ايهم افضل الددسن ام الهالكس الدفرنسين .... سؤال من مشترك جديد

[المسافر]

الاخوة الكرام
السلام عليكم ورحمة الله وبركاتة
اثناء تجولي في الانترنت وجدت هذا المنتدى الرائع أسال الله ان يوفق
القائمين عليه وجميع الاعضاء
اخواني انا من هواة البر وبالذات التطعيس بل اموت فيه كما يموت فيه غيري
لكن لي مدة لم ادخل البر بسبب عدم وجود سياره معي فانا املك سيارة زفلت
واريد اشتري سيارة حوض وانا معجب بالدفرنسين الهايلكس والددسن
لكني محتار وما ادري وش اخذ الددسن ام الهالكس الدفرنسين
اخوان الرجاء الترشيح السيارة المناسبة مع ذكر مميزاتها ان امكن وبدون تعصب
لاني سالت في منتديات لكن لم اجد الاجابة الشافية لنقص الخبرة لدى اعضائها
ولكن يبدو انني سأجد الاجابة الشافية هنا وشكرا .

[العليمي]

سوف اتكلم عن الذي اعرفه ، و الذي لا اعرفه سوف ادعه جانباَ .
الهايلكس دفرنسين كان مع احد الاصدقاء و هو من هواة البر و الصيد صراحه يطلع به للطعوس ما شاء الله عليه يمشي مشي رهيب ، لاكن صديقي كان مركب له جنوط اعرض من جنوط الوكاله و مركب له كفرات بالون .

محرك الهايلكس 4 سلندر 2700 سي سي .

اما الوانيت فأعتقد انه هناك محركين الاول 2400 . و الثاني و هو الاقوى HP160 و هو بقوة 160 حصان.

[عريدان]

السلام عليكم ورحمة الله وبركاته
أنا في "رأيي" أن النيسان أفضل من الهايلوكس الدفرنشين وذلك لأن النيسان أقوى محرك كما أن تصميم النيسان متناسق وإرتفاعه متناسب مع تصميمه عكس الهايلوكس الذي يبوا إرتفاعه أكثر من اللازم بدون فائدة.

[المسافر]

مشكورين يا اخوان
بس نريد اجابات اكثر من الشباب

[شاص]

بالنسبة للهايلكس الدفرنسين ماشاء الله عليه شفته في الرملة (الربع الخالي)يتندح مايرده شي لكن عيبه ارتفاعه الزائد

[ابو عـوض]

بالنسبه للددسن فقوته ما يحتاج 160 حصان وارتفاعه مناسب جدا وتوجد به مميزات للفخامه جيده ومريح جدا اكثر من الهايلكس واذا كنت تبي تطلع للبر واجد فانصحك انك تركب كفرات عريضه وبيمشي من دون الدبل

اما الهايلكس فقوت اقوى نوع بها 157 حصان وارتفاعه زائد بحيث اذا مريت من قص او طعس انحداره قوي فاحتمال انقلابه كثير والهايلكس بصراحه ما هي مريحه زي الددسن حتى لغير الدفرنشين اذا اخذتها الله يعينك على ظهرك .......

هاذا اللي اعرفه والسلام ختام...........

[ابو الريم]

في رأيي الشخصي ان الهايلوكس افضل لانه اقتصادي في الوقود اكثر وتورك المكينة اقوى وعملي اكثر من الدتسن وقطع الغيار ارخص . اما الدتسن الذي يتميز به عن الهايلوكس انه اجمل واريح .


تحياتي ابو الريم .,...

[راعي سمنان]

اخوي المسافر حياك الله معنا .
انا معي هايلكس غمارتين 4 سلندر 2700 سي سي دفرنسين 99 .

مركب له جنوط 15 حقات لاندكروزر 91 ( القديمه ابو نجمه ) على كفرات دنلوب225/70 .

وركبت له مساعدات جبريال ابيض بالخلف مع سحب سسته وقلب السسته الأخيره ( بكذا مايبين نزوله بالنظر ) .

وبكذا انا تخلصت من عده مشاكل منها :-

1- الأرتفاع الزائد و مقاومه الهواء اثناء السفر والخطوط الطويله .

2- قوه المطب .

خلاصه الكلام انا مجربه واعرف ناس جربو الددسن الدفرنسين مافيه مقارنه بينهم الهايلس افضل بالنفود وبالقوه والعزم فمابالك يوم صار بخاخ 2003 صار احسن واحلى ... اشتر هايلكس دفرنسين وانت مغمض نصيحه اخو .

[الهباق]

اخوي المسافر

توكل على الله هايلكس :good: :good: :good:

[المسافر]

اشكر كل من ادلى برايه
المشكلة اني من مدة وانا ابحث عن دفرنسين في المعارض لاني لا استطيع شراء جديد
ولم اجد الدفرنسين سواء الددسن او الهالكس الا قليلة
وبعض مكدود ومحيوس ومع ذلك غالي ولا زلت ابحث لعي اجد سياره تناسبني
وتناسب القيمة التي معي فمن يعرف دفرنسين نظيفة يخبرني بذلك وشكرا .

[Y&Y_4X4]

وش جزمت علية ددسن ولا هايلوكس.

وبعد الله لايهينك ومن يقرأ ليش...

[العليمي]

اذا كانك تدور هايلكس مستعمل .
خويي راعي الهايلكس الي اقولك شاريه من الإمارات و هو مستعمل لاكن ما شاء الله عليه نضيف و موديله الظاهر95 او 96 دفرنسين لاكنه مضبوط في البر الله لا يضره .....
بعدين التويوتا بشكل عام يصبر و يتحمل و لا يتفكك بسرعه و ايضا قطع غياره متوفره و سعرها معقول .....

[المسافر]

اخوي Y&Y_4X4
اضحكتني اضحك الله سنك
وشكلي نويت الهايلكس عسى الله يجيبها
اخوي العليمي
ابصبر شوي واذا ما حصلت مافيه الا الامارات

[Y&Y_4X4]

السلام عليكم ورحمة الله

انا دايم اقول ياجماعة الخير،

كل السيارات حديد .
وكل السيارات يخربن همن يصلحن.
وكل السيارات يطلبن قطع غيار.
وكل السيارات يدخلن الورشة همن يطلعن .

والفايده وش هي - خذ او اشتر الي ترتاحله انت يالمستخدم, وشو الي انت الى ناضرته ترتاح له .

ددسن او هايلوكس
باترول او لاندكروزر
عفوا الامريكي ماحبه البتهههههههههه..

[عاشق النحم]

يبن الحلال بغير الددسن لا تفكر والله ولا يقارن باهيلوكس من ناحية الراحه والارتفاع
وووو الخ

عاشق النحم

[المولع]

السلام عليكم ورحمة الله وبركاته وعلى الاخوه الاعضاء المشاركين في هذا المضوع
بالنسبه للهايلكس اظنها افضل ليش :

اولا :تايوتا وانت تعرف التايوتا مصصمة للمناطق الصحراويه والخليج بالذات0
ثانيا:يقولون انها فرخ الشاص0
ثالثا:اقتصادية في البنزين وفي استهلاك قطع الغيار 0
رابعا:بالنسبة للدفرنشات حقت جيب ربع 0
خامسا:قابلت واحد من الشباب توه جاي من الرمله ويمدحها حسب كلامه انها في الرباظه ماتربض الجيب الشاص تمسكه الرباضات وهي تجي من عنده وتعداه وتفتح له طريق من قدامه واظن هذه الميزة كفاية على جودتها لأن الرمله هي الأختبار الحقيقي للسيارات واللي ينجح فيها يعتبر قمه حيث انك تقدر تشيل العزبه والماء والبنزين في ظهرها ولاتقول شيء وانا مجرب الرمله كثير 0
سادسا: شف الهايلكسات القديمه عايشه الى الآن زي الألف وتوها والعيب اللي موجود في الدفرنش اظنه لايوجد في الدفرنشين 0
سابعا:سمعت انها جت 2003 بخاخ و6 سلندر وش تبي اكثر من ذلك
واخرا وليس اخيرا انت ابخص وعلى هواك وهذا مجرد تبيين والله الموفق

[فــزاع]

مساك الله اخوي المسافر وحياك الله بين ربعك واخوانك
اخوي توكل على الله واخذ هايلكس :good: اذا تبيها كد ومد وللعمر على شان الددسن ترى عمرها قصير يعني بس كم سنه لو سنتين ولا تقربعت ..... اما الهايلكس ماشالله تقعد عند سنه سنتين خمس اسنين كما هي بس المحافظه عليها لها دوا سوا هايلكس ولاجميع السيارات واسأال مجرب:good:




اخوك قناص خيطان

[المسافر]

اخوان الكرام/
اشكركم على النصيحة وان شاء الله ناوي اشتري الهالكس
وهل تنصحوني بالجديد ( بس ماش الدراهم ناقصه )
وما هو افضل موديل للهايلكس من 98 الى 2002
شاكر ومقدر لكم النصح