استفسار عن كفرات دنلوب حجريه

[Nassersh7]

السلام عليكم

بصراحه انا فكرت اركب كفرات حجريه او كفرات شاهين على موتري فورتشنر 2012
وابي اركبها على جنوط الوكاله هل بتركب او لا ؟

[almutllaq]

وعليكم السلام ورحمة الله وبركاته .

إذا جنوط موترك 16 يركب عليهن الشاهين والحجري .

إذا 17 يركب عليهن الحجري فقط .

لكن وارد انه يحك بالبطانة الداخلية للرفرف او النسافة وحلّه بسيط واحتمال ما يحك الكفر .

**** لكن كفرات دنلوب ( الحجرية ) هي أبعد ماتكون عن هذا الاسم لضعف جنب الكفر ****

[YUKON_GMC]

الحجري فيه انواع كثير .. وفيه برضه تالندي ممتاز وقوي وفيه الميشلان الحجري وهذا هو عميد الكفرات الحجريه من سنة السبله



لكن الحجري فيه العريض وفيه النحيف حق الهدد

لكن بكلا الحالتين الافضل تغير له جنود 16 حقات الهايلكس الدبل الحديد وخل جنوط الوكاله عندك

[المميـز]

وعليكم السلام

الحجري ابعد عنه من واقع تجربه
واذا تبي تركب على جنوط الوكاله عندك تجي 17 فيه شواهين هانكوك 17 جديده توها نازله السوق
الشواهين ممتازه استخدام وشكل
واذا تقدر تركب جنوط 16 مع شواهين افضل واريح مطب للموتر
جنوط 16 حقت هايلكس او فورتشنر 4 سلندر او هلل

[john silver]

وعليكم السلام

الحجري ابعد عنه من واقع تجربه
واذا تبي تركب على جنوط الوكاله عندك تجي 17 فيه شواهين هانكوك 17 جديده توها نازله السوق
الشواهين ممتازه استخدام وشكل
واذا تقدر تركب جنوط 16 مع شواهين افضل واريح مطب للموتر
جنوط 16 حقت هايلكس او فورتشنر 4 سلندر او هلل

المميز بس استفسار ولا تهون ، اقدر اركب الشواهين على هلل 16عريض لفيكسار 2012 ، لان في واحد حذرني من الشواهين وقالي انها تنصلخ فطرد الحجره وتروغ وقال خلك على البالون ماكسس ، بس بغينا نصيحتك ولا تهون

[المميـز]

المميز بس استفسار ولا تهون ، اقدر اركب الشواهين على هلل 16عريض لفيكسار 2012 ، لان في واحد حذرني من الشواهين وقالي انها تنصلخ فطرد الحجره وتروغ وقال خلك على البالون ماكسس ، بس بغينا نصيحتك ولا تهون
لاهنت
الشواهين على الهلل مامنها خوف وكل الهلل عرضهن واحد
لكن فكسار 2012 كشكل الشواهين تطلع عليه صغيره مره لانه اقل ارتفاع من البالون 900
لذلك نصيحتي تبقى على البالون ماكسس 900 او تركب هلل 17 + شواهين هانكوك ( تلقاها عند الوكيل لكن نادره شوي )
واي خدمه او استفسار حاضرين الله يحفظك

[YUKON_GMC]

وعليكم السلام

الحجري ابعد عنه من واقع تجربه



يالغالي مشرفتا المميز ممكن تفيدنا ليه يبعد عنه من واقع تجربتك .. لاني اتوقع ان الحجري في المناطق الجبليه عز الطلب مايتاثر من الحصى اللي تقول سكاكين لكن البالون والشواهين اي حصاه تشقه من واقع تجربه مع شواهين دنلوب تشققن من الحصى ماكملن سنه

[almutllaq]

يالغالي مشرفتا المميز ممكن تفيدنا ليه يبعد عنه من واقع تجربتك .. لاني اتوقع ان الحجري في المناطق الجبليه عز الطلب مايتاثر من الحصى اللي تقول سكاكين لكن البالون والشواهين اي حصاه تشقه من واقع تجربه مع شواهين دنلوب تشققن من الحصى ماكملن سنه

ألواقع اللي حاصل عكس كلامك 100% لان دنلوب الحجري ضعيف جنبه بشكل مخيف ولا ينفع بالوعر .

اما البالون عز الطلب بالحجره نزل من هوا الكفرات وادحم الحجره وجنبه قوي بالحيل ( عدوه زيادة الهواء ) .

والشواهين اجود من الحجري بالحجره .

[YUKON_GMC]

^^^

طيب الحجري انواع واشكال وشركات كثيره انا ماقلت دنلوب حجري ..!!

[almutllaq]

^^^

طيب الحجري انواع واشكال وشركات كثيره انا ماقلت دنلوب حجري ..!!


اعتقدت قصدك الدنلوب لانه هو محور الحديث ^_^ .

اذا كنت تقصد بشكل عام فيه كفرات البالون ما يقارن بهن مثل الـ bf goodrich at ko2 أو cooper maxx st وانواع كثيرة غيرهن لكن مشكلتهن الغلاء وعدم توفرهن بالسوق المحلي .

يجمعن الجودة والثبات بالطريق والقدرة على الفرملة والتحمل بالوعر ( باختصار كفرات محترمات ومعتمدات بالراليات مثل رالي داكار العالمي ) .



http://www14.0zz0.com/2016/10/13/00/949584999.jpg (https://www.0zz0.com)

[YUKON_GMC]

الحجري فيه نوعيات رخيصه وومتتازه ..

الميشلان الحجري والاندونيسي الحجري وحتى الصيني فيه نوعيه ممتازه خاصه للجبال ماودك تركب اصلي الصيني يقوم بالمهمه وزياده وبعد سنه احذفه وركب غيره

[john silver]

اعتقدت قصدك الدنلوب لانه هو محور الحديث ^_^ .

اذا كنت تقصد بشكل عام فيه كفرات البالون ما يقارن بهن مثل الـ bf goodrich at ko2 أو cooper maxx st وانواع كثيرة غيرهن لكن مشكلتهن الغلاء وعدم توفرهن بالسوق المحلي .

يجمعن الجودة والثبات بالطريق والقدرة على الفرملة والتحمل بالوعر ( باختصار كفرات محترمات ومعتمدات بالراليات مثل رالي داكار العالمي ) .



http://www14.0zz0.com/2016/10/13/00/949584999.jpg (https://www.0zz0.com)



اخوي في واحد من الربع جرب البي اف قودريتش يقول انه مب مثل البالون فالحجره اذا كان البالون هواه 25 البي اف وعر ويبنشر لكنه افضل من البالون فالفرمله والثبات فالازفلت بغينا تجربتك للبي اف قودريتش لمقناص الحجره وكم نحط هواه فالحجره والزفلت ولا تهون