدجاج في الشبك (( طبعا ما عليه ولا شي من كرتونها سيدا للشبك )) ابد كب عليها ملح ..

ولا تقول اني كثرت لاااا ما عليك كل ما قلبت الشبك على جهه كب ملح وكثر .....

صدقني راح تذوقون شويه ما حصلتش .....

طبعا بعض الشباب يمكن يقول ما راح اجرب الطريقه واغامر:p :p وممكن فيه احد ما تعجبه ..

لكن انا هذا طريقتي المفضله وكل من جربها مدحها ..

لكم تحياتي ..

[abuturky]

السلام عليكم ورحمة الله وبركاته للجميع

اولا شكرا هاوي الصياهد على المعلومات وانت صريح بزيادة لاني والله مثلك اجي متحمس ودي اشوف ردود لكن ما القى الا رد او ردين واللي قارين الموضوع فوق الخمسين لكن اولا ما الومهم لان بعضهم البطاقة او الاشتراك يخاف ينتهي ولا يقراء شئ وبعضهم مشغول والوقت مايسمحله وبالنسبة لي انا ... فأنا قريت وكتبت وودي اعلق على الموضوع شوي الدجاج ذوق وكل واحد عنده تجربة واللي قلت انت مافيها كلام ممتازة لكن انا وبعد تجارب عديدة لقيت ازين شئ للشوي انك تنقع الدجاج بمويه ومعه شوي عصير ليمون وخل ابيض وملح ولا ملح سادة بدون اضافات وللجميع اقول جربوا وتعجبكم ان شاءالله لكن انت ياهاوي الصياهد لازم تجرب الطريقة وتقولي رايك ولا يروح الرد ببلاش ويسلم الجميع ،،،، ودمتم

اخوكم / ابوتركي

[ميسان الطائف]

وفقك الله ولايهون الاعضاء والزوار

كلامك زين

لكن ياحبذا كل معلومة بصورة ولو من النت فالصورة ابلغ من الكلام

وعيد الحج قادم ونبي مواضيع دسمة ولا احد معذور
والنت كثيرا يسد النفس وخاصة في المناطق النائية
لكن مانستغني عن الخبراء الطيبين

ولكم وافر الدعااااااااء