حماية بطن السيارة من الصدا

[ابو رفيف فتك]

السلام عليكم ورحمة الله وبركاته اول مشاركة لي بمنتدى مكشات بعد ما استفدت منه وانا غير مسجل فشكرا للقائمين على هالمنتدى المبارك وجزيتم كل الخير .

وانا مار اليوم ساكو لقيت عندهم منتج لحماية بطن السيارة نفس اللي عند المحلات المخصصة لحماية السيارات من تضليل وحماية صدا وغيره الغريب انه نفس اللي موجود عندهم
جربته وكانت النتيجة ممتازة

بعد ما كنت ابي ادفع دبل السعر الحمد لله قيمة البخاخ الواحد 28 ريال اخذت تقريبا خمس علب والحمد لله



http://www.mekshat.com/pix/upload06/images/2016/10/mk343764_thumbnail_dsc_0059.jpg
http://www.mekshat.com/pix/upload06/images/2016/10/mk343764_thumbnail_dsc_0058 (2).jpg

[م.سعيد]

عليكم السلام...
هذا البخاخ بالاساس مخصص لحماية حوض السيارة كما هو مكتوب عليه وان شاء الله يصمد عند استخدامه لحماية بطن السيارة كما فعلت..
من اهم عوامل نجاح استخدام مثل هذه المنتجات نظافة السطح المراد حمايته سواء من الاتربة والزيوت او من بقايا الصبغ الغير ملتصقة بشكل جيد..اذا لم يكن السطح نظيف راح تتقشر المادة بعد فترة..
دمت بود

[المميـز]

حياك الله معنا في مكشات
والموضوع الاول بدايه موفقه ان شاء الله وننتظر المزيد من الابداعات
ونتمنى ان تنقل لنا تجربتك مع البخاخ بعد مرور شهر
والله يجزاك خير

[جبل شار]

تأكد اخوي من المنتج مكتوب عليه مخصص لحوض السيارة ويتحمل بس مو مكتوب عليه انه مقاوم للحرارة والله يحفظك

[الرحال2222]

بارك الله فيك اخوي ياليت توصف لنا خامته يلصق بشكل قوي على الحديد او تقدر تزيله بيدك
ماجربته اول مرة اشوفه لاكن جربت اللي في تويوتا يبخون بطن السياره تقول انها مبخوخة بزفت حق الشوارع وعز الله انة عازل من 13 سنه وهو مكانه لا تقشر ولا طلع بطن السياره زي ماهي على كثر ما طبيت فيها في رمال وامطار وصبخات الا انه زي ماهو اذكر كلفني 750 بنفس وكاله تويوتا

[YUKON_GMC]

عزل بطن السياره يكون بالقار فقط ..!! او زيت محروق كحل موقت وقت الامطار والكشتات وبالصيف يغسل .. مع ان الزيت له مضار على الجلد والربلات


لكن البخاخ اللي ذكرته يظهر لي انه خفيف مثل البويه ولامنه فائده

[ابو رفيف فتك]

للي يسال من الاخوان هو كانه قار ثقيل وقوي اذا رشيته على نظافة يمكن سلبياته على المسامير والله يحفظكم جميع

[الرحال2222]

بالعكس اذا كان قوي رهيب للمسامير ماعاد تتحرك من مكانها والا ترخي وهذا اللي عجبني بعازل تويوتا لصق لصقه العمر ماعاد يطلع

[fashahry]

الله يعطيكم العافيه جميع موضوع رائع لكن ياشباب الي الصداء بداء في اسفل الموتر هل يفيد معه والا له علاج اتمنى الافاده لاهنتو

[الرحال2222]

الله يعطيكم العافيه جميع موضوع رائع لكن ياشباب الي الصداء بداء في اسفل الموتر هل يفيد معه والا له علاج اتمنى الافاده لاهنتو

اذا بدا الصدا لا ترش عليه شي لانه بيتاكل من داخل الصدا مثل السرطان ينتشر بالحديد والدليل شوف الرفرف والا الباب اذا طلع بمكان فيها صدا يمشي فية من تحت البوية وتتقرش البوية شوية شوية تلقاه اكل الرفرف كله وانتشر فية واعدمة
اول شي ينشال الصدا بعدها حط المانع روح للورش المتخصصة ويدلونك اما صنفرة او بمواد كيماوية بعدها حط العازل الاهم انك تتاكد ان ماعاد فيه مكان مصدي لانك لو رشيت عليه ماعاد بتشوف شي
عشان كذا اول ما اطلع السيارة وهي حتى ماكملت 1000 كيلو تمرين اروح ارش بطنها كله مانع واريح راسي 500 او 700 ريال ولا شي واسير بعدها امشي على صبخة والا مويه بحر وانا مطمن

[fashahry]

اذا بدا الصدا لا ترش عليه شي لانه بيتاكل من داخل الصدا مثل السرطان ينتشر بالحديد والدليل شوف الرفرف والا الباب اذا طلع بمكان فيها صدا يمشي فية من تحت البوية وتتقرش البوية شوية شوية تلقاه اكل الرفرف كله وانتشر فية واعدمة
اول شي ينشال الصدا بعدها حط المانع روح للورش المتخصصة ويدلونك اما صنفرة او بمواد كيماوية بعدها حط العازل الاهم انك تتاكد ان ماعاد فيه مكان مصدي لانك لو رشيت عليه ماعاد بتشوف شي
عشان كذا اول ما اطلع السيارة وهي حتى ماكملت 1000 كيلو تمرين اروح ارش بطنها كله مانع واريح راسي 500 او 700 ريال ولا شي واسير بعدها امشي على صبخة والا مويه بحر وانا مطمن


الله يجزاك خير ويرفع قدر والجميع لاهنت يابعدي

[فارس العمور]

اشكر صاحب الموضوع وكل من شارك

لكن رحت لساكو ماحصلته ( عالم ساكو بالظهران) هل من بديل او مكان اجد مثل هذه المواد؟